Editorial

Data

10 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
»Di dl'Unité Ladina«
Recordon la pruma enconteda anter i Ladins dles cinch valedes de Gher­dei­na, dla Val Badia, de Fascia, Fodom con Col de Santa Luzia y de Ampez, sun l Jouf dl Sela, avisa ai 14 de messel dl 1946, encon­teda pro chela che i passa 3000 ladins ruvés adalerch se damanova la reuni­fica­zion ami­nistratif-teritoriala. Da la despar­tizion te trei provinzies y does regions, che dura purmassa da passa 70 ani, ne se àl mudé nia enfin encueicondì: i reston inant despartis aministrativa­menter y politicamenter. Nience nia ne n'à muet enchin sen l Referendum di comuns de Souramont dl 2007, ence bele sté dant da passa na desei­na de agn. L Di dla Unité Ladina ai 14 de messel é donca impor­tant anter les manifestazions
View the embedded image gallery online at:
https://www.lausc.it/atualite/13025-editorial#sigProId7c2ff8de6c
a livel interladin metudes a jì da la Union Generela. L fin fondamental de chest Di é y resta dagnora chel de se abiné adum anter Ladins, joegn y manco joegn, de vigni val ladina per emparé a se conesce, se scoté su l un l auter, audì les des­ferenzies y les semianzes linguisti­ches anter i idioms ladins, se con­fronté, rejoné scì de chestions y problematiches ladines, ma ence de ativités sozio-culturales da porté inant deberieda per l davegnì. Ma en chest ann, con la emergenza sanita­ra gaujeda da la pandemia che i vivon dutaurela y da meisc encà, ne n'él enfin sen nia sté meso de porté inant les mani­festa­zions sun l program, anter chestes ence chela dl Di dla Unité Ladina che fossa jù chest iade sot al ciapel dl Con­vegn »1920-2020 Unité Ladina inier, encuoi y doman« y endrezé via a Reba, en cola­borazion con l Istitut Cultural Ladin »Cesa de Jan«. Les manifesta­zions culturales é ocajions per se enconté anter Ladins, despartis – o unis – dai joufs dolomi­tics, ma chest ne n'é ciamó nia poscibl. I confidon tl auton, canche al é preve­dù l pelegrinaje dla jent ladina a Oies (ai 19 de setem­ber), y plu inant saràl la prejen­tazion de na publicazion ilustre­da dl dr. Roland Verra dal titul »Una Ladinia possi­bile«, n tratat con con­sciderazions y aspec dla realté ladina dles Dolomites y idees en cont dl davegnì de nosta mendran­za. L'aodanza resta donca chela de podei se enconté indó tosc duc canc!  (Milva Mussner, presidenta dl'UGLD)

Galaria retrac

View the embedded image gallery online at:
https://www.lausc.it/atualite/13025-editorial#sigProId7c2ff8de6c