La Usc di Ladins

L derit a la cèsa, la scola con sie smendrament demografich e la fegura del Sorastant, l personal e la ressorses ai enc culturèi, i ejames de zertificazion linguistica, la colaborazion anter la Provinzies de Trent e Busan tel ciamp de la formazion e de la scola, l’indenità de bilinguism. L é chisc valgugn di temes traté endèna la scontrèda de l’Autorità per la mendranzes linguistiches de la Provinzia de Trent chiamèda ite da la presidenta Katia Vasselai en lunesc ai 20 de oril te sala grana del Comun General de Fascia. L ultim di trei encontres, do chi con la mendranzes mochena e zimbra – à dit la presidenta Vasselai con apede Chiara Pallaoro – per scutèr i besegnes del teritorie, veder che che l é stat l met de portèr a compiment e che l é amò de besegn de tor su. Te sala i raprejentanc de la maor istituzions de la val e l’autoritèdes provinzièles e regionèles competentes che l procurador del CGF Edoardo Felicetti à saludà dantfora. Do l salut de la senatora Elena Testor, che à recordà che la setemèna che vegn vegnarà tout dant te aula la reforma del Statut de Autonomia, l é stat l intervent del president del Consei provinzièl Claudio Soini che à fat a saer che ai 14 de mé sarà la sentèda adum col Consei provinzièl olache vegnarà prejentà la relazion finèla de l’Autority per l’aproazion.

Podede lejer dut su La Usc dai 24 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)