La Usc di Ladins

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
19.03.
Natura y ambiënt: I mudamënc climatics y les desfides tl dagní
Dales 20:50 ca. Mosoraziuns y statistiches desvalies da pert de scienziá de döt le monn nes lascia odëi n gran aumënt dles temperatöres mesanes ti ultims 30-40 agn respet ai secui y milens denant. Por i abitanc di paisc da munt se lasciará chësc sintí dantadöt tles ativités che á da nen fá cun le turism da d’invern. Por ti jí adincuntra a n dagní sann, mëss nosta sozieté ciafé trus por colié les trëi formes de sostenibilité, chëra ecolo­gica, chëra economica y chëra soziala, y alternatives por ci che ne vá nia plü dî da tigní en pe sciöche al é sëgn. Y chiló é vignun de nos cherdé da dé so contribut. Program de Karin Pizzinini, a cura de Anna Mazzel.
20.03.
Trail spezial
Dales 20:50 ca. A cura dla redaziun.
21.03.
Cult riuai da inier y incö: La oraziun jüda o jö de moda?
Dales 20:50 ca. Program de Daria Valentin y Hanspeter Karbon, a cura de Alessandro Dapunt.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
19.03.
La storia dles Dolomites tres i edli de sü vijitadus da foradecá
Dales 13:45. L‘auturia Ingrid Runggaldier presënta süa publicaziun dal titul Gezahnt wie der Kiefer eines Alligators. N program de Sara Frenner.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
15.03.
Karin Planker, consulënta dl prim aiut emozionel
Dales 19:05. Karin Planker ie cunsulënta dl prim aiut emo­zionel. La sustën i genito­res, cialan de ti judé a pensé do n con’ de si pensieres y emo­­zions. Tres eserzizies desferënc possi abiné n balanz te sé nstësc, che ie la funda­mënta per avëi n bon raport cun d’autra jënt. Mé nscila iesen boni de renfurzé l liam che i à cun cun si mutans y mu­­tons. Karin Planker cun­terà te chësta ntervista de si lëur da cunsulënta dl prim aiut emozionel. Trasmiscion de Sofia Stuflesser.
16.03.
Vita sot tera
Dales 19:05. Te nosta sozieté sunse ausá/des da costruí verscio l’alt, mo tl passé él sté caji, olache al é gnü fat de granes operes verscio l’interiur dla tera. Ponsun por ejëmpl ales catacombes o ales gran citês sot tera tla Capadocia. Ince al dé da incö él da ciafé de gragn y lunc tunei sot tera sot valgünes dles gran metro­poles, por ejëmpl sot la cité canadeja de Montreal. Pro­gram de Iris Del Valle.
20.03.
L

• 
•  

View the embedded image gallery online at:
https://www.lausc.it/manifestazions-y-evenc/26673-manifestazions-atuales#sigProId5678b94b68

turism nes toca duc
Dales 19:05. L turism te nos raion é zeche che ben o mel reverda duc tant dal pont economich che soziel, culturèl e ambientel per chest per la dezisions emportantes fossa de besegn che duc e dutes posse tor pèrt ativamenter. Cognoscer e poder dir la sia l’é ence l spieie de la demo­crazia che à desvaliva manieres de porter inant si idees, insnet rejonaron de chest con Heidi Stuffer de la grupa Nosc Cunfin. Program de Anna Mazzel e Elide Mussner.
21.03.
N isté atif, creatif y ví
Dales 19:05. Nos Jëuni Gher­dëina nes presënta süa oferta de cursc da d’isté por jogn y jones. N program de Sara Frenner.

Avisc
Atualmenter
Bambi con »Ester tel cher«
La Sociazion Bambi sostegn na regoeta de bonaman per didèr i bec de Ester Palmieri, la femena da Valfloriana copèda da sie om, che do se à tout la vita. Trei picioi anter i 5 e i 10 egn é resté orfegn. Chi che vel ge sporjer n dida­ment i pel dèr na bonaman metan la causala »Ester nel cuore« sul cont con chest iban: IT97U 08184 34570 00001 0012200.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Iscriziuns ala scora de musiga – online
Les scores de musiga dla provinzia deura les iscriziuns por le proscim ann de scora, dal 1.03. cina al 31.03.2024. Les iscriziuns vëgn fates online tres le sorvisc dl’amini­straziun provinziala »myCivis« https://civis.bz.it/einschreibu ng-musikschule L’azes al sorvisc vá tres SPID, CIE (cherta d’identité eletronica) o cun la cherta di sorvisc ativa­da. Informaziuns plü menüdes sön www.musikschule.it
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
15.03.
Repair Café
Smaché? Nianca da pensé! La Lia per Natura y Usanzes, nvieia al Repair Café, na ancunteda ulache n possa se lascé cuncé da esperc y esper­tes stofs, draps, guanc, aparac eletrics, rodes y bagli y nce lascé fé tai ai curtiei. L apunta­mënt ie ai 15.03. dala 17:00 nchin la 21:00 tla Cësa de cultura de Sëlva.
15.03.
Scontrèda sui desturbes de l’alimentazion
L Servije Afares Generai e Istruzion del Comun General de Fascia, en ocajion de la Giornèda nazionèla del fiochet lila, dedichèda ai desturbes del comportament alimentar, endreza na scontrèda en vender ai 15 de mèrz da les 17:00 te CGF con la dotora Roberta Casarotto.
18.03.–22.03.
Iscrizions »Ncantëur tl bosch«
La Lia Gaia mët a jì l proiet da d’instà »Ncantëur tl bosch«, per mutons y mutans dl 2018-2020 y na segonda grupa per i ani 2013-2017. L proiet va dai 24 de juni nchin ai 23 de agost, la prima doi enes a Puntives, pona 4 enes te Sëlva sun Daunëi y daldò inò trëi enes a Puntives). Orar: 8.00-8.30 nchin 14.00-14.30, pusci­bltá de unì a tò dala 12.30 (sun dumanda). La iscrizions vën tëutes su dai 18.03. nchin ai 22.03. tres l formular sun www.pro-gaia.net.
18.-26.03.
Pavël: iscrizions
L proiet per l instà Pavël, per mutons y mutans dl 2013– 2020, vën metù a ji dal VKE deberieda ai Chemuns; a Urtijëi dai 01.07. nchin ai 16.08., a S. Cristina y te Sëlva dai 08.07. nchin ai 23.08., for dala 07:30–14:30 y un n di nchin la 15:30. La iscrizions possa unì fates tres l portal VKE, for dala dala 07:00 inant: Urtijëi ai 18 y 19.03.; S. Cristina ai 25 y 26.03.; Sëlva ai 21 y 22.03.
21.03.
Sëira sun i uciei y generela dla Lia Uciei
N juebia ai 21 de merz dala 20:00 tla Biblioteca dla Cësa di Ladins a Urtijëi. Danora uniral cuntà zeche dl mond di uciei cun referimënt a Süd­tirol y a Gherdëina cun plu ejëmpli de uciei nteressanc. Daldò saral pona la senteda generela dla Lia Uciei Gher­dëina.
15.04.
Instà Vif – iscrizions
L proiet per l instà Instà Vif, per mutons y mutans dl 2010–2017, vën metù a ji dai Che­muns de Gherdëina cun cin’ lies, dai 24.06. nchin ai 23.08. dala 08:30-12:30 o dala 13:30-17:30. La iscrizions possa unì fates tres l link o QR–code che n abina sun l julantin dat ora, ai 15.04. dala 20:00 inant.

Prejentazions
22.03.
Prejentazion dl liber »100 anni e 1 di giocattoli della Val Gardena«
La prejentazion ie ai 22 de merz dala 20:00 tla biblioteca de San Durich a Urtijëi. Tobia Moroder, Werner Stuflesser y Annemarie Augschöll rujnerà cun Monica Ferrari y Michaela Sotriffer.

Sport
15.03.
Memorial Tita e Marco
Anché, vender ai 15 de mèrz la sociazion sportiva Bela Ladinia e l Socors da mont del Zenter Fascia endreza la 27^ garejèda de schi alpinism a cobies de net en recordanza de Tita Weiss e Marco Rasom. I atlec ponta via da les 20:00 te piaz Massar a Vich e rua fin sun Ciampedie sun n percors de 5 chilometres. Se pel se scriver ite do les 18:00 ence demò desche amatores.
22.03.
Sellaronda Skimarathon
N vënderdi ai 22 de merz uniràl a s’l dé l Sellaronda Skimarathon, che pëia via da Cianacëi. Chi che fej pea passerà tres la valedes ladines y sambën nce te Gherdëina, plu avisa pra l raion dl Hotel Krone te Sëlva (19:00 - 21:00). Na bela ucajion per passé a cialé.
22.03.
Sellaronda Skimarathon
En vëndres ai 22 de merz él la gara de schialpinism »Sella­ronda Skimarathon«. I atlec pëia ia dales 18:00 da Cianacëi te Fascia. Ai passará a Cor­vara, dlungia la staziun dl implant Boé incër les 19:20 – 19:30 y jará inant cina sön Planac. Informaziuns plü me­nü­des sön www.sellaronda.it

Teater
17.03.
A Tieser a teater
Per la rassegna »Il piacere del teatro« en domenia ai 17 de mèrz da les 20:45 te teater de Tieser la compagnia del Cactus de Perjen met en scena l spetacol »Il fantasma di Canterville« de Oscar Wilde.

Temp Lede
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
Vigni mertesc y jöbia
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mer­tesc y jöbia dales 20:00 ales 22:00. Al ó ester le schi­pass o la cherta de plü dis.
15.- 23.03.
N’ena de mujiga »Rock the Dolomites«
Da n vënderdi 15 de merz nchin ai 23 de merz suneràl uni di te n’autra utia da mont su o lajù tl luech de Sëlva, d’uni sort de grupes de mujiga: ai 15.03. sunerà i Madax dala 16:00 inant pra la utia »Pra Valentini«. N sada ai 16 sunerà i Timbreroots tla Dantercëpies Mountain Lounged ala 12:30, dala 14:00 i Howlin’ Pussy Experience y dala 15:30 inant i Pëufla. Ai 17 jiràla inant pra la Utia Ciampac cun la grupa sun | sëida, dala 14:30 inant.
17.03.
Segra de Runcadic
L Cor de Runcadic nvieia duc de cuer ala segra de S. Ujep a Runcadic, n dumënia ai 17.03. Dala 10:00 saràl la Santa Mëssa te dlieja de Runcadic. L cianta l Cor de Runcadic cun urchestra la Missa Solemnis in C-Dur de W. A. Mozart. Do mëssa dajeràl velch da bever y crafons da segra.
18.03.
Skishow dla Scola de Schi y Snowboard de Sëlva
Sun l purtoi Frëina (Ciam­­pinëi) uniràl fat na bela desmustrazion sun i schi y sun l snowboard, ai 18.03. dala 21:30 inant.
18.03.
I jun a üs
Dai 18 de merz ai 7 d’aurí pón se fá a Corvara y Calfosch na spazirada fora por paisc, liada ala Pasca. Do le percurs él metü sciablones de üs da Pasca, olache an pó descurí les tradiziuns da Pasca. An pó pié ia dal ofize turistich de Corvara o Calfosch, olache an ciafa na picia cherta cun le percurs.
19.03.
La Val: pastelné por Pasca
Mitans y mituns dla elemen­tara é inviá da gní te biblioteca a La Val a pastelné por Pasca. An s’incunta en mertesc ai 19 de merz dales 14:30 ales 15:30. Al é da s’anunzié te biblioteca o ala mail laval@biblioteches.it
19.03.
Calfosch: pastelné por Pasca
En mertesc ai 19 de merz dales 15:00 é mitans y mituns dla elementara inviá te biblioteca da Calfosch a pastel­né por Pasca. S’anunzié te biblioteca o calfosch@biblioteches.it
20.03.
Sëira de juesc cun la lia Trix
Tl local Saut dla Nëus Jëuni Gherdëina mët la lia Trix a ji na sëira cun juesc da mëisa, n mierculdi ai 20 de merz dala 20:00 inant.
20.03.
Badia: pastelné por Pasca
En mercui ai 20 de merz dales 16:00 é mitans y mituns dla elementara inviá da gní te biblioteca de Badia a pastelné por Pasca.
20.03.
San Martin: i fajun les granares dal orí
Le Museum Ladin Ciastel de Tor organisëia en mercui ai 20 de merz da fá deboriada les granares dal orí: dales 15:00 ales 16:30 i mëndri dla scolina, dales 16:30 ales 18:00 chi dla elementara. Le curs é limité a 15 partezipanc. Le cost é de 5,00€ a ce. I mituns mëss gní acompagná da n adult. Infos y prenotaziuns al 0474 524020 o ala mail preno taziuns@museumladin.it
20.03.
La Ila: cun i schi da sëra y La Falda
Sön la pista »Doninz« a La Ila pón vigni mercui jí cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis. Le mercui ai 20 de merz vëgnel ince tigní la incutnada por i amisc dl telemark, cun na cörta gara, che mët man dales 20:00.
20. y 21.03.
Nos Ladins cun Arthur y Nikolas
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 20 de merz pón imparé da jí cun i schi da telemark, adöm a Arthur, a San Ciascian; ai 21 de merz él le pech Nikolas che mostra sciöche al vëgn fat pan, a Corvara. Infos y prenotaziuns sön www.altabadia.org o ti ofizi turistics dl’Alta Badia.
22.03.
La Ila: pastelné por Pasca
En vëndres ai 22 de merz dales 15:00 é mitans y mituns dla elementara inviá da gní te biblioteca da La Ila a pastel­né por Pasca.
22.03.
Al Plan: pastelné por Pasca
En vëndres ai 22 de merz dales 15:00 é mitans y mituns dla elementara inviá da gní te biblioteca d’Al Plan a pastelné por Pasca.
22.-29.03.
Marcià

• 
•  

View the embedded image gallery online at:
https://www.lausc.it/manifestazions-y-evenc/26673-manifestazions-atuales#sigProId5678b94b68

da Pasca sun Pitla Plaza de S. Antone
Da n vënderdi 22.03. nchin n vënderdi 29.03. vëniel metù a jì sun Pitla Plaza de S. Antone n pitl marcià da Pasca cun prudoc tipics dl raion, lëures de artejanat y ciofs y decurazions da d’ansciuda. Daviert iel uni di dala 15:00 nchin la 19:00.
23.03.
Al Plan: Cercia de eghes y premiaziun
Le Consëi de formaziun d’Al plan inviëia en sabeda ai 23.03. dales 16:00 tl salf dles manife­staziuns d’Al Plan a na cercia de eghes cun premiaziun dl quiz sön l’ega, fat da d’altonn 2023. Al gnará premié chi che á respognü dërt ales do­mandes y lapró podarán ciarcé eghes adöm cun l’idrosom-m­elier André Hofer: ega de Fanes, Lavarella, Pederü, Al Plan, Bagn d’Al Plan, Bagn Valdander y Bagn Rumestluns.
23.03.
Gardenissima, 26ejima edizion
N sada ai 23.03. dala 07:30 inant, da Secëda ju nchin japé dla furnadoia de Col Raiser, ulache l sarà nce la premiazion domesdì. Daldò saràl ntrate­nimënt cun DJ Robin (cune­sciù per »Layla«) y ntëur la 16:30 sunerà The Jam’son sun la Plaza dai auti dla Col Raiser.
24.03.
Gardenissima Kids
N dumënia ai 24.03. dala 08:30 saràl sun Secëda la garejeda per mutons y mutans.

Mostres y Ert
Atualmënter
Mostra »L troi« (Der Weg) de Helmuth Prinoth
La mostra dl artista de Urtijëi Helmuth Prinoth dal titul »Der Weg«–n ucajion dla espo­sizions »Kunst im Gang[e]«, sarà da udëi nchin ai 17 de mei, for dal lunesc nchin al vënderdi dala 08:00–12:00 y de juebia nce domesdi, 16:00–18:30.
Atualmënter
Opra de Hugo Vallazza
La lia culturela Tublà da Nives nvieia ala mostra de na panoramica dl opra de Hugo Vallazza, che ie da udëi mo ncuei, vënderdi 15 de merz dala 15:00 ala 18:00.
Atualmënter
Culëures viandanc – Mili Schmalzl
L Circolo – Lia Mostra d’Ert nvieia ala mostra dal titul »Culëures viandanc« de Mili Schmalzl, tla sala dla Lia Mostra d’Ert a Urtijëi. La mostra resterà davierta nchin ai 31 de merz, dala juebia nchin la dumënia dala 16:00–19:00, de sada y dumënia nce danmesdi dala 10:00–12:00.

Religion
19.03.
»Ascuté sö« – cun siur Tone Fiung
En mertesc ai 19 de merz dales 19:30 él tl salf dles mani­festaziuns da Lungiarü na serada cun siur Tone Fiung, olache ara nen vá dl ascuté sö. Organisaziun: Uniun di ëi da Lungiarü.

Iadi y Jites
14. – 21.04.
Cures y palses a Abano Terme
Dai 14 ai 21 d’aurí vëgnel organisé n iade cun le bus a Abano Terme. Al é da s’anun­zié anter le 1. d’aurí pro Monica Costa al 0474 590069 o le 348 9604485.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I pro­scimi termins é ai 14 y ai 28 de merz. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Cursc
Atualmënter
Iscrizions: Curs per purvé a depënjer chiena
La lia La Vëta mët a jì n curs per purvé a depënjer chiena ntan i doi prims fins dl’ena de auril: ai 05.04. da sëira (2 ëura), ai 06.04. dut l di (7-8 ëura),  ai 07.04. danmesdi (4 ëura) y l’ena do ai 12.04. da sëira (2 ëura), ai 13.04. dut l di (7-8 ëura), ai 14.04. dan­mesdi (4 ëura). L possa fé pea duc dai 17 ani insù, l priesc ie de 120,00€. La iscrizions vën tëutes su nchin ai 02.04. scrijan a lialaveta@gmail.com. Per plu nfurmazions: 3391658705.

Dotours
Dutor Gherdëina
L dutor de servisc da n sada ai 16.03. dala 08:00 daduman nchin la 08:00 daduman de n lunesc ai 18.03. ie l dutor Simon Kostner de Sëlva, tel. 347 2297492.
Doturs Val Badia
Ti comuns de Mareo y San Martin él en sorvisc la sabeda ai 16 de merz la doturia Lodovica Mattioni, tel. 328 8590842; la domënia ai 17 de merz él en sorvisc la doturia Stefania Febbraro, tel. 377 3288595. Ti comuns da La Val, Badia y Corvara él en sorvisc dla fin dl’edema di 16 y 17 de merz le dotur Guido Caretta, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 15.03. nchin n vënderdi ai 22.03. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 15 de merz dales 19:00 al vëndres ai 22 de merz ales 19:00, é chëra da San Martin/Picolin, tel. 0474 523020.

Mujiga
15.03.
Musicrimi: Zircus Musicus a Badia
Incö vëndres ai 15 de merz dales 18:00 él tla Ciasa Run­cher a Badia le »Zircus Musi­cus Musicrimi«. Por ti presenté i stromënc dla Musiga ai mituns él gnü metü adöm n pice teater musical, adöm cun la scora elementara de Badia. Le teater vëgn soné dala Müjiga de Badia y cianté dai mituns dla scora. Al gnará daimproía presenté i stromënc. Düc é bel inviá, pici y gragn.
16.03.
Cunzert te dlieja: Renner Ensemble Regensburg
N sada ai 16 de merz puderan scuté su l Renner Ensemble Regensburg, dala 20:45 inant tla dlieja de S. Cristina.
16.03.
Healing Sound - Cianté cun Claire
N sada ai 16 de merz vëniel metù a jì na sëira de cianté per duc y dutes. L apuntamënt ie dala 18:30 tl local Matada, tla Cësa di Cungresc a Urtijëi. La ntreda ie a dunfierta liedia, chi che uel possa gën tò pea si strumënt.
23.03.
Piz La Ila: Dolomites Music Festival
Ai 23 de merz dales 13:00 inant él sön Piz la Ila n festival de musiga cun DJ Andrea Martini, Thomas Dorsi, Marco Cavax, Karmine Emme, Stefy De Cicco. Ghesć speziai é le grup musical »Nervo« cun les döes jomelines Miriam y Olivia, y spo le DJ Nicola Fasano. Lapró gnarál fat n spetacul da cujiné cun Fabrizio Nonis. Le lift de Piz La Ila restará davert plü dî. An pó jí sö l’ultim iade dales 17:30 y an pó gní jö cina ales 19:00.

Chino
Atualmenter
Al chino de Cianacei
Anché, vender ai 15 de mèrz, sabeda ai 16 e domenia ai 17 da les 21:15 vegn moscià »Un altro ferragosto«, domenia ai 17 da les 17:00 l é »Red«; jebia ai 21 da les 17:00 l é »Kung Fu Panda 4« e da les 21:15 l é endò »Un altro ferragosto«, vender ai 22 da les 21:15 l é »Race for glory – Audi vs Lancia« Program su www.cinemacanazei.it.
Atualmenter
Al chino de Tieser
Insnet, vender ai 15 e sabeda ai 16 de mèrz da les 21:15 vegn moscià »Bob Marley. One Love«. Program su www.cinematesero.com