La Usc di Ladins

Sostegní les auturies y i auturs ladins, sciöche ince daidé do i scriturs che vëgn docá, é le travert prinzipal dl concurs leterar SCRIBO, metü a jí iniann dal’Istitut Ladin Micurá de Rü en colaboraziun cun le Departimënt Intendënza y Cultura Ladina.
Un di tesć premiá dala iuria é chël dla badiota Elena Frenademetz, che á cun so test dal titul »Eroines« plajü ala iuria. Ara á podü pié do le 2. pest tla categoria di scriturs ‘senior’ – chëra che vá dai 25 agn insö. Tl cheder dla manifestaziun »Di dla cultura ladina«, tignida iniann a Urtijëi dan da n valgönes edemes, s’ál desfiré la premiaziun dl concurs.

Danter i 29 tesć dá jö, é l’opera de Elena Frenademetz gnüda premiada por ester inovativa, pitan na interpretaziun moderna dles liëndes ladines tl lingaz atual. Te so toch fej l’auturia n confrunt danter les figöres feminines dles liëndes y les erës d’aldedaincö. 

Por nen savëi deplü unse intervisté l’auturia Elena Frenademetz, che nes á cunté de so test, dles figöres che l’á apascionada y dl plajëi da scrí.


Liede inant tla ediziun nöia de vëndres ai 2 d’otober!