La Usc di Ladins

Mammut da gosté
L’Uniun Teater Calfosch inviëia a teater. Ai 30 de setëmber la premiera
Tl tëmp dla pera ê la repartiziun dl rode danter ël y ëra dër tlera: l’ël ciaciâ, l’ëra cujinâ. Ci che degügn ne s’ess aspeté indere é che ince chësc ordin podess gní porté sotissura cun tan püch. Tl ander é la confujiun rovada adalerch cun na ëra misteriosa, öna che vëgn dala cité. Chësc ál basté por lascé bolí la gelosia, l’onur mascolin y la forza feminila sön la medema flama, chëra impiada dala domanda: »Che él pa pordërt che comana chiló?«. L’Uniun Teater Calfosch inviëia da fá n iade zoruch tl tëmp cun le toch »Mammut da gosté«, n toch provocant, da rí, mo che fej ince ponsé sura.
I apuntamënc é ai 30.09. (20:00), ai 2.10. (20:00), ai 4.10. (17:00), ai 7.10. (20:00), ai 10.10. (20:00) y ai 11.10. (17:00) tl salf dles ma­nifestaziuns a Corvara. La regia é de Ellen Alfreider, la soffleuse é Nicole Alfreider, scenografia é de Elena Pescollderungg y la tecnica de Marco Valentin. An pó prenoté tres WhatsApp al numer 3701688485.

Mëisa turonda
Tl Tublà da Nives te Sëlva vëniel metù a jì na mëisa turonda n con’ dla ciarestia de personal per secudì la jënt de tëmp, n juebia ai 1. de utober dala 20:00
Tla cëses de paussa y per secudì jënt de tëmp a cësa, iel for manco personal da garat. Co pòssen pa ti jì permez a chësta problematica, ciunes pudëssa pa vester la soluzions per l daunì? La Lia »Sarëinn« y la lia »Tublà da Nives« ulëssa ti jì permez a chësc argumënt scialdi atuel, lascian rujené persones che vën cunfruntedes uni di cun chësta tematica y che fajerà l pont dla situazion: Sabine Rifesser – di­retëura dla Cësa de Paussa »San Du­rich«, Ursula Thaler – diretëura dla cooperativa soziela »Humanitas«, Doris Berg­meister dl servisc de assistënza a cësa, Hugo Pera­thoner – cumerzialist y ex-presidënt dla Lia »Cësa de Paussa Gherdëina«. Mu­derazion: Simon Moroder.

Iö me ó bun
Simon Kostner vá en tournee cun le toch »Iö

• 
•  

View the embedded image gallery online at:
https://www.lausc.it/manifestazions-y-evenc/32591-manifestazions-atuales-speziales#sigProIddc86545967

me ó bun«: al sará da odëi proscimamënter a Neumarkt, Porsenú, Balsan y Maran
Diesc agn do da »Badiotten« y »Über Unverträglich­keiten und andere Haus­tiere«, röia l’atur y cabare­tist Simon Kostner indô sön paladina cun so ultim toch »Ich liebe mich oder vom (Un)-Glück, ein Gut­mensch zu sein« cun regia de Dietmar Gamper. Ara se trata de n monologh a mesa strada danter n caba­ret y n teater che condüj le publich te n monn de iro­­­nia, matades y intuiziuns demorvëia.
Do dala premiera, gnü­da a s’al dé chësta aisciöda a Bornech, vá sëgn le toch en tournee cun apunta­mënc nüs: la pröma tapa é a Neu­markt, ai 3 d’otober dales 20:00 y ai 4 de otober dales 19:00 tl Dach­boden­theater im Mes­nerhaus (infos y prenota­ziuns tres la plata www.fsu-neumar kt.com o al numer de te­lefon 0471 812128). Inant jarára a Porsenú ai 13 de novëmber sön le palch dl teater Deka­denz, spo a Balsan ai 26 de no­vëm­­ber tl teater Ca­ram­bolage, y a Maran ai 15 de jená tl Theater in der Altstadt.

Curs de teater a La Ila
L’Uniun Teater La Ila mët a jí n curs de teater por mitans y mituns
Le curs vëgn tigní da Erika Castlunger, tla Ciasa dla Cultura a La Ila, vigni vëndres dai 2 d’otober cina ai 11 de dezëmber. 
L’orar é dales 14:30 ales 15:30 por chi che fej la 2, la 3. y la 4. classa dla scora elementara, y dales 16:00 ales 17:30 por chi dla 5. classa dla scora elementara y chi dla scora mesana. Le cost é de 30,00€. 
Informaziuns y iscriziuns pro Erika al 339 6288847.

De dla jënt atempada
En domënia, ai 4 d’otober vëgnel festejé te Ciasa de Palsa a San Martin de Tor le de dla jënt atempada
Dales 10:00 él la santa mëssa dla comunité, cian­tada dal Cor de dlijia da San Martin de Tor. Dedô vá la festa inant cun na matinée cun liagnes blan­ces y prezes. Travert dl de dla jënt atempada é chël da ti mostré ala jënt de tëmp nosta recone­scënza y nosc respet, y ince da mëte al zënter les porsones che ciara de ëi. 
Al dess ester n momënt de incuntada, de festa y aurela cörta. Düc é bel inviá da tó pert.

De dla jënt atempada
En domënia, ai 4 d’otober vëgnel festejé te Ciasa de Palsa a San Martin de Tor le de dla jënt atempada
Dales 10:00 él la santa mëssa dla comunité, cian­tada dal Cor de dlijia da San Martin de Tor. Dedô vá la festa inant cun na matinée cun liagnes blan­ces y prezes. Travert dl de dla jënt atempada é chël da ti mostré ala jënt de tëmp nosta recone­scënza y nosc respet, y ince da mëte al zënter les porsones che ciara de ëi. 
Al dess ester n momënt de incuntada, de festa y aurela cörta. Düc é bel inviá da tó pert.