La Usc di Ladins

Rua n auter pont per l Fascia Balon de gra a la parità contra l'Alta Anaunia. Ti prumes menuc la partida vegn jiada tel mez del ciamp zenza nesciuna ocajion emportanta fin al mez del temp canche rua l prum gol fascian con Mattia Manenti. Passa cinch menuc e rua l secondo gol fascian. Ti secondi carantacinch menuc l é i ghesć che fasc la partida schician i bec de mister Capovilla te sie mez del ciamp. Ciapé chisc 2 goi, un do l auter, i ghesć se spenc inant a proar a drezar la endesfida e a n par de menuc da la fin rua l 2 a 1.
Someassa che i fascegn porte a ciasa i 3 ponc ma al 90° rua la docia giaciada: n jiador nones sauta via per bas te area e l diretor dasc la trata dai 11 metres che no vegn falada.

L Fascia Balon jia en domenia ai 4 de otober da mese le cater a Calceranica al Lago contra la Vigolana.

De più te La Usc stampèda de en vender ai 2 de otober del 2026.  (Pierpaolo Rasom)