La Usc di Ladins

Dotor y Apoteca

Dutor Gherdëina
L dutor de servisc dala 08:00 de n sada ai 12.09. nchin la 08:00 daduman de n lunesc ai 14.09. ie l dutor Simon Kostner de Sëlva, tel. 347 2297492.

Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 11.09 nchin n vënderdi ai 18.09. ie chëla de S. Cristina, tel. 0471/792106 o 333/1776615 (orar de giaurida 8.00-12.00/15.00-19.00).

Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 11 de setëmber dales 19:00 al vëndres ai 18 de setëmber ales 19:00, é chëra da Corvara, tel. 0471 830237.

Doturs Val Badia
Tla fin dl’edema di 12 y 13 de setëmber, sarál en sorvisc ti cin’ comuns dla Val Badia la doturia Stefania Febbraro, Al Plan, tel. 377 3288595.

Musiga

11.09.
Conzerc Musega de Poza
Vender 11 de setember da les 21:15 la Musega de Poza, vidèda dal maester Giancarlo Dorich, va en defilèda ju per strada de Meida e sona tel pavion de la manifestazions.

12-13.09.
Roland’s Puschtra en conzert
En sabeda ai 12 de setember da les 21:30 a La Grenz, tel chèder de Panorama Music, se pel scutèr la musega del baterist a ciantarin Roland Egger con sia band che sonarà ence domenia 13 da les 12:30 ló dal Refuge Baita Paradiso sun Costabela.

17.09.
Conzert de l’Orchestra Haydn te Navalge
En jebia ai 17 de setember da les 20:45 la prestigiousa Orchestra Haydn, che à desche diretor artistich l ladin André Comploi se prejenta tel Teater Navalge de Moena te n conzert con entrèda debant. L program met dant n viac musical da marevea che va da Mozart a Mendelssohn, sot la direzion del Maester Sieva Borzak.

19.09.
Sons da Moena e da la Sardegna
En sabeda ai 19 de setember te gejia de Sèn Vile a Moena da les 20:30 l event »N conzert, doi lengac«: ensema con l Cor Enrosadira se podarà scurtèr ence doi Cores da la Sardegna, l Coro Monteferru de Seneghe (Oristano) e l Coro Terra Mea de Cagliari.

19.09.
Loris Vescovo a Moena
Sabeda ai 19 de setember, tel chèder de Panorama Music, da les 14:00 ló dal Refuge Fuciade l é l conzert de ciantautor furlan Loris Vescovo con Corrado Bungaro e John Salis.

Avisc

11-13.09.
Gran Festa da d’Istà
Dai 11 ai 13 de setember a Cianacei l é la Gran Festa da d’Istà. L tendon te Pareda aur en vender h. 18:30, h. 19:30 musega con i Groovezeichen; sabeda h. 19:30 musega con i Volxpower; domenia h. 10:00 messa, h. 15:00 Gran defilèda di gropes de folclor e musega fora per paisc, h: 17:00 musega con i Steirerpower.

13-20.09.
Saores da d’Uton a Moena
Dai 13 ai 20 de setember a Moena ence chest an vegn endrezà l event gastronomich che tol ite 5 restoranc del teritorie: Malga Panna, Malga Roncac, Hotel Foresta, Ostaria Tyrol e Refuge Fuciade. Info sul sit de l’ApT de Fascia www.fassa.com

14.09.
Santa mëssa di Alpini sun Frea
N dumënia ai 14 de setëmber vëniel inò metù a jì pra la capela de San Mauriz sun Frea la mëssa tradiziunela dla grupa di Alpini de Gherdëina. La santa mëssa, tenida da sen. digan Ivo Costanzi scumëncia dala 11:45 y vën abelida dal Cor de dlieja de Sëlva. Per chi che uel unì pea a pe: n se anconta dala 9:45 dal hotel Alpino te Plan per jì su per la stazions nchin sun Frea pra capela. L ie mpue passa n’ëura da jì. Duc ie de cuer nviei!

19.09.
Di dla cultura ladina
L Istitut Ladin Micurá de Rü mët a jì l Di dla cultura ladina, n sada ai 19 de setëmber a Urtijëi tla Cësa di Cungresc, sun Plaza de Sant Antone y tla sënta dl Circolo Lia Mostra d‘Ert. L sarà d’uni sort de referac y discuscions, ma nce lauratueres creatifs de mujiga, ert y leteratura per pitli y granc. Da marënda giaperàn da maië bales y da sëira iel sun l prugram mujiga dal vif. L sarà nce la premiazion dl Merit Ladin y Ert X Merit Ladin, ma nce dl cuncors leterer Scribo.

Uni mierculdi
Ciaculon online–per ladin
La Union di Ladins de Gherdëina mët a jì „Ciaculon online“ per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram „TEAMS“ sun l computer y jì ite sot a chësc link: https://url-shortener.me/GIBM

Uni juebia
Ciaculon deberieda–per ladin
La Union di Ladins de Gherdëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla biblioteca »Anda Malia da Cudan« tla Cësa di Ladins a Urtijëi. Unide nce Vo!

Atualmënter
Picolin: portina por assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön prenotaziun. Contac: 0474 410303 o info@frauenhelfenfrauenbruneck.it

Atualmënter
Iniziativa di ëi de Puster
L’ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dante 2m a Bornech (Sternhof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

Chino

Atualmenter
Al chino de Tieser
Insnet, vender 11 de setember da les 20:30 l é l conzert del Cor »Piccole Colonne« de Trent. Info: www.cinematesero.com

Atualmenter
Al chino de Pardac
Doman, sabeda 12 de setember e domenia 13 da les 21:00 vegn moscià »Insidious. Fuori dall’altrove«. Info: www.cinemapredazzo.it

Corsc

14.09.–19.09.
Ziplé sanc ala Gherdëina
Per l’Enes dl’Ert mët la lia La Vëta a jì n workshop de scultura cun Peter Kostner per de tei che sà bele da ziplé. L se trata de n curs de sies dis da n lunesc ai 14 de setëmber a n sada ai 19 de setëmber (lu, me, y ju dala 18:00–21:30, mi y ve dala 14:00–21:30 y n sada dala 8:00-12:00 / 14:00–18:00). N sada ai 19 ie la berstot da Doss nce davierta per duc i nteressei, che possa passé a ti cialé.

Atualmënter
Mparé a cunëscer l Line Dance
La lia ASD BaL Beat and Line mët a jì n curs de Line Dance per duc chëi che ulëssa scumencé a balé chësta sort de bal. N se anconta uni mierculdi dala 19:30 tla palestra dlongia la sënta di Destudafuech a Runcadic. Dai 16 de setëmber inant scumëncia nce l curs per mutans y mutons dai 7 ani insù, recunesciù coche materia de nseniamënt facultativa dala scola elementera de Urtijëi.

19.09.
San Martin: curs da cujiné
La Uniun dles Patrones da San Martin y le Consëi de formaziun da San Martin organisëia n curs da cujiné cun Valentina Moling, sot al titul »Kochen trotz Alltagsstress«. Le curs é en sabeda ai 19 de setëmber dales 9:00 ales 13:00 tla ciasadafüch dla refeziun a San Martin. Iscriziuns anter i 11 de setëmber pro Gaby al 389 0834252.y la poscibilité da nen baié dla creativité, y da ciafé consëis dales artistes söl post tl laur da dessegné y depënje. Prenotaziuns al nr. +39 333 3653636.

Iadi

29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Nadel, al cunesciù „Salzburger Adventsingen“ y a ti cialé ala „Salzwelten“ a Hallstatt. L ie bele śën mesun resservé l post cherdan su Rudolf al 335 6380973. L priesc ie de 400€ per persona (per la majon singula 485€). I posć ie dant resservei ai cumëmbri dl Kvw y da dedò permò ai autri nteressei.

17.09.
Jita sun Fedaia
La grupa „Nëus jon pa bel plan“ dla Lia da mont Gherdëina mët a jì na jita da Pian Trevisan sun Fedaia. L sarà da jì de ndut feter cater ëura y mesa cun n deslivel de 560 metri suvier y 180 metri juvier. N muessa se tò pea da maië y da bever. Pià via vëniel da Urtijëi, Plaza Sant Antone, dala 7:30, da Santa Cristina dal Bar 2000 dala 7:40 y te Sëlva dal Oswald dala 7:45. N possa se nuté su nchin ai 15.09. tres whatsapp o sms al numer 320 0454724 (Helmuth). Da paië ite n chël di per i scric ite: 18 €.

16.09.
Mi viac tl’Asia
Bruno Maruca conta de si viac tl’Asia n mierculdi ai 16.09. dala 8 da sëira tla biblioteca “San Durich” a Urtijëi.

Mostres y Ert

Atualmenter
L’èrt é femena
Fin ai 15 de setember te Sala Resa del Comun de Pardac se pel veder la mostra de la Sociazion ‘La Voce delle Donne’ dal titol ‘ArtèDonna’ con operes de 17 artistes de Fascia e Fiem. Chest an ence n omaje a Giana Sommavilla con l’esposizion de sia operes. Oraries: 16:00-19:00 e 20:30-22:00.

Atualmenter
Claus Soraperra en mostra a Trent
Tel Spazio Atelier Benigni, via Belenzani 51 a Trent, se pel veder la esposizion del artist Claus Soraperra dal titol »Del Seelengarte, ovvero l’Orto«. La é da poder veder fin ai 29 de otober dal mèrtesc al vender da les 16:00 a les19:00 e de sabeda ti oraries 10:00-13:00 e 15:00-18:00.

11.09-13.09
32ejima mostra Unika
Mo nchin a n dumënia ai 13 de setëmber iel a Runcadic, tl Zënter dal tennis, la 32ejima edizion dla Unika. 30 artisć y artistes mët ora 200 lëures nueves–scultures, pitures y fotografies. La mostra ie davierta n vënderdi ai 11, n sada ai 12 y n dumënia ai 13 de setëmber dala 10:00 ala 19:00. La chertes giàpen pra la ntreda. Priesc: 12 € a persona (sot a 18 ani debant)

11.09.
Urtijëi 1860
Sun la piedies de n mudamënt: L Museum Gherdëina mët a jì na spaziereda tres l zënter de Urtijëi cun la diretëura Paulina Moroder n vënderdi ai 11 de setëmber. N se anconta dala 18:00 tla Cësa di Ladins. La manifestazion ie debant, ma l ie n mascim de 15 persones y perchël vëniel prià bel de se nuté su cherdan su l 0471 797554.

12.09.
Unika’s long night »Pramëisa«
N sada ai 12 de setëmber iel la nuet longia dla Unika. La cuega Carolina Moroder cujinerà da cëina y lieia l’ert cun la cësadafuech. Sun l menù iel cater derzedes cun cërn y de bon vins. Chi che uel viver na cëina speziela possa cumpré la cherters online sun la plata web dla Unika. Custimënt 100€.

12.09.
Te berstot cun nëine y lava
La lia La Vëta nvieia mutons y mutans deberieda cun si nëinesc y aves a n di criatif te berstot: n sada ai 12 de setëmber dala 10:00 ala 13:00 y dala 15:00 ala 19:00 tla berstot de Doss tla via Sneton 71 a Urtijëi. N possa passé canche n uel, l ne costa nia.

12.09.
Paradeiser
La galaria Vijion a Puntives nvieia a na mostra dal titul »Paradeiser« cun i artisć Julia Bornefeld, Florian Borkenhagen, Philipp Putzer y Mischa Sanders. La giaurida ie n sada ai 12.09. dala 11:00.

13.09.
Open ateliers
N dumënia ai 13 de setëmber pòssen jì a ti cialé ala berstots de cater artisć de Urtijëi, l se trata de na manifestazion dl’Enes dl’Ert. Danter la 10:00 y la 18:00 ie la portes daviertes da Filip Piccolruaz tla str. Tresval 24, da Eric Perathoner tla streda Pinëi 7, da Valeria Stuflesser tla streda Digon 18 y da Pauli Moroder tla streda Sacun 121.

13.09.
Finissage dla Bienela Gherdëina
N dumënia ai 13 de setëmber iel sa Pilat y sun plaza Stetteneck a Urtijëi la finissage dla bienela dala 11:00-19:00.

16.09.
Danter ert y tradizion
Jita meneda cun l artist Roland Perathoner dala 16:30 te Sëlva. N possa se nuté su tla Lia dl Turism de Sëlva.

17.09.2026
Outside
Per l’Enes dl’Ert iel n juebia ai 17 de setëmber dala 18:00 la giaurida dla mostra Outside tla galaria Stallart, streda Nuaves 3, a Urtijëi. L mët ora: Josef Kostner, Hermann Josef Runggaldier, Wilhelm Senoner, Ivo Piazza, Vinzenz Senoner, Valeria Stuflesser, Gerald Moroder, Armin Grunt, Ivan Lardschneider, Otto Piazza, Matthias Sieff y Christian Stl.

18.09.
Purvé a ziplé
Duc possa purvé a ziplé tl lën, n vënderdi ai 18 de setëmber dala 9:30 ala 12:30 a Urtijëi. Per pudëi fé pea muessen se nuté su dala Lia dl Turism de Urtijëi.

20.09.
Open ateliers
Trëi artisć de Urtijëi nvieia n dumënia ai 20 de setëmber a ti cialé a si berstots dala 10:00–18:00. N possa passé da Christian STL tla str. Tre­bi­nger 20/c, Eric Perathoner, str. Pinëi 7 y Valeria Stuflesser, str. Digon 18.

Atualmënter
Vijites menedes di lauratueres
La Scola Prufesciunela y l Lizeum d’Ert de Urtijëi fej pea pra l’enes d’ert y pieta vijites menedes di lauratueres ntan l’ëura de scola. Chi che ulëssa fé pea, possa cherdé su y resservé na lerch.

Atualmënter
Mostra »con.tain #4«
L Circolo–Lia Mostra d’Ert nvieia de cuer ala mostra con.tain #4. La mostra resterà da udëi nchin ai 13 de setëmber, ti orars de giaurida: merdi–dumënia, 16:00 – 19:00 y de sada y dumënia nce danmesdì, dala 10:00–12:00. N dumënia ai 13 de setëmber saràl na vijita meneda cun la artista Katharina Schreiter.

Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.

Atualmënter
»Corpi Santi« & »Gli eredi della solitudine«
Tla galaria Doris Ghetta a Puntives iel metù ora la mostra »Corpi Santi« de Pietro Moretti y »Gli eredi della solitudine« de Alessandro Twombly, che sarà davierta nchin ai 12.09.

Atualmenter
Sieff a Soave e Lana
L artist da Ciampedel Matthias Sieff met fora sia scultures maestouses per dut istà tel zenter storich de Soave (VR), che con la mostra »Guardiani della storia« doventa n museo a ciel avert. Sieff met fora sia operes ence te la esposizion »Frauen/Donne« per endrez del Kulturverein K.art che restarà fora ti vidores de Lana fin ai 8 de november.

Atualmënter
Mostra »Grafika« tla galaria Raiffeisen a Bornech
Tla galaria Raiffeisen a Bornech, él da odëi cina ai 2 d’otober la mostra »Grafika«, cun laurs de Christian Piffrader, Elisa Alberti, Emily Oberschmied, Gino Alberti, Karl Egger, Karl Theo Stammer, Kuno Mayr, Linda Wolfsgruber, Lois Anvidalfarei, Markus Moling, Roberto Pallestrong y Thomas Walder. Orars: lönesc cina mercui 8:00 – 12:30 y 14:30 – 16:30; jöbia 8:00 – 12:30 y 17:00 – 18:30; vëndres 8:00 – 12:30.

Atualmënter
Mostra de pitöres
Pro la staziun dl implant portamunt »La Crusc 1« a Badia pón jí a ti ciaré a na mostra de pitöres dl’artista Ruxandra Pana cina la fin de setëmber. Ara é daverta vigni de dales 08:30 ales 17:30.

14.09.
Stüsde d’artista: Gaia Lionello
Tl Studio Zona a Pedraces sará davert y azessibl l’atelier temporan dla artista Gaia Lionello, dai 14 ai 27 de setëmber 2026, dales 15:00 ales 18:00. Jënt interessada pó storje pro, imparé a conësce l’artist y so laur.

25.09.
Aperitif artistich
En vëndres ai 25 de setëmber 2026, dales 18:30, saral indô n »aperitif artistich« tl Studio Zona a Pedraces. Tl cost de 25,00 Euro él laite l’aperitif

Referac

11.09.
»Zënza limit« cun Omar Di Felice
Incö vëndres ai 11 de setëmber vëgnel tigní l’ultima serada dla linia »Zënza limit«, dales 20:30, tl salf dles manifestaziuns da La Val. Le ziclist Omar Di Felice cunta de sües aventöres cun la roda, cina tl’Antartida.

11.09.
»Zënza limit«
Incö vëndres, ai 11 de setëmber, vëgnel tigní l’ultima incuntada che fej pert dla scomenciadia “Zënza limit”, cun le ziclist Omar Di Felice. L’atlet cuntará dales 20:30 tl Salf dles manifestaziuns a La Val de sües aventöres cun la roda cina tl’Antartis.

15.09
»Trapolades online«
Le KVW La Pli de Mareo inviëia ala sëra de informaziun sön »trapolades online« cun Gunde Bauhofer dla Zentrala di consumadus da Balsan, en mertesc ai 15 de setëmber dales 19:30 te Salf dles manifestaziuns a La Pli.

Religion

12.09.
La Val: preparaziun dl Bato
La Uniun dles Ëres Catoliches dl Decanat Val Badia inviëia i geniturs che á n viadú da batié, pers che aspeta, toc y totes dl decanat, ala preparaziun dl Bato, en sabeda ai 12 de setëmber dales 15:00 ales 17:00, te salf dles manifestaziuns a La Val. Al vëgn aprofondí l’importanza dl sacramënt, presenté le ritus y splighé i simboi. Al é da s’anunzié pro Lucia al 334 3200396.

20.09.
Corvara: benedisciun dla ciampana
En domënia ai 20 de setëmber, do la gran mëssa dales 10:00, vëgnel benedí a Corvara la ciampana che an á lascé coré danü.

Sozial

11.09.
Sëira de nfurmazion dla Crëusc Blancia Gherdëina
Ai 11 de setëmber mët la Crëusc Blancia de Gherdëina a jì na sëira de nfurmazion per duc chi che ëssa nteres de fé ulentariat pra chësta lia. N se anconta dala 20:00 tl Zënter de Prim Aiut a Soplajes. N possa gën jì a scuté su, zënza messëi fé pea.

18.09.
Jita a Oberbozen tl museum dl’eves
La grupa Deberieda mët a jì na jita a jì a ti cialé al museum dl’eves sun l Renon, n vënderdi ai 18 de setëmber. N se anconta dala 13:30 dan la Cësa de Paussa a Urtijëi. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.

Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (residënC a Urtijëi).

Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfurmazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.

Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.

Festes y segres

13.09.
Cianté y soné sön munt
Pro la ütia I Tablá sura La Ila, pón aldí en domënia ai 13 de setëmber 2026 dales 13:30 inant n conzert dla seria »Cianté y soné sön munt« cun la Böhmische de Badia.

13.09.
La munt de Boé en festa
Les üties dl raiun de Boé a Corvara tëgn na festa de fin de sajun en domënia ai 13 de setëmber 2026 cun musiga dal vi.

Sport

11.09.–13.09.
Chessfestival ad Gredine
La lia dal Scioh de Gherdëina mët a jì da n vënderdi ai 11 de setëmber a n dumënia ai 13 de setëmber per l cuinto iede n turnoi nternaziunel de scioh tla Cësa di Cungresc a Urtijëi.

12.09.
Sellaronda Bike Day
N sada ai 12 de setëmber iel l di dla rodes. I cater jëufs ntëur Mëisules resta śarei al trafich dut l di dala 9:00 ala 16:00 y ie nscila davierc mé per chëi dala rodes.

12.09.
Cortina–HC Gherdëina
L HC Gherdëina se njenia ca per la proscima sajon: ai 12 de setëmber furnerai a Ampëz per jughé contra l Cortina tl Stadio Olimpico dala 20:30.

12.09.
»Sellaronda Bike Day«
indoman, sabeda ai 12 de setëmber, vëgnel tigní le Sellaronda Bike Day tradizional sön i jus de Frara, Sela, Pordú y Ciaulunch. Les strades incër le grup dl Sela restará stlütes al trafich motorisé dales 9:00 ales 16:00 y resservades ai ziclisć.

15.09. 
La grupa de sport per l cuer scumëncia cun si atività
La grupa de sport per l cuer de Gherdëina fej si prima ancunteda de chëst ann de scola ai 15 se setëmber tla palestra dl ITE da Urtijëi. Con l sustëni de n fisioterapist y na duturëssa se abinons uni merdi dala 18:45 te palestra per fe sport cardio, de cuordinazion y devertimënt. Per furmazions plu avisa: guido.tinderla@gmail.com  o diretamënter unian te palestra la proscima enes.

Teater

19.09.
Casperle tl Museum
Per l Di dla cultura ladina nvieia l Museum Gherdëina de cuer a na reprejentazion dl “Kasperletheater” tradiziunel tla rujeneda ladina, n sada ai 19.09. dala 15:00 tl Museum a Urtijëi. Daldò vëniel pità n lauratuere creatif tla mostra “Dal lën al juech”. La ntreda ie liedia.

Temp Lede

14-18-0
Simposie Toni Gross
Dai 14 ai 18 de setember vegn endrezà l 7° Simposie Toni Gross con studenc che zipia ti paijes de Poza e Vich. Jebia 17 da les 20:30 meisa torona te sala de Comun de Sèn Jan su ‘Overtourism: turism de massa?’; vender 18 da les 10:00 restituzion operes te Liceo Artistich.

18-20.09.
Festival del Spretz Tsaorì
Dai 18 ai 20 de setember a Moena l é l Festival del Spretz Tzaorì con stonc de prodoc artejanèi te paisc de Moena, trekking, cooking show e jeghes per bec. Domenia ai 20 da les 11:45 vegn fat la desmonteèda.

19.09.
Desmonteèda a Soraga
Sabeda 19 de setember a Soraga vegn endrezà la desmonteèda. La vaces vegn dal pèscol entorn mesdì e les rua te Pra del Preve olache l é la marena con musega e picola marcià.

Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò daviert uni mierculdi dala 15:00 nchin la 19:00.

12.09.
Sellaronda Bike Day
En sabeda ai 12 de setëmber vëgnel tigní le Sellaronda Bike Day sön i jus de Frara, Sela, Pordú y Ciaulunch. Les strades incër le grup dl Sela restará stlütes al trafich motorisé dales 9:00 ales 16:00, y sará resservades ai ziclisć.

23.09.
Marëna por chi dl 1956 dla Val Badia
Ai 23 de setëmber vëgnel fat la festa de chi dl 1956 dla Val Badia. An s’abina dales 9:30 a Pederü, por jí sön Fanes. Lassö sarál na funziun/mëssa tla capela dlungia la Ütia Lavarella. Dedô sarál la marëna deboriada te ütia. Por chi che ó, él la poscibilité da se lascé mené sö cun le taxi. Prëibel s’anunzié anter i 18 de setëmber pro Gerhard al numer 335 1050408.

Televijion y Radio

11.09.
I valores dla Scola Ladina
L »Di dla Scola Ladina« ie stat chëst iede a Urtijëi ai 31 de agost. La edizion de chëst ann, dal titul »Udëi, acumpanië y valorisé«, à metù tl zënter dla reflescion la postura educativa, chël uel dì la maniera de ti jì permez ala sculées y ai sculeies per ti judé te si svilup. Na ntervista cun l Intendënt Heinrich Videsott y la ispetëura y nsenianta de religion Agnes Irsara che à prejentà la scumenciadiva “Tö nes stas a cör”.

13.09.
“Le lingaz y la traduziun è mies pasciuns”
Isabella Ties lëura pra l Servisc linguistich dla Provinzia de Bulsan. Te chësta ntervista contela de si lëur coche tradu­tëura, di sistems nfurmatics che juda a fé traduzions, dla sortes de traduzions che la fej y dla ndesfidedes a ciancé per ladin.Na ntervista de Sofia Stuflesser

15.09.
Arpejuns – le santuar de La Crusc
Dales 20:50 ca. Test y conzet Giulia Tasser , produziun Karbonvideo, a cura de Alessandro Dapunt.

16.09.
Trail spezial
Dales 20:50 ca. A cura dla redaziun ladina.

17.09.
S-link 04/2026
Dales 20:50 ca. N program de Cinzia Pistoia, a cura de Alessandro Dapunt.