Les limitaziuns anticoronavirus n’á nia ma atoché deplëgn les ultimes gares sajonales de Copa dl Monn de schi alpin cun la desdita desplajora dles finales a Cortina, mo ince la vita privata de atletes y atlec. Ti tëmps virtuai á chisc indere na poscibilité implü da comuniché cun i fans y i apascioná, y ince da avié val’ aziun a fin de buegn. N atlet o l’ater lascia spo chëstes edemes cuché ite te söa vita privata y sü ambiënc de ciasa y alenamënt pruvat, y ince te söa manira da cujiné y söla richëza o monotonia dl menü.
Ti USA por ejëmpl, Stat cun na cuantité estrema de caji Covid-19, á na aziun de aiüt intitolada "Goggles for Docs" invié y trat ite i atlec plü conesciüs te na linia de musiga dal vi (tres videos) sot le moto "virtul après-ski". Danter i fins dla iniziativa él da ciafé chël da cöie adöm la partezipaziun privata y impresara por daidé do les cures cun doturs y i ospedai cun cumpré y scinché vidlá por la proteziun dl personal sanitar. La plataforma comerziala dla musiga y de stromënc reverb.com s’á lié ala aziun di "goggles for docs". Tut pert á zacan n de al "après-ski" sön internet danter l’ater Ted Ligety y Mikaela Shiffrin, un o l’ater ince cherdan da n’atra pert dl monn musizisć de fama internazionala.
Te nüsc raiuns ciara atletes y atlec da suravire le tëmp de limitaziuns, cun alenamënt al assöt, spaziers tla natöra y ince – sëgn da püc dis incá – jan cun la roda. Manfred Mölgg, atlet de Copa dl Monn d’Al Plan de Mareo, s’á zacan n de lascé tó pert a söa maestria da cogo. (Iaco Rigo)
Alenamënc de sport y chitara
Ince i atlec de Copa dl Monn é por la maú pert te ciasa. Mikaela Shiffrin sona la chitara, Manfred Mölgg cujina
Galaria retrac
- Mikaela Shiffrin sona la chitara danter n alenamënt ciasarin y l’ater. (foto: instagram)
- Manfred Mölgg te ciasadafüch. (foto: profil FBK)
- L’aziun, musicala y umanitara, dl après-ski virtual.
View the embedded image gallery online at:
https://www.lausc.it/sport/12535-alenamenc-de-sport-y-chitara#sigProId02c0a92b35
https://www.lausc.it/sport/12535-alenamenc-de-sport-y-chitara#sigProId02c0a92b35