La Usc di Ladins

Vivon te n temp che va coran, olache dut sciampa en prescia e dut seghita a mudèr. Epura l é conties che resta. I mic antics, nasciui tant dalonc tel temp, i seghita amò anchecondì a ne rejonèr, a ne emozionèr, e ne fèr pissèr sora. Co sarèl? E perché pa cognassane amò i lejer e studièr? Fosc perché i mic no l é demò veia conties: l é spieies. Ti mic troon ite temes, dejideries, ingiustizies, ensomesc. L é stories che rejona del om, e l om, tinultima, no l muda mai dassen. Per i tosac, dapò, i mic pel esser amò più emportanc: i ge ensegna a vardèr l mond con eies curiousc, a se fèr domanes, a no azetèr dut coscita coche l é. I mic l é n strument de crescimonia, ma ence vèlch che ne mena stroz, ne fèsc imaginèr e emozionèr. Per chest, libres desche »In-Visibili« i é bogn de tegnir aut l mit desche zeche de vif, atuèl e vejin.

 
Podede lejer dut su La Usc dai 17 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)