La Usc di Ladins

Dotours
Dutor Gherdëina
L dutor de servisc da n sada ai 15.07. dala 08:00 daduman nchin la 08:00 daduman de n lunesc ai 17.07. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema dl 15 y 16 de messé él en sorvisc ti comuns de Mareo y San Martin la doturia Margarete Mahlknecht, La Val, tel. 349 0667034 o 0474 523018. Ti comuns da La Val, Badia y Corvara él en sorvisc la doturia Lodovica Mattioni, La Ila, tel. 328 8590842.

Apoteches
Apoteca Gherdëina
L’apoteca de servisc ora dl orar urdiner, da n sada ai 15.07. nchin n vënderdi ai 21.07. ie chëla de Sëuc, tel. 0471/708970 (orar de giau­rida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 14 de messé dales 19:00 al vëndres ai 21 de messé ales 19:00, é chëra d’Al Plan, tel. 0474 501240.

Segres y Festes
15.-16.07.
Segra de Santa Cristina
Doi dis de festa tl Zënter Iman. N sada ai 15.07. sunerà i »Odle Sound« dala 18:00. N dumënia scu­menceràn dala 09:30 cun la mëssa y la defileda, dala 13:00 cun la mujiga de Hoderlumpm y dala 19:00 Volkspartie.

Teater
Atualmënter
Teater alalergia a Urtijëi
La Lia dl Teater de Urtijëi nvieia a si spetacul alalergia dal titul »Der wunderbare Massenselbstmord« tla chëurt dla scola elementera de Urtijëi. La première ie ncuei, ai 14 de lugio dala 21:00. D’autra raprejentazions ie ududes dant ai 18, ai 19, ai 21, ai 22, ai 25, ai 27 y ai 29 de lugio, for dala 21:00. Chertes danora ie da giapé sot a theater groeden.com/tickets.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
18.07.
Natura e ambient: L’ega fontana dla vita
Dales 20:50 ca. Vigni aspet de nosc vire sön chësta tera é governé dal’ega, ara é n bëgn prezius che an ne pó nia spaterlé. Ti ultimi agn é le turism chiló da nos mudé dassënn, la jënt vëgn da nazio­nalites olache an ne conësc nia la munt y sü problems, y sambëgn comporta chësc ince na maiú cuantité de refodam y n maiú consum d’ega. Sides tles valades, mo dantadöt ince tles üties da munt, an metü da jí proiec por sparagné ega, limité le refodam y sconé la natöra. Scialdi bí é i trusc da jí a pé che passa dlungia l’ega ia. L’ega á na forza relassanta, ara é bona da ti scinché a chi che se deura, na sensaziun de pêsc y de cuntentëza. Program de Karin Pizzinini, a cura de Anna Mazzel.
19.07.
Trail spezial
Dales 20:50 ca.
20.07.
Pizes dla Ladinia: La gran piza de Falzares
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.

Radio
Ladinia

• 
•  

View the embedded image gallery online at:
https://www.lausc.it/manifestazions-y-evenc/24226-manifestazions-atuales#sigProId853eca66ee

Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
18.07.
Plü de n pest por la biscia dal nes fosch
Dales 13:45. Le paur Markus Alton nes cunta te chësc pro­gram de sües bisces particola­res. N program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
14.07.
Cunzerc »Open Air«, for plu de moda
Dala 19:05 - Temperatures ciaudines, sté dedora cun furnimënt lesier, se renfresché cun zeche de bon y scuté su de bela mujiga. Chësc ie l flair che mpermët la sajon ciauda y che vën a s’l dé dantaldut d’instà, na sensazion che nes fej viver mumënc de lidëza y de bona ueia. Y propi de chësc fenonem, di cunzerc alalergia, di cunzerc open air vëniel rujnà ntan chesta trasmiscion de Georg Mussner.
15.07.
Momënc de vita – intervista a Pia Cassan
Dales 19:05. Pia Cassan é nasciüda a Mazin, olache ara vir ciamó aldedaincö. Ara nes cunta de sciöche al ê inlaota a Mazin, dla scora elementara, che é vardüda jö, dl laur da paur y dla vita de paisc. N program de Erika Castlunger.
19.07.
Raides e curiositèdes: Bornech
Dales 19:05. Claudia Conta ne mena a descuerjer la zità de Bornech, so ciastel, la stua-ostaria al numer 43 olache troon tropes depenc, recor­daron ence i Messner moun­tain museum de Ripa e de Plan de Corones apede a vèlch curiosità su la cortina, la gejia e Michael Pacher. Program de Anna Mazzel.
20.07.
Musiga en pröma fila da ciasa: Mina
Dales 19:05. Trasmisciun dedicada a öna dles ciantarines plü amades dla Talia, la mitica Mina. Program de Esther Videsott.

Mujiga
Atualmenter
Le Muse e le Dolomiti
La sociazion Le Muse e le Dolomiti envia a la lezions avertes de ciant dai 17 ai 28 de messèl e de violin dai 17 ai 20 de messèl a Falcade. Ai 20 conzert di bec te gejia de Caviola, ai 24 domesdì labora­torie creatif a Moena e ai 26 semper a Moena da les 21:00 »Gran Gala Lirico« di studenc de la masterclass. Info e preno­tazions su www.musedolomiti.it
Uni mierculdi
Cunzert dla Mujiga de S. Cristina
La Mujiga de Santa Cristina sunerà uni mierculdi dala 20:30 tl Zënter Iman de S. Cristina. Duc ie nviei de cuer.
Uni vënderdi
»Trio Ladinia« sona te Val
L trio de corni da mont sunerà te Val uni vënderdi, dai 30 de juni inant, for dala 16:30.
15.07.
Oujes de speranza dal Cor Enrosadira
En sabeda ai 15 de messèl da les 21:00 tel teater de Navalge a Moena l Cor Enrosadira endreza n conzert, ensema col Cor Croz Corona de Campo­­denno, per sostegnir l Centro NeMo de l’ospedèl Villa Rosa de Perjen che se cruzia de riabilitazion de persones con malaties neuro­mu­­scolères, desche la SLA e la SMA.
16.07.
Neri Marcorè a Cianacei
Ai 16 de messèl da les 21:00 al Camp Sportif de Cianacei (se fossa burt al Chino Mar­molèda) conzert del cognosciù artist Neri Marcorè, col stru­mentist Domenico Mariorenzi te n viac en musega anter i maores protagonisć taliegn e foresć. Cost 25 euro con biliec venui dantfora su TicketOne. Info Sociazion Antermoia 348 0043352.
16.07.
Cianté y soné sön munt
En domënia ai 16 de messé vá inant linia de conzerc sö alalt. Dales 13:30 ales 15:00 podarán aldí tla ütia Nagler a Badia i »Volxbrass« – n grup de jogn da La Ila, Calfosch y Corvara.
19.07.
Cunzert da sëira dla Mujiga de Badia
La Mujiga de Badia sunerà n la sëira dl 19 de lugio dala 21:00 tl Zënter Iman a S. Cristina.
20.07.
Cunzert dla Mujiga de Urtijëi
La Mujiga de Urtijëi sunerà n juebia ai 20 de lugio dala 21:00 sun Plaza de San Durich a Urtijëi. Duc ie nviei de cuer.
20.07.
Cunzert dla Mujiga de Sëlva
La Mujiga de Sëlva sunerà n juebia ai 20 de lugio dala 21:00 sun Plaza de Chemun.
20-23.07.
Conzerc del Fascia Panorama Music
En jebia ai 20 de messèl te Fuciada da les 13:30 Francesca Bertazzo con Roberto Gor­gazzini, Beppe Pilotto e Enrico Tommasini, se l é burt te refuge. En domenia ai 23 sun Costabela da les 11:00 musega ladina con Laura Willeit e Hubert Dorigatti »Dalle Dolo­miti al Missisippi«, se l é burt al Hotel Arnika (Pas Sèn Pelegrin) da les 14:30.
22.07.
Fanes: conzert por recordé Luca Serianni
En sabeda ai 22.07. dales 20:00 él tla Ücia de Fanes n con­zert dediché a Luca Serianni, che nes á lascé dan da n ann. Al sona Priska Comploi al fabló y Esther Crazzolara ala vidora. Organi­saziun: Istitut Ladin »Micurá de Rü«.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Families y porsones che á debojëgn ciafa dailó spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëinä. Per se lascé nuté su: nchin al di dant da mesdì: Urtijëi, 335 1031751.S. Cristina, 333 1499949. Sëlva, 335 6558633.

Chino
Atualmenter
Al chino de Cianacei
En sabeda ai 15 de messèl da les 21:15 l é »Mission: impos­sible – Dead Reckoning« en program ence en mercol ai 19 da la medema ora. En lunesc ai 17 semper da les 21:15 l é »Indiana Jones e il quadrante del destino« e en mercol ai 19 da les 17:00 »Ruby Gillman–La Ragazza con i tentacoli«. En jebia ai 20 da les 17:00 e da les 21:15 l é »Barbie e en vender ai 21 da les 17:00 »La Sirenetta«.
Atualmenter
Al chino de Tieser
En vender ai 14 e en sabeda ai 15.07. da les 17:30 l é »La ragazza con i tentacoli« enveze da les 21:15 en vender l é »Indiana Jones e il Qua­drante del Destino« e en sabeda ai 15 e ence en mèrtesc ai 18 »Mission: Impossible«, che vegn programà ence en domenia ai 16 da les 16.45. En lunesc ai 17 da les 21:15 »Rido perché ti amo«, en mèrtesc ai 18 da les 17:30 »Elemental« e en mercol ai 19 da les 21:15 »Scordato«. En jebia ai 20 da les 17:15 l é »Barbie« e da les 21:15 »Indiana Jones e il Quadrante del Destino«.
20.07.
Chino da d’instà per mutons:ans
Dai 20 de lugio inant - per cater juebies ndolauter, for dala 17:00 - uniràl mustrà n film per mutons:ans tla sala dla biblioteca de San Durich a Urtijëi. La ntreda ie debant.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Mostra Aureon a Vich
Te la scola populèra de Vich se pel veder la mostra scien­tifica endrezèda dai studenc di Licees de Fascia con la Coprativa Inout. La restarà averta fin ai 25 de aost duc i dis da les 15:30 a les 18:30 e da les 20:00 a les 22:00. Info e prenotazions: www.inout fassa.com/mostra-scientifica.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmenter
Oraries Museo Ladin
L Museo Ladin de Fascia a Sèn Jan é avert fin ai 10 de setember da la domenia al vender da les 10:00 a les 12:00 e da les 15:00 a les 19:00. L é sera de sabeda e de mèrtesc da les 17:00 se pel se empre­valer de la vijita vidèda. Info sul sit www.istladin.net, prenotazion al 0462 760182.
Atualmenter
Sezions Museo Ladin de Fascia
La sezions sul teritorie é aver­tes da la domenia al vender e serèdes de sabeda. La Sia a Penia e l Molin a Pera da les 10:00 a les 12:00 e da les 16:00 a les 19:00. L Stont a Ciampedel, l Malghier a Pera e l Segat a Poza demò domesdì da les 16:00 a les 19:00. Ogne setemèna l é na vijita vidèda. Info su www.istladin.net e prenotazion al 0462 760182.
17.07.
Te piaz d’istà con Luca Micheluzzi
En lunesc ai 17 de messèl da les 21:15 tel chèder de la rassegna ‘Te piaz d’istà’ de Virna Pierobon a Poza, tedant Ciasa de Comun, l é la prejen­tazion del liber »L’arte della semplicità e del sesto grado« con l autor Luca Micheluzzi.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
14-18-20.07.
Ispirazions d’istà: ocajions de reflescion
Insnet vender 14.07. al PalaDolomites de Ciam­pestrin prum apuntament, dedicà al don de la maternità. En mèrtesc ai 18 te la scoles de Moena l piscop Lauro Tisi e l imprenditor Matteo Lunelli se confronta sul tem de la richeza e en jebia ai 20 te ora­torie de Poza don Ambrogio Mazzai rejona de Vangele sui social. Duc i apuntamenc é da les 21:00.
23.07.
125 agn »Fondaziun Ciasa de Palsa Ojöp Frëinademetz«
La Ciasa de Palsa da San Martin inviëia ala festa de 125 dla »Fondaziun Ciasa de Palsa Ojöp Frëinademetz«, en domënia ai 23 de messé. Dales 9:30 santa mëssa dla comunité ciantada dal cor »Mosaic«, dedô salüt da pert dles autorités y spo aperitif cun musiga de Pire. Pici y gragn é bel inviá. Al é ince n ciantun por mituns.

Mostres y Ert
Atualmënter
»Kulturmeile« Gudon 2023
La »Kulturmeile« Gufidaun ie davierta uni di dala 10:00 nchin la 19:00.
Atualmënter
Mostra »i minerai dles Dolomites«
Tl salf dles manifestaziuns a Corvara él da odëi cina ai 22 de messé na mostra de corëc, sot al titul »I minerai dles Dolomites«. Ara é daverta dal lönesc ala sabeda dales 8:00 ales 12:00 y dales 15:00 ales 19:00; la domënia dales 9:00 ales 12:00 y dales 16:00 ales 18:00.
15.07.
Mostra Idea Unika
Ntan chësc instà vëniel metù ora per l cuinto iede la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech prejenterà si lëures nchin a mez setëmber.

Iadi y Jites
20.07.
Traverseda da Gsies a Kalkstein
La lia »Nëus jon pa bel plan« nvieia a chësta traverseda tla Val Grata. L sarà da ji de n dut ca. 5 ëura. Pià via vëniel da Sëlva (Hotel Oswald) dala 06:45 - la curiera fërma nce a S. Cristina dala 06:50 y a Urtijëi sun plaza dala 07:00. N possa se nuté su nchin merdi ai 18.07. da Ciofes Inge a Urtijëi, da Malsiner Soriva a S. Cristina y da Sport Bruno Riffeser te Sëlva. Infos: 328 914 6844 (Arthur), 334 720 1650 (Paola), 338 836 2004 (Valentin), 320 045 4724 (Helmuth).
22.–23.07.
Jita de doi dis sun l dlacier Corno di Cavento
La Lia da Mont de Gherdëina nvieia a chësta jita tla grupa dl Adamello ai 22 y 23 de lugio. L se trata de na jita mesanmënter ria y scialdi longia. Per se lascé nuté su: 10 - 14 de lugio da Ciofes Inge a Urtijëi, da Sport Malsiner a S.Cristina y da Sport Bruno Riffeser te Sëlva. Per plu nfurmazions: Philipp 334 3338903, Georg 335 7885710, Valentin 338 8362004, Ivan 348 7803397.
Uni mierculdi
Raida di mejes sa Sacun
L Museum Gherdëina mët a jì uni mierculdi la raida di mejes sa Sacun, cun vijita ai mejes de Mëune y Peza y ala dlieja da Sacun y ntroduzion ala storia dl nridlamënt tl Museum Gherdëina.N se anconta dala 09:00 tl Museum Gherdëina. Iscrizions: nchin al di dant dala 18:00 dal Museum Gherdëina y pra la lies turistiches de Gherdëina.

Temp Lede
Atualmënter
La Val: ala descurida dl paisc
Ince fora por i mëisc da d’isté pón tó pert a na ciacia al tesur particolara fora por le paisc da La Val. Ara se trata de na spazirada interativa da na staziun al’atra fora por les fraziuns dl paisc cun le travert da ciafé la parora de soluziun. Dötes les informaziuns y i materiai da pié ia ciafon tl ofize turistich da La Val.
14.07.
Aperitif a Urtijëi
Ncuei vënderdi 14.07. dala 18:00 nchin la 20:30 puderàn se goder de bon aperitifs scutan su de bela mujiga tl raion da jì a pe de Urtijëi. Pra l Café Haiti meterà DJ Simon su de bela mujiga y dan l Café Adler & Bar Stetteneck sunerà Leslie & Patrik–SOUL’S BROTHER and SISTER.
15.07.
No Filters Freestyle Festival
En sabeda ai 15 de messèl a Lago de Tieser Daniel Degiam­pietro e ASD Racing Team Fiem e Fascia endreza l gran spetacol NFF: freestyle sun rodes e motores e break dance con musega. Da les 11:30 a les 17:00 avert a duc; da les 17:00 a les 24:00 entrèda a paament per esibizions e DJ set con Gian Nobilee. Info su www.nofiltersfreestyle.com.
15.07.
»L’ert anconta la bona sëures«
Te trëdesc restauranc de Sëlva anconta la bona sëures l’ert de trëdesc artisć:tes dl luech. Chësta manifestazion vën a s’l dé dai 15 de lugio nchin a mez setëmber.
15.07.
Piz La Ila: Fitness a 2.000 metri
La sabeda ai 15 de messé i vëgn dedicada al fitness sön Piz La Ila. Al vëgn tigní leziuns de fitness y yoga, sciöche ince referac de psicolo­gia y alimentaziun, adöm a Federica Costantini y espertes dla »Federica Fitness Library«. Les iscriziuns vëgn tutes sö söl post dales 9:30 inant. Infos sön www.moviment.it
17.07.
Tradizions te Gherdëina
Tl zënter de Urtijëi uniràl prejëntà la tradizions, l’ert y l guant dala gherdëina ntan la sëira di 17 de lugio, dala 20:30 inant. Dala 21:00 inant: ntratenimënt cun la grupa de bal de Urtijëi.
18.07.
Pidrô: La nöt dles botëghes
En mertesc ai 18 de messé é les botëghes y les ativités artejanales da Pidrô davertes cina ales 22:00. An podará passé na bela sëra da d’isté y ciarcé spezialités ladines arjignades ca dales patrones.
18.07.
Calfosch: domisdé di mituns
Mitans y mituns da 3 a 12 agn pó tó pert a n domisdé creatif, en mertesc ai 18 de messé dales 15:00 ales 17:00, tl parch dai tiers a Calfosch. Adöm cun Anna, podará i mëndri fá na ciasa dai vicí y spo la depënje y la decoré. Prenotaziuns ti ofizi turistics dl’Alta Badia o online.
19.07.
A spas co la musega a Poza
En mercol ai 19 de messèl duta la strèda de Meida dal Piaz de Comun en su se sera al trafich da les 21:00 fin les 23:00 per ge lascèr lèrga a animazion, musega e golo­saries endrezé da sociazions e operadores del post sot la regia del Comitat Manifesta­zions Enjoy Pozza.
19.07.
Laborators didatich tl Museum Ursus ladinicus
En mercui ai 19 de messé pó i mituns tó pert a döes incun­tades didatiches, tl Museum Ladin Ursus ladinicus a San Ciascian: dales 16:30 ales 17:00 pó mituns da 7 a 12 agn imparé val’ sön les Dolo­mites y dales 17:00 ales 18:30 pó mituns da 4 a 8 agn vijité le museum. Prenotaziuns pro le Museum ladin.
19.07.
La majera jufa dl mond
Ai 19 de juni dala 21:00 inant uniràl fat la majera jufa dl mond sun Pra da Nives te Sëlva.
21.07.
Sportensema Day a Moena
En vender ai 21 de messèl (se fossa burt temp vender 28) di de spas, amicizia e inclujion a Moena. Da les 10:00 azet al Navalge e atività tel zenter sportif con squadres a abilità mescedèda, da les 12:30 al Parch Fiabilandia marena e dapò jeghes, spas e premiazion. Event debant con atenzion a la desabilità. Info e prenotazins al 353 3575534.
21.07.
Gherdëina Craft Beer Festival
Sun Plaza Nives te Sëlva puderàn ciarcë d’uni sort de piers artejanei n vënderdi ai 21 y n sada ai 22 de lugio, for dala 16:00 inant.
22.07.
Al Plan: inaudaziun dl parch da calisthenics
En sabeda ai 22 de messé dales 10:30 vëgnel inaudé a Al Plan, tl raiun de Chi Pësc­pësc, le parch da calisthenics. Dales 11:00 sarál na desmo­straziun da pert dl grup »Gravity Breakers« y dales 12:00 pón porvé fora le parch cun acompagnadus.
22.07.
San Martin: torné de nöt »Pradel Cup«
I Jogn da San Martin organi­sëia ai 22.07. dales 16:00 inant le torné de nöt »Pradel Cup«, cun scuadres da 4+1 porsones. Lapró gnarál incoroné le re di setmetri. Al é da s’anunzié anter i 19.07. pro Giovanni al 345 5859796. Cost: 100,00€ a scuadra. Pröm pest 500,00€. Por la musiga fistidiëia Ossi de Lipo y DJ Temptation X.
Uni mierculdi
Cumpré ite da sëira
La butëighes de Urtijëi sarà daviertes uni mierculdi sëira dala 21:00 nchin la 22:30.
Uni lunesc
Kids Night – juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:00 inant uni lunesc nchin ai 4 de setëmber.
Uni merdi
Pastelné cun materiai naturei
Sun Pitla Plaza de Sant Antone a Urtijëi puderà i mëndri y la mëndres pastelné cun materiai naturei (putes, rames, pleces, ciofes, yni.), uni merdi dala 14:30 nchin la 18:00.
Uni merdi
Marcià di paures y artejans
L vën inò metù a ji l marcià tradiziunel di paures y arte­jans, tl raion de jì a pe de Santa Cristina dala 19:00 inant.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00.
Uni mierculdi
Marcià sun Plaza Nives
L marcià tradiziunel, ulache n puderà cialé, ciarcë y cumpré roba y spëisa locala, unirà a s’l dé uni mierculdi dala 14:30 nchin la 17:00 sun Plaza Nives te Sëlva.
Uni juebia
Sëira per mutons:ans cun l Strion Bryan
Tl Zënter Iman uniral metù a jì uni juebia na sëira de aurela curta, juech y deverti­mënt cun l strion Strion Bryan, for dala 20:30 inant.

Sport
15.07.
DoloMyths Run a Cianacei
En sabeda ai 15 de messèl a Cianacei la gran corsa sa mont. Te la 25^ DoloMyths­Run 800 scric ite se darà batalia sui 22 km. con 1750 metres de dislivel positif de la Skyrace, pean via da les 8:00 da Cianacei per jir sa l Piz Boè e de retorn. Da vender a domenia evenc de cornisc te Piaz Marconi e al FassaPark e ai 16 »èlba con la Dolomyths Run«.
Atualmenter
L Genoa te Fascia
L Genoa é te Fascia fin ai 23 de messèl. Jiadores e staff é de alberch a Soraga e i se arced­ea al zenter sportif Benatti de Moena olache vegnarà jià fora ence 3 partides da peconc: en sabeda ai 15 da les 17:30 contra l Fascia Balon, en mèrtesc ai 18 da les 17:00 contra l WSG Swa­rovski Tirol e en sabeda ai 22 da les 17:00 contra l Venezia.
21.07.
Bike Challenge Tour
La Bike Challenge Tour pëia via sun Pitla Plaza de S. Antone a Urtijëi dala 15:00. L possa fé pea cumëmbri:es dla Fisi, genitores y cumpanies dl sport da d’inviern–uni scuadra muessa avëi 5 parte­zipanc:tes. L fin ie de giapé adum l plu chilometri (peda­lei) che la va te 50 menuc.
Atualmënter
Iscrizions curs per purvé l sport dl volley
Es’a nce tu ueia de purvé l sport dl volley y ies nasciù danter l 2012 y l 2016? Pona scrì te ite a nosc curs per purvé che vën a s’l dé ala fin de agost sun l ciamp da beach volley dal Tennis Urtijëi. La iscri­zions ie daviertes nchin ai 15.08. sot al numer 333 1666922.
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.