La Usc di Ladins

Al á orü ester paziënza, mo sëgn ésera tan inant. Chësc mercui ai 19 de novëmber da sëra vëgnel indô daurí te intrames les direziuns la strada de Arparora. I laurs de ressanamënt plü importanc é stlüc jö. Al mancia ma plü val’ mëndri laurs de conclujiun, che gnará fac da d’aisciöda 2026. I laurs fej pert dles operes por mioré la viabilité, en previjiun dles Olimpiades, y al é gnü lauré sön za. dui km danter San Ciascian y le Ju de Arparora. Döt adöm él gnü investí chi 10,2 miliuns de euro – döt scioldi che é gnüs dal Ministere dles Infrastrotöres y di Trasporc.

 (pablo)