La Usc di Ladins

L fenesc fora con n pareje l giron de jita per l Fascia Balon. Ti prumes menuc part miec i bec de mister Capovilla e do 5 menuc rua l prum gol con Patrizio Deville che l é bon de petar endodanef te usc na trata de Massimo Lorenz dant parada dal portier ghest. Passa i menuc e i fascegn seghita a tacar e do 10 menuc i podessa smaorar l vantac de gra a na trata dai undesc metres vadagnada da Massimo Lorenz de Meca che purampò no la vegn mudada te gol da Patrizio Deville che l fala la trata. Passa 5 menuc e rua l secondo gol fascian con Patrizio Deville del Bronza che l desfruta n bel assist de Alessandro Crepaz e tedant al portier no l fala.

Se pel lejer dut su La Usc nr 47 dai 5 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Pierpaolo Rasom)