La Usc di Ladins

Al ê le 1982 canche n valgügn atlec se dê por le pröm iade la sbürla de­mez dal start dla pröma gara de Super­-G sön la pista Altin. Plü co ater ê chëstes gares ciamó na proa por porvé fora la varënza dla discipli­na nöia. Da dailó éra spo piada ia. 
La pröma fotografia dla mostra, chëra metüda fora sön Piz La Ila, mostra propi chësc: n atlet di pröms agn 1980 che se dá la gran sbürla demez dal start – a chi tëmps ciamó na ütia deslissa de lëgn – por slisoré ite y jö por le percurs. La mostra pëia ia cun chësta pröma imaja, propi dailó, olache ince la storia dl evënt de Copa dl Monn á sües raisc, y condüj inant, fora por döt le raiun dai schi dl’Alta Badia. 

En sabeda ai 6 de dezëmber á porchël le comité dla Copa dl Monn descurí deboriada la pröma dles 21 tofles dla mostra, che sará da odëi cina ala fin dla sajun da d’invern.


Liede inant tla ediziun nöia da incö, vëndres ai 12 de dezëmber!