La Usc di Ladins

Ne dijede valch de vo?
Son da Vich, del 1977, fi de Piergiorgio e de Maria Teresa Zeni da Cianacei. Me é laureà en storia contemporana a Bologna olache é cognosciù mia femena e stajon a Rimini da 25 egn. Son responsabol marketing te na firma informatica e canche posse vegne te Fascia: me mencia i monc, l’aria da mont e sentir la jent che rejona per fascian. Lajù no l rejonon e varde de no me l desmentiar.

Scrivede libres fantasy: co éla nasciuda chesta pascion?
Lejer e scriver me à semper sapù bel. É scomenzà co le aventure de Verne e Salgari, dapò ‘Il Signore degli Anelli’ l é stat l gran amor: ere tras sun biblioteca da Inge [Detomas, ndr] a ge domanar libres fantasy e canche ere al liceo fora Ciavaleis jiae a ‘Dungeons & Dragons’ e de solit vidae l jech. Fin jai 6 egn é scrit demò per me, canche mie doi fies scomenzaa a esser gregn n amich me à dit de proar a me far cognoscer. 

De plu tla edizion stampeda de La Usc di Ladins o sun l e-paper a paiament www.lausc.it/e-paper