La Usc di Ladins

Dotours
Dutor Gherdëina
L dutor de servisc dala 08:00 de n sada ai 03.10. nchin la 08:00 daduman de n lunesc ai 05.10. ie l dutor Pablo Poli­castro tl ambulatuere di duto­res Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl’edema di 3 y 4 de otober, sarál en sorvisc ti cin’ comuns dla Val Badia le dotur Eduard Agreiter, San Martin de Tor, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 02.10. nchin n vënderdi ai 09.10. ie chëla de Sëlva, tel. 0471/795142 o 333/1776615, (davierta dala 8:30–12:30).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 2 d’otober dales 19:00 al vëndres ai 9 d’otober ales 19:00, é chëra d’Al Plan, tel. 0474 501240.

Religion
04.10.
Mëssa adora sö La Crusc por San Francësch
Al vëgn lascé alsavëi che en domënia ai 4 d’otober dales 6 da doman gnarál dit na mëssa te dlijia da La Crusc, en gaujiun dla festa de San Francësch. Al zelebrëia siur Tone Fiung.

Mujiga
02.10.
Ladiniatour26
Tla gran sala dla Cësa di Cungresc a Urtijëi vëniel inò a se l dé la Ladiniatour, n vën­derdi ai 2 de utober dala 20:00 inant. Chëst ann sunerà la grupes Sun sëida, Ines, Popcorner, Nëusdoi, Julian Moling and the D-Street Band, The Zanzis. Ntreda: 15€, 10€ per jëuni y jëunes sot ai 20 ani.
03.10.
Ladiniatour a Cianacei
Sabeda ai 3 de otober da les 20:00 te chino Marmolèda rua l Ladiniatour 2026 ’Zeche de mat!’ con 5 gropes de mu­sega ladins, anter chisc ence i PopCorner. Ghesć spe­zièi te Fascia sarà le Lingue Morte.

Chino
Atualmenter
Al chino de Cianacei
Domenia ai 4 de otober da les 17:00 vegn moscià »Paw Patrol, missione dinosauri«, lunesc 5 da les 20:30 l é l spetacol de teater »Soli, storia di una madre e del figlio hiki­komori«, sabeda 10 da les 20:30 l é l film »Le città di pia­nura«.
Atualmenter
Al chino de Tieser
Insnet, vender 2 de otober e sabeda 3 da les 21:00 e do­me­nia 4 da les 20:30 l é »Digger«, jebia 8 da les 21:00 per la rassegna ‘Il piacere del cinema’ l é »Tony. Diario di un giovane cuoco«, vender 9 da les 21:00 l é »Digger«. Info: www.cinematesero.com

Cursc
Atualmënter
Curs de pilates per 50+
L KVW de Sëlva mët a jì chësc curs cun Julia Karbon tla pa­lestra tl stadio Pranives de Sëlva basite. N se anconta l prim iede ai 1. de utober dala 20:00–21:00. Daldò saràl mo 8 ancuntedes, for de juebia dala medema ëura. Per plu nfurmazions y iscrizions: Lidia Delazer, 340/5170711.
Mëns de utober
Café dla rujenedes: spanuel
Ntan l Café dla rujenedes tla biblioteca de San Durich a Urtijëi uniràl rujenà spanuel cun Emilia: uni merdi dl mëns, ai 6, 13, 20 y 27 de uto­­­ber, for dala 09:30. Na cunescënza de basa dla ruje­neda ie bënududa.
07.10.
Curs de Ladin online
La Union di Ladins de Gher­dëina mët a jì n curs de ladin online per chi che scumëncia, che scumëncia ai 7 de utober dala 19:30. L curs jirà inant for de mierculdi dala medema ëura per de ndut 7 iedesc (14.10; 21.10; 28.10; 11.11; 18.11; 25.11.). Per plu nfurma­zions y iscrizions: Union di Ladins Gherdeina, 0471 796870, info@ulg.it.
08.10.
Curs da soné orghi da bocia
Le Consëi de formaziun da La Pli inviëia a n curs cun Paolo Vinati, les jöbies ai 8, 15, 22 y 29 d’otober, dales 20:00 ales 21:00, te Ciasa dles Uniuns a La Pli. Le cost é de 25,00€ a ce. I orghi da bocia é da se tó para; chi che ne n’á nia, ciafa n consëi ciügn cumpré. Iscriziuns pro Paolo al 339 3053699.
12.10.
Curs de Ladin per prinzipianc
L Istitut Ladin Micurá de Rü mët a jì n curs de ladin per prin­­zipianc n prejënza y on­line, cun la referënta Karin Com­ploj. L curs mët man ai 15 de utober y jirà inant de ndut 8 iedesc nchin ai 10 de dezëmber, for de juebia dala 18:00 nchin la 19:30, tl Istitut Ladin te Sëlva. Iscrizions nchin ai 12.10. cherdan su l 0471 79 42 68 o scrijan a fur­mazion.GH@micura.it. Priesc: 100,00€.
14.10.
Fé roba dëucia cun castanies
Pitla sala tla Cësa de Cultura de Sëlva vëniel metù a jì n curs per mparé a fé roba dëu­cia cun castanies, n mierculdi ai 14 de utober dala 14:00 nchin la 18:00. Refe­rënta: Adriana Prinoth.
17.10.
Bocuns sagns, zënza zücher industrial
La Uniun dles Patrones dl Co­mun da San Martin y le Consëi de formaziun da San Martin mët a jí le curs »Ge­sunde Snacks, ohne Industrie­zucker«, cun Valentina Mo­ling. En sabeda ai 17 d’otober dales 9:00 ales 13:00, tla ciasa­dafüch dla refeziun a San Martin. Prenotaziuns pro Gaby al 389 0834252, anter i 9 d’otober.

Iadi y Jites
Atualmënter
Iscrizions: viac cun l bastimënt sun la Donau
La Grupa KVW de S. Cristina mët a jì n viac sun la Donau cun n bastimënt »Bellejour«, dai 12 nchin ai 17 de auril 2027. La iscrizions vën bele tëutes su da śën inant nchina al plu tert ai 31 de utober 2026. Per plu nfurmazions y per se nuté su: Emmerich Senoner, 335 57 13 575.
02.10.
Ji a scuté su l bulé dl cërf sun l Passo Rolle
La Lia da Mont Gherdëina mët a jì na jita sun l Passo Rolle, per jì a ti cialé al cërf y a scuté su si bulé. N se an­conta ai 2 de utober dala 15:30 sun Plaza Nives te Selva. Da tò pea iel na lum y na rola.
29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù »Salzburger Ad­vent­­singen« y a ti cialé ala »Salz­welten« a Hallstatt. L ie bele śën mesun resservé l post cherdan su Rudolf al 335 638 0973. L priesc ie de 400€ per persona (per la majon singula 485€). I posć ie dant resservei ai cumëmbri dl Kvw y da dedò permò ai autri nteressei.

Referac
06.10.
Le romatisc
En mertesc ai 6 d’otober dales 19:30 él tl salf Domëne Moling a La Val n referat cun le dr. Giu­seppe Zampogna. Ara nen vá dl romatisc: ci che an pó fá por la prevenziun y por medié i desturbs gaujá da chësta maratia. Organisaziun: Consëi de formaziun y KVW La Val.

Sport
04.10.
»Crono Scotoni«
En domënia ai 4 de otober dales 10:30 vëgnel organisé na gara da salté sön munt dala Capanna Alpina cina sö dala ütia Scotoni. Le prisc de iscriziun é de 25,00€. Lapró él ince na pasta y boanda, döt abelí da de bela musiga por festejé la fin de sajun dla ütia Scotoni. Infos y iscriziuns a: info@uniunsport.it
04.10.
Campiunat IHL: HC Gherdëina vs. Piné
Tl stadio Pranives te Sëlva saràl ai 4 de utober dala 18:00 la partida de campiunat IHL. L Hc Gherdëina jugherà con­tra l Piné.
10.10.
Campiunat AHL: HC Gherdëina vs. EC-KAC Future Team
Tl stadio Pranives de Sëlva saràl ai 10 de utober dala 19:30 la partida dl campiunat AHL (Alps Hockey League) danter l HC Gherdëina y l EC-KAC Future Team.
10.10.
Campiunat IHL: HC Gherdëina vs. Valpellice
Tl stadio Pranives te Sëlva saràl ai 10 de utober dala 15:45 la partida de campiunat IHL. L HC Gherdëina jugherà con­­tra l Valpellice.

Segres y Festes
11.10.
Segra sa Sacun
La segra tradiziunela sa Sa­cun sarà n dumënia ai 11 de uto­ber. La Santa Mëssa sarà dala 09:00 tla dlieja da Sacun y daldò jiràla inant cun festa, mujiga y sambën nce da maië y da bever.
12.10.
Marcià de Segra Sacun
Coche da tradizion uniràl chëst ann inò a se l dé l marcià tradiziunel de Segra Sacun, n lunesc, ai 12.10. dala 8:00 inant tres dut l raion da jì a pe y sun la plazes de Urtijëi. L sarà nce plu lies che pieta da maie y da bever per se tré ite velch.

Sozial
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG – info@trauernetzwerk-sued tirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Atualmënter
Family Support
L servisc Family Support pieta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ ëura al’ena a fé vel’ stroz, cialé di mutons:ans o judé ulache l ie debujën. L servisc ie de­bant y duc possa s’l damandé. Per nfurmazions: gher­deina@family-support.it
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
02.10.
Deberieda: festa per i 30 ani dla grupa
La grupa Deberieda mët a jì na jita a jì na festa n ucajion de si 30 ani, n vënderdi ai 2 de utober. N se anconta dala 14:00 dan la Cësa de Paussa a Urtijëi. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.

Mostres y Ert
Atualmenter
Claus Soraperra en mostra a Trent
Tel Spazio Atelier Benigni, via Belenzani 51 a Trent, se pel veder la esposizion del artist Claus Soraperra dal titol »Del Seelengarte, ovvero l’Orto«. La é da poder veder fin ai 29 de otober dal mèrtesc al vender da les 16:00 a les 19:00 e de sabeda ti oraries 10:00-13:00 e 15:00-18:00.
09.10.
»Wildnis vor der Haustür«
L Fotoclub Gherdëina mët a ji na mostra de fotografies dal titul »Wildnis vor der Haus­tür«. La giaurida ie ai 9 de utober dala 20:00 tl self dla mostres dla Lia Mostra d’Ert. La mostra sarà da udëi nchin ai 12.10., de sada y dumënia, 10:00 - 12:00 y dala 16:00 - 18:00. N lunesc de Marcià de Segra Sacun restela da­vierta dala 9:00 - 17:00.
Atualmënter
Mostra »Spuren«
L Tublà da Nives te Sëlva nvieia de cuer a unì a ti cialé ala mostra »Spuren« de Lau­renz Stockner. La mostra re­sterà davierta nchin ai 11 de utober. Orares: uni di ora che l lunesc, 16:00 – 19:00. L artist sarà prejënt ai 26 de setëmber y ai 3 y 11 de uto­-ber. Ai 3 de utober dala 11:00 pu­­­deràn scuté su n dialogh cun Laurenz Stockner, tenì da Katherina Perlongo.
Atualmënter
La Berstot de Lenert
Dai 19 de setëmber nchin ai prim de nuvëmber iel da udëi tla sala dla mostres dla Cësa di Cugresc a Urtijëi la mostra che se dà ju cun la storia dla berstot dla familia Moroder Lenert y dantaldut cun l’opres di scultëures Rudolf Moroder Lenert (1877–1914) y Ludwig Moroder Mëune (1879–1953).
Atualmënter
Mostra dl Portal Ladin
Tla biblioteca ladina »Anda Malia da Cudan« tla Cësa di Ladins a Urtijëi iel metù ora nchin ai 17 de utober na mo­stra dl Portal Ladin. Orares de giaurida: dal lunesc al vënderdi dala 9-12 y dala 15-18, ai 13.10. domesdì dala 15-18 y dai 14.10 nchin ai 17.10 danmesdì dala 9-12.
03.10.
Dialogh cun l artista Laurenz Stockner
Ai 3.10. dala 11:00 tl Tublà da Nives, puderàn scu­té su l dialogh cun Laurenz Stockner, tenì da Katherina Perlongo.

Publizistica
03.10.
Secudì la jënt de tëmp a Cësa – iscrizions daviertes
La Lia Sarëinn mët a jì n curs tl self Gisella Moroder tla Cësa de Paussa a Urtijëi, per ti dé la pusciblità a ëiles y ëi nteressei de se njenië ca per acumpanië y secudì jënt de tëmp. N mpera i aspec pratics dl lëur cun seniores y persones che adrova aiut y sustëni. L curs va dai 9 de utober nchin ai 20 de nuvëmber. La iscri­zions ie daviertes nchin ai nchin ai 03.10., cherdàn su l 333 149 9949 o scrijan a ploner robert5@gmail.com
05.10.
Tan sterscia ie pa nosta democrazia?
Tla biblioteca de San Durich a Urtijëi vëniel metù a jì na sëira de descuscion n con dla respunsabltà y dl daunì, cun l’espertes EURAC Alice Engel y Theresia Morandell – n lu­­nesc ai 5 de utober dala 20:00.
07.10.
Persones.Stredes.Stories
Fiorella y Ivo Vettorazzi à fat 2.500 km cun la roda da Korinth nchin a Urtijëi. Tla bi­blioteca de San Durich a Urtijëi cunterài de si espe­rienza, n mierculdi ai 7 de utober dala 20:00.
08.10.
Sëira n con’ dla finanzes per l’ëiles
La Raiffeisen Gherdëina mët a jì na sëira de nfurmazion n con’ dla finanzes per l’ëiles, ai 8.10. dala 20:00 tla Cësa di Cungresc a Urtijëi. L vën prià bel de se nuté su nchin ai 2 de utober sot al link https://tinyurl.com/2ytuxfx3.

Avisc
Atualmenter
Rencuron nosc teritorie
L’ApT de Fascia à endrezà i CleanUp Days. Fin ai 11 de otober se pel jir te un di ofizies di foresć a tor l kit e jir fora sui troes segné su la mapa a tor su i refudames che vegnarà porté te un di lesc de regoeta. Duc pel tor pèrt.
Atualmenter
Cors de bal de cobia
L Assessorat a la cultura e a la politiches sozièles del Co­mun de Sèn Jan endreza n cors de bal de cobia con la sociazion Des Etoiles de Trent. L cors ponta via con amancol 10 cobies enteressèdes. Per na pre-iscrizion ge vel chiamèr dant da en lunesc ai 5 de otober l nr 0462-764758 opura manèr na mail a segreteria@comune.senjandifassa.tn.it.
Juebia
Ciaculon deberieda 
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. La ancuntedes va inant per de ndut 8 iedesc, for de juebia dala 18:00 (nchin ai 12.11.), tla biblioteca »Anda Malia da Cudan« tla Cësa di Ladins a Urtijëi. Unide nce Vo!
05.10.
Lia di Filatelisć – ancuntedes
La Lia di Filatelisć, numisma­tics y vedla chertes de Gher­dëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel‘ barat. La proscima ancunteda sarà ai 5 de utober.
09/11.10.
Festa del Rengraziament
L’Union di Ladins de Fascia endreza la Festa del Rengrazia­ment. Vender 9 de otober da les 17:00 te chino Marmolèda moment dedicà a chi che se dèsc ju per la cura di etres, litazions e conzert grop folk de Fascia de Il Pentagramma. Domenia 11 da les 10:00 defi­lèda da piaz de Comun de Cianacei e da les 10:30 messa grana.
27.10.
Scontrèda te Cèsa de Paussa
Tel chèder de la scontrèdes per la comunanza ‘Stèr apede 2026’ en mèrtesc ai 27 de otober da les 17:00 a les 18:30 te Cèsa de Paussa de Fascia l é l enconter dal titol ‘Semper online, semper più da soi’ con la psicologa Paola Maria Taufer. A la fin n picol ma­rendel de la Coprativa Oltre.

Temp Lede
Atualmënter
L Itiosaur de Secëda... n saut tla storia dla Tiera!
L Museum Gherdëina nvieia de cuer a n lauratuere creatif cun la referënter Sara Welpo­ner y Claudia Urthaler, n vënderdi ai 2 de utober dala 14:30 nchin la 17:00, per mu­tons:ans dala prima ala terza elementera. Priesc: 8,00 € per uni mut:a. Posć limitei. Iscri­zions: mierculdi, 23.09. dala 20:30 inant tres Whats­app: 333 6177786 Marion. (mé per cumëmbri VKE). N se­gondo lauratuere per mu­tons:ans dala cuarta elemen­tera ala prima mesana unirà fat ai 16 de utober, for dala 14:30–17:00.
Atualmënter
Culinarium Urtijëi
Na esperienza culinaria y ga­­stronomica patriculera uni­ràl a s’l dé te de plu restau­ranc de Urtijëi, nchin ai 11 de uto­ber. La strutures che fej pea ie: Restaurant Genziana, Costa­­­mula Restaurant, Stua Catores, Anna Stuben, Ustaria Da Checco, Restaurant Mont Sëuc, Restaurant Tubladel, 4 Sajons Restaurant, Stube Vives, Ustaria Traube, Café Re­staurant Val d‘Anna, Re­stau­rant Pizzeria Lamm y Zicoria Brasserie.
02.10.
Storia de 15 menuc
Tla biblioteca de S. Durich a Urtijëi vëniel liet dant na sto­ria per per mutons uni prim vënderdi dl mëns dala 15:00. Ai 2 de utober liejerà Her­mann dant y daldò pu­deràn mo vester criatifs.
03.10.
Daniele Silvestri sun Salei
Tel chèder di evenc di Sons de la Dolomites, doman, sabe­da 3 de otober, sun Pian de Jiadoes sun Salei da les 12:00 se pel scutèr l conzert del ciantautor Daniele Silvestri.
04.10.
De dla jënt atempada a San Martin
En domënia, ai 4 d’otober vëgnel festejé te Ciasa de Palsa a San Martin de Tor le de dla jënt atempada. Dales 10:00 él la santa mëssa dla comunité, ciantada dal Cor de dlijia da San Martin de Tor. Dedô vá la festa inant cun na matinée cun liagnes blances y prezes. Düc é bel inviá da tó pert.
08.10.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 8 de otober dales 15:30 ales 17:30 a La Ila. Te biblioteca pó pici y gragn passé n do­misdé cun na gran cerna de jüc da mësa. N espert dá con­sëis y spliga les regoles. Al é ince la poscibilité da s’impresté fora jüc.
09.10.
Impresciuns dal’Africa
Le Consëi de formaziun da Rina inviëia a na proieziun foto­­grafica, en vëndres ai 9 d’otober dales 20:00, te salf dles uniuns da Rina. Walter Sottsas mostra sües fotografies de 6 Paisc dl’Africa: Maroco, Etiopia, Kenia, Tanzania, Ugan­da y Namibia. Al mostra ince süa belëza, le monn dl laur y les condiziuns de vita dla jënt dl post. Al é la posci­bilité da fá na spënora lëdia, che jará ai »Südtiroler Ärzte für die Welt«.
10.10.
Trofeo Aiut Alpin Cup
En sabeda ai 10 de otober la stazion de Socors da mont de la Val de sora endreza l Trofeo Aiut Alpin Cup II Memorial Gino Comelli de rampinèda spor­­tiva ló da la palestra ADEL de Ciampel. L trofeo é resservà ai sozi socoridores del Aiut Alpin. Da les 10:00 desmostrazion vies de califica e scomenz de la calificazion, da les 15:30 finèles e premia­zions.
10.10.
Marcià Bio y local
La Lia per Natura y Usanzes nvieia al Marcià bio y local n sada ai 10 de utober dala 9:00 inant sun pitla plaza de Sant Antone a Urtijëi. N possa nce apusté craut scrijan a Eva: 3331409019.
17.10.
Cëna de chi dl 1976 dla Val Badia
En sabeda ai 17 d’otober él na cëna por i nasciüs y les na­­­sciüdes dl 1976 dla Val Badia. An mët man dales 14:00 cun na mëssa te dlijia da San Martin, ciantada dal cor »Cor­Usc«. Dedô ván sö a Pe de Börz y spo a pe cina ala ütia Munt de Mür, olache al sará n aperitif y la cëna, cun intrati­gnimënt musical de DJ Robby. Iscriziun paian ite 90,00€ sön le cunt IT56M 0801058830 000404426100, don dant inom, cognom y paisc.
24.10.
Turnoi de Batadù da 64
La grupa di artejans n pension tl LVH met a jì n batadù da 64 tl self de Chemun a S. Cri­­stina, n sada ai 24 de uto­ber dala 14:00 inant. N possa se scrì ite l medemo di dala 13:00 inant.

Televijion
Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
06.10.
Mendret – grafica y artisć de mendranza
Dales 20:50 ca. Test y conzet Matilde Gazzini, produziun Media-art a cura de Alessan­dro Dapunt.
07.10.
Natura e ambient – ambient Helga Alton pedagoga dles erbes
Dales20:50 ca. Test y conzet Karin Pizzinini, produziun Pinterfilm, a cura de Alessan­dro Dapunt.
08.10.
S-link socors 4.0
Dales 20:50 ca. N program de Cinzia Pistoia, a cura de Alessandro Dapunt.