La Usc di Ladins

»Dinner für Spinner« te Sëlva
La Lia dl Teater de Sëlva ve nvieia a unì a ti cialé al pez nuef per tudësch. La première ie n sada ai 10 de utober dala 20:30 te Cësa de Cultura
Na cëina n cumpanìa, n editëur, si fëna, n reumatologh, n cunselier finanzier, n scritëur, na amanta y n finanzer. Danter na matada y n’autra vëniel ora mpue de confujion, purteda sun palch da Juri Demetz, Ingrid Mussner, Martin Senoner, Moritz Demetz, Moritz Ber­nardi, Sara Senoner y Samuel Kasslatter, sot ala regia de Igor Demetz. L pez da rì per tudësch unirà purtà dant per l prim iede n sada ai 10 de utober dala 20:30 te Cësa de Cultura te Sëlva. L’autra reprejentazions sarà n mierculdi ai 14.10. y n vënderdi ai 16.10. dala 20:30, n dumënia ai 18.10. dala cinch domesdì, y inò dala 20:30 n mierculdi ai 21 y n sada ai 24 de utober.
Chertes danora giapen pra la Lia dl Turism de Sëlva, 0471 77900, o diretamënter pra la cassa dan l teater. La Lia dl Teater de Sëlva ve nvieia de cuer a passé na bela sëira n cumpanìa per s’la rì mpue.

ALPS MOVE Festival a Urtijëi
Tl

• 
•  

View the embedded image gallery online at:
https://www.lausc.it/manifestazions-y-evenc/32640-manifestazions-atuales-speziales#sigProIdea9c245b44

self Luis Trenker dla Cësa di Cungresc a Urtijëi saràl n dumënia ai 11 de utober dala 18:00 la reprejentazion »Up Close«, n ucajion dl festival Alps Move
La balarina cuntemporana Anastasia Kostner à metù a jì l pruiet y la coreografia, laureda ora deberieda cun nuef balarins y balarines che vën dantaldut dal Süd­tirol y dal Trentin.
La performance de bal – ntan chëla che n se an­conta y stà daujin – lascia udëi la ndividualità, la co­letività y l mudamënt dla perzezion persunela.
Chertes danora pòssen apusté sun la plata internet https://www.alpsmove.it

»Löm«
La pröma mostra dla colaboraziun EPL-Museum Ladin por le proiet »Ert tla Tor« vëgn inaodada insnöt vëndres ai 2 d’otober 2026 dales 18:00
Le trio de artisć y mëmbri dl’EPL-Ert por i Ladins ODV Cristinarosa Pizzi­nini, Georg Erlacher y Albert Mellauner rump la dlacia por le proiet che gnará spo fat vigni ann. Tl mëis de otober gnaral metü fora tla tor dl Ciastel dl Museum Ladin na mostra d’ert, indi­vi­duala o de grup.
Le tema dla mostra che döra cina al 1. de novëmber 2026 é »Löm«, l’orar de dau­rida é dales 10:00 ales 18:00 dal mertesc ala domënia.

Maraties psichiatriches: canche le comportamënt é na desfida
En mertesc ai 6 d’otober dales 20:00 él te Ciasa de palsa a San Martin na serada por ladin y todësch, cun le dotur Fabian Nicosia da La Ila
Tratan le referat gnarál presenté te na forma interativa ejëmpli con­crec, chiris fora tl’assistënza psi­chiatrica da vigni de, sura chi che al gnará spo baié. Tres situa­ziuns concretes vëgnel dé spliga­ziuns sön formes de maraties psi­chia­triches tipiches y mostré sö sciöche ares vëgn classificades y les posci­bilités de terapia.
Al ti gnará ciaré particolarmënter al raport pratich da vigni de cun porsones atocades da na maratia psichica, sciöche ince ales desfides che an incunta te situaziuns de­svalies de cura y assistënza.
Le referat dess trasmëte cone­scënzes fora dla pratica, incorajé a na discusciun y dé impulsc con­crec por le raport cun maraties psichia­triches, dantadöt tl’eté.
Le referënt é le dr. med. univ. Fa­bian Nicosia da La Ila, che á stlüt jö le stüde de medejina pro l’uni­versité da Desproch tl 2018 y á fat na formaziun sciöche dotur spezialisé de neurologia, stlüta jö tl 2024. Dal 2022 incá laorel tl ciamp dla psichiatria, tl ultim sciö­che responsabl dl repart psichia­trich por la jënt atempada tl Zënter de Psichiatria (ZfP) a Weissenau.

Curs de fotografia por prinzipianc
Le Fotoclub Val Badia y le Consëi de formaziun Badia mët da jí ai 17 d’otober n curs a Badia, cun Samuel Debon
N curs de fotografia por düc y dötes che oress scomencé cun la fotografia o oress imparé da la conësce miú. Al vëgn tigní en sabeda ai 17 d’otober dales 10:30, tl’aula magna dla scora elementara de Badia. Le curs é partí sö te döes perts. Chëra teorica dal mëte­man, olache an impara les bases de co adoré n aparat da fá jö y les tecniches plü conesciüdes por cherié de beles fotografies; y chëra pratica dedô olache an porvará fora deboriada döt ci che é gnü insigné cun l’aiüt dl referënt Samuel Debon. Les iscri­ziuns pó gní fates ala mail fotoclubvalbadia@rolmail.net o scrion al nu­mer 377 2608630. Al vëgn tut sö alplü 15 partezipanc. Sce al foss bur’ tëmp, vëgn le curs sburlé al de do.

Mammut da gosté
L’Uniun Teater Calfosch inviëia a teater. Premiera ai 30 de setëmber
Tl tëmp dla pera ê la repartiziun dl rode dan­ter ël y ëra dër tlera: l’ël ciaciâ, l’ëra cujinâ. 
Ci che degügn ne s’ess aspeté indere é che ince chësc ordin podess gní porté sotissura cun tan püch. Tl ander é la confujiun rovada adalerch cun n’ëra misteriosa, öna che vëgn dala cité. Chësc ál basté por lascé bolí la gelosia, l’onur mascolin y la forza feminila sön la medema flama, chëra impiada dala domanda: »Che él pa pordërt che comana chiló?«. L’Uniun Teater Calfosch inviëia da fá n iade zoruch tl tëmp cun le toch »Mammut da gosté«, n toch provocant, da rí, mo che fej ince ponsé sura.
I apuntamënc é ai 30/09 (20:00), ai 2.10. (20:00), ai 4.10. (17:00), ai 7.10. (20:00), ai 10.10. (20:00) y ai 11.10. (17:00) tl salf dles ma­­­n­ifestaziuns Franz A. Rottonara a Corvara. La regia é de Ellen Alfreider, la soffleuse Ni­cole Alfreider, scenografia de Elena Pescollde­rungg y la tecnica de Marco Valentin. An pó prenoté tres WhatsApp al numer 370 1688485.

Marcià di libri adurvei de Segra Sacun
Coche l ie bele tradizion meterà la trëi biblioteches publiches dla valeda – San Durich, Tresl Gruber y O. v. Wolkenstein – nce chëst ann a jì l marcià di libri adurvei de Segra Sacun
I libri tëuc ora dala biblioteches – ajache danejei o nia plu atuei – y chëi dunei dai privac, unirà vëndui a 1 € per liber. I scioldi che vën trac ite unirà pona inò dac ora per l bën dla trëi biblioteches.
L marcià di libri ie a Urtijëi tla Cësa di Cun­gresc Luis Trenker dan l ufize dla Lia dl Turism y l scumëncia n lunesc ai 12 de utober dala 8 daduman nchin la 6 da sëira. 
N merdì ai 13 de utober saràl daviert dala 8 ala 12 da mesdì y dala 2 ala 6 da sëira, n mierculdi ai 14 de utober dala 8 ala 12 dan­mesdì. La trëi biblioteches San Durich de Urtijëi, Tresl Gruber de S. Cristina y Oswald von Wolken­stein de Sëlva se ncunforta sun vosc unì!

Jita culturela tl Sudetendeutsches Museum
L Istitut Ladin Micurà de Rü mët a jì na jita culturela a Minca n sada ai 17 de utober
Ntan la jita de un n di jiràn a vijité l Sudetendeutsches Museum a Minca, ulache l sarà na vijita me­neda dl diretëur Stefan Planker.
La curiera pëia via dala 6:00 da Plaza Nives te Sëlva y fërma damprò ora: dala 6:10 ta Iman a S. Cristina y dala 6:20 sun Plaza Sant Antone a Urtijëi. N sarà de reviers ntëur la 20:00.
N possa se scrì ite nchin a n vënderdi ai 9 de utober cherdan su l numer 0471 79 4268 o scrijan a furmazion.gh@micura.it, scrijan leprò l inuem y cuinuem, l numer de telefonn y ulache n ulëssa senté ite tla curiera. Da paië iel 20 € a persona (sun la curiera).

Curs da soné i orghi da bocia
N curs de cater incuntades tratan le mëis d’otober, te scora elementara a Badia
Le Consëi de formaziun Badia mët a jí n curs da soné i orghi da bocia, cun Paolo Vinati. Le curs vëgn tigní cater iadi, i mertesc ai 6, ai 13, ai 20 y ai 27 d’otober, dagnora dales 20:00 ales 21:00, tla scora elementara de Badia. 
Les incuntades é ponsades sides por prinzipianc co por chi che sá bele n pü’ da soné. An n’adora nia conescënzes de musiga y an ne mëss nia savëi da lí notes. Le cost dl curs é de 25,00€ a porsona. 
Les iscriziuns vëgn tutes sö da Paolo Vinati al numer 339 3053699 o ala mail pavinati@tiscali.it

Marcé de San Francësch a Badia
Le marcé tradizional cun aurela cörta sará indô ai 4 d’otober, en chësc iade de domënia
Le marcé a Badia á tradi­ziun – sides le marcé de ma da d’aiscida che chël de San Francësch da d’al­tonn. Ince chësc ann ésera tan inant. 
Le marcé de San Fran­cësch gnará tigní ai 4 d’otober, che toma chësc iade de domënia. Söl post sarál ince i Stüda­füch de Ba­dia, che pîta de vigni sort da mangé y da bëre por pici y gragn. I Stüda­füch ves aspeta tla plaza dan le magazin dla Ciasa Runcher. Düc é bel inviá da storje pro.