La Usc di Ladins

Seghita  l moment positif per l Fascia balon che sul ciamp engrà de Ischia de Perjen l é stat bon de fenir fora en parità sul 1 a 1.

I prumes 20 menuc le doi squadre jia tel mez del ciamp zenza de gran emozion, ajache l teren de jech no é te le condizion miore, ma a la metà del prum temp rua l’ocajion per Deflorian e compagnes con Gabriele Riz, che ampò con na trata da tanche fora da l’area no l troa l usc.

Do l é i patrogn de ciasa che se fasc inant, ma zenza crear pericoi per la defendura fasciana. 

Al ultim menut del prum temp i fascegn podessa passar inant, ma Ruggiero ruà tedant al portier l ge trasc l balon ados...

Su La Usc stampada de vender ai 26 de november podede lejer la cronaca de duta la partida, i resultac de le squadre mendre e la classifica.

Endana ve recordon che en domenia ai 28 de november l Fascia jiarà l’ultima endesfida de la pruma part del campionat de contra al Molveno da mese le 3 al Cotura de Sèn Jan.  (Pierpaolo Rasom)