La Usc di Ladins

L é se n jit en ponta de pe, a la bela età de 90 egn, compagnà tel ultim viac da na sdragola de fies, de nec e de pronec. Mario Gretter, ragionier, funzionarie de la Provinzia de Trent, per me l é stat n maester e n amich, per 25 egn l motor sconet del Istitut Cultural Ladin. L era segretarie particolèr de Guido Lorenzi, Assessor a la Cultura, canche l Istitut é stat metù su con Lege provinzièla n. 29/1975, e no stente a creer che chel test, dessema col Statut, l lo abie en gran part metù ju el, che l aea jà na gran pratega tel ciamp de la gestion de istituzions culturèles de la PAT, desche musees e biblioteches.
A mi, fresch de università e de naia, l me à neto ensegnà l mistier: co scriver na delibera, co meter ju n verbal, na convocazion, na relazion per n bilanz de previjion o na rendicontazion…
Se tel portèr inant n mistier sutèa fora n problem giuridich o aministratif, per senester che l sie stat, Mario no l era un de chi che se studièa a te la lavèr ju dantfora con n bel »no se pel«: l se tirèa ite la mènies per jir a chierir la soluzion, a cost de bater fora duc i ofizies de la Provinzia, che ampò l cognoscea ogne piz e cianton de chel aparat. E lo fajea semper con fèr aiegher e de voler, semper con bela maniera, tegnan te dant bon fest l obietif, metan semper normes e regolamenc al servije de la causa, no vertoles per schivèr complicazions. E te dant el l metea semper la persones, piutost che i papieres. N é cognosciù pec aministratives de chela sòrt.

Podede lejer dut su La Usc dai 17 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)




 (Fabio del Goti)