La Usc di Ladins

En jöbia sëra ai 24 de setëmber, á Samuel Debon presenté so pröm liber tla stüa dl Ciastel de Tor. »Anterlöm« é le titul dla storia che á sciöche protagonist Matî, n jonn chersciü sö a Badia devers dla fin dl 1800.
Daimpró al genre dl »Bildungsroman« röia l’opera che cunta dl crësce y dl madorí dl protagonist. Sciöche »na storia dl deventé de n jonn, amarscé dala surité, dal’emarginaziun, dal’archirida de süa identité«, l’á descrita i mëmbri dl’Uniun di Ladins Val Badia che á cherié n cheder leterar, olá senté ite le roman, portan dant n cört excursus dla storia dla leteratöra ladina y na reflesciun sön l’opera cun spunc filosofics.

Te n’intervista nes cunta Samuel Debon deplü de süa pröma opera leterara, dada fora en colaboraziun cun l’ULVB y che röia sëgn tles mans di leturs.


L’intervista ciafëise da lí tla ediziun nöia de vëndres le 2 d’otober!