La Usc di Ladins

Con n bel domesdì de rengraziamenc, teater e entrategniment te oratorie de Poza l Comun de Sèn Jan à volù far festa grana per recordar l cedean de la scomenzadiva che dal 1986 à fat crescer la cultura e la sozialisazion de la jent de età de Fascia.
Do l salut istituzional del ombolt Giulio Florian, l’assessora del comun Mirella Florian l’à recordà che apontin jai 40 egn, per merit de Rita Tentori Detomas enlouta secretara del Comun de Poza e per endrez de la ‘Scuola Superiore di Servizio Sociale di Trento’ l era stat metù su te Fascia l’UTETD, ‘Università della Terza Età e del Tempo Disponibile’. L’assessora Florian à sotlineà la gran intuizion e l anteveder che aea abù la d.ra Tentori tel crear n spazie dedicà a la formazion, a la sozialità e a la crescimonia personala de la jent grana de Fascia, per ge dar l met a duc de seghitar a emparar, condivider e se sentir part ativa de la vita culturala.

Podede lejer dut su La Usc dai 16 de jené da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)