La Usc di Ladins

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la rela­zions te cèsa. L é avert a duc e debant a Sèn Jan te Stra­da di Pré de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Chino
Atualmenter
Al chino de Cianacei
Insnet, vender ai 16 de jené da les 21:00 l é »Tra natura e quota«, domenia ai 18 da les 17:30 la scontrèda Après Kino con Manuel Riz e etres desse­gnadores. Vender 23 da les 21:00 »Zootropolis 2«.
Atualmenter
Al chino de Pardac
Doman, sabeda ai 17 e mercol ai 21 de jené da les 17:00 l é »Eternity« e da les 21:00 l é »Avatar«. Lunesc ai 26 da les 17:00 e da les 21:00 l é »Buen camino« con Checco Zalone.

Cursc
19.01.
Curs de Ladin
L curs ie pensà per se njenië ca ai ejams de ladin dla Nten­dënza y de trilinguism B2 y C1. Referënta: Karin Comploj. L curs va inant per de ndut 7 iedesc, for de merdi y juebia dala 17:00 - 19:00 tl Istitut Ladin Micurà de Rü te Sëlva. Iscrizions y nfurmazions nchin ai 19.01., tel. 0471 794268, e-mail: karin@micura.it

Temp Lede
Atualmënter
Alta Badia Cocktail Week
Cina ai 18 de jená vëgnel tigní tl’Alta Badia deplü apunta­mënc dedicá ai cocktails, arjigná ca da deplü strotöres dl post, en colaboraziun cun barisć de cocktail – bar cone­sciüs a livel internazional. Dötes les informaziuns ciafon sot a www.altabadia.org .
16.01.
Skishow dla Scoles de schi de Gherdëina
Passa 200 maestres y maestri dla Scoles de schi de Sëlva, S. Cristina y Urtijëi fajerà pea pra na desmustrazion sun i schi, ncuei, 16 de jené dala 21:00 inant sun l purtoi da Frëina/ Ciampinëi te Sëlva.
17.01.
Batadù
La Lia da Mont Gherdëina mët a jì l batadù tradiziunel n sada ai 17 de jené tla utia Pra­mulin te Sëlva. N se ancon­ta te utia dala 18.00 per l’iscrizions.
17.01.
Forum de la Mascherèdes Arcaiches
En sabeda ai 17 de jené vegn endrezà l 2° Forum de la Ma­scherèdes Arcaiches Dolo­mitiches de Fascia, Dolomites de Belun e Ciarnia. Da les 10:00 convegn te chino Mar­mo­lada de Cianacei e da les 15:30 dal stadie de la giacia de Dèlba defilèda de la Mèscres.
19.01.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuola fondo.it
20.01.
Mascherèda a Penìa
L Grop de la Mèscres de Dèl­ba e Penìa met dant la pruma mascherèda dal titol »Tone Tomera e la sossies« de Simon de Giulio en Sèn Bastian, mercol ai 20 de jené te la veia scoles da les 20:30.
23.01.
Marcialonga Story
En vender ai 23 de jené vegn endrezà la Marcialonga Story sun n percors de 10 chilo­metres da Poza a Cianacei. Per tor pèrt ge vel schi e guanc veies dant dal 1976. I conco­renc ponta demez da les 16:00 ti Ciancoai.
21.01.
Defileda de chentli sun Mont de Sëura
La Scola de Schi de S. Cristina nvieia duc y dutes a fé pea pra la defileda cun chentli sun Mont de Sëura, n mier­culdi ai 21 de jené. N se an­con­ta dala 16:30 japé dl lift. La defileda scumencerà pona dala 17:15.
21.01.
Cui schi da sëra
Vigni mercui pón jí tl’Alta Badia cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
21.01.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
21. y 22.01.
Nos Ladins cun Moritz y Hannes
Tres l’iniziativa »Nos Ladins« pón descurí la vita y val’mistier dla jënt dla valada. En mercui ai 21 de jená él Moritz Craffo­nara che cunta a La Ila sciöche al é da manajé na ütia da munt. Ai 22.01. pón imparé da Hannes a San Ciascian deplü sön le laur da conditur. Infos y prenotaziuns pro i ofizi turistics dl’Alta Badia.
22.01.
Line dance a La Val
Le KVW da La Val organisëia serades de Line dance por renforzé coordinaziun, mo­vimënt y memoria. Dai 22 de jená inant, vigni jöbia, por 8 iadi, te pice salf de Comun, dagnora dales 20:00 ales 21:30. Prenotaziuns pro Ros­marie al 340 9881717.
22.01.
Kids Ski Show – Desmustrazion sun i schi
La Scola de Schi y Snowboard de Urtijëi mët a jì na Kids Ski Show – na desmustrazion sun i schi de mutons y mutans – sun l purtoi da Palmer a Urti­jëi, dala 15:30 inant.

Teater
16.01.
La filo de Fornace a Tieser
En vender ai 16 de jené da les 20:45 tel Chino de Tieser la Filodramatica »San Mar­tino« de Fornace porta dant l spetacol de teater »Un colpo (quasi) perfetto«.

Dotours
Dutor Gherdëina
L dutor de servisc da n sada ai 17.01. dala 08:00 daduman nchin la 08:00 daduman de n lunesc ai 19.01. ie l dutor Valentin Tröbinger de Sëlva, tel. 0471/773073 o l 335 684 4944.
Doturs Val Badia
Tla fin dl’edema di 17 y 18 de jená él en sorvisc ti comuns de Mareo y San Martin le do­tur Eduard Agreiter, San Martin de Tor, tel. 0474 523 315 o 333 1380852. Ti co­muns de Corvara, Badia y La Val él en sorvisc le dotur Alberto Caretta, Badia, tel. 0471 839706 o 380 3161999. 

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 16.01. nchin n vënderdi ai 23.01. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 16 de jená dales 19:00 al vëndres ai 23 de jená ales 19:00, é chëra da San Martin/Picolin, tel. 0474 523020.

Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Ma­nuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
Mostra »All’inizio tutto era mare«
Tl salf dles manifestaziuns da Corvara él da odëi cina ai 22 de forá la mostra »All’inizio tutto era mare« de Matteo Agreiter. Orars: ia por l’edema dales 8:00 ales 12:00 y dales 16:00 ales 18:00, la domënia y i dis de festa dales 10:00 ales 12:00 y dales 16:00 ales 18:00.
Atualmënter
Mostra coletiva
La mostra »Crëidum, pesimé, forma – cie à pa l’ert y la reli­gion mo da se dì al didancuei?« tla galaria Vijion a Puntives, resterà davierta nchin ai 24 de jené, dal lunesc nchin la sada, 16:00–19:00.
Atualmënter
»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nueva tl Museum, per scu­vierjer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpurtanza per la vita de truepa families de Gherdëina. Orar: dal lunesc al vënderdi dala 10:00 nchin la 16:00.
Atualmënter
Garejedes de schi te Gherdëina
La Lia di Filatelisć, numis­matich y vedla chertes se prejënta tla sales dl Tublà da Nives cun na mostra dediche­da ala garejedes de schi che ie states te Gherdëina. La sarà davierta nchin ai 25 de jené 2026, uni di dala 15:00 nchin ala 19:00. L stempl dla mostra sarà dal 13 al 31 de jené tla posta de Sëlva.
Atualmënter
Mumënc... tla Dolomites
La mostra cun lëures de Ga­briel Demetz tl Café Surëdl resterà da udëi nchin ai 30 de merz ntan i orars de giau­rida dl Café Surëdl.
19.01.
Scultures de dlacia tl zënter de Urtijëi
Artisć y i scultëures de Gher­dëina fajerà opres de dlacia y nëif ntan l’ena dai 19.01. nchin ai 25.01..
22.01.–25.01.
Cuncors de figures zipledes tla nëif
Te pra da Nives te Sëlva vëniel ziplà tla nëif cater dis alalongia, dala 9:00 danmesdì inant. La tematica de chësc 29ejim cuncors ie »Winter Games«. N dumënia ai 25.01. dala 16:00 saràl pona la premiazion iló pra la scultures de nëif.

Iadi y Jites
25.01.
Jita cun la luesa sun la »Allrissalm« tla valeda de Pflersch
La Lia da Mont Gherdëina mët a jì chësta jita ai 25 de jené. La curiera pëia via da Sëlva demez dala 08:00 y fërma pona damprò ora. Da Pflersch jiràn su per na streda forestela per zirca 3,5 km per ruvé sun la Allrissalm. L ie na jita adateda nce per fami­lies. Daldò sluseràn inò ju per ruvé pra curiera. Iscrizions: nchin ai 22.01. tres Whatsapp 339 6563015.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
20.01.
Mendret
Dales 20:50. Test y regia Matilde Gazzini, produziun media-art, a cura de Ales­sandro Dapunt.
21.01.
Trail Spezial
Dales 20:50 ca. A cura dla redaziun ladina.
22.01.
Eie e speie
Dales 20:50 ca. Test y regia Cinzia Pistoia, produziun Pennpro, a cura de Alessandro Dapunt.

Radio
16.01.
La perzezion dl ladin – la nrescida de Beatrice Colcuc
Scebën che Beatrice Colcuc sta bele da 10 ani incà a Stras­burg, iela for mo scialdi lieda a si ncësa, Col. La ie te truepa lies de ulentariat a Col y à nce scrit si lëur de dutorat n cont dla perzezion dla singula variantes de ladin che vën rujenedes te duta la Dolomites, da Gherdëina nchin tl Come­lich. Trasmi­scion de Sofia Stuflesser.
18.01.
Mujiga de Sëlva – Cunzert de iubileum
L ann passà, tl 1925 à la mujiga de Sëlva festejà l bel anuel di 100 ani da si funda­zion. Via per l ann iel unì metù a jì d’uni sort de manife­stazions de mujiga y l ann iu­biler ie unì stlut ju cun n bel cunzert. Njnuet ve prejen­tons na registrazion dal vif de chësc cunzert cun pec sci­che »The Golden Year«, »Modern Girls« la prima ejecu­zion de »Bona Ueia«, »Pequen­da Czarda« y »Music«. Trasmi­scion de Georg Mussner.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cumëmber.
16.01.
Marcià dl adurvà – guant da festes y da Carnescià
L VKE Gherdëina mët a jì inò l marcià dl adurvà per l guant da festes (batëisum, cu­menion, bal) y da Carnescià y da chëst ann nce purghes: ai 16.01. tla sala de Chemun de S. Cristina dala 15:00 nchin la 17:00. N possa dé ju la roba ai 15 de jené dala 18:00–20:00. Uniun possa dé dant l priesc de si cosses. Cuntac: Martina M.: 338 7694251 (mé domes­dì), Martina L.: 347 6435384 (mé domesdì).
19.01.
Generala dl Consëi de formaziun da San Martin
En lönesc ai 19 de jená dales 20:00 él tl salf dl Istitut Ladin la sentada generala dl Consëi de formaziun da San Martin.
19.01.
Senteda dl Cunsëi de Furmazion de S.Cristina
La senteda dl Cunsëi Furma­zion de S.Cristina sarà ai 19 de jené dala 20:00 inant tla biblioteca Tresl Gruber de S.Cristina. L sarà nce n poetry slam de Irene Moroder.
22.01.
Proa cun l pipser
La Lia da Mont Gherdëina met a ji na proa cun l pipser (LVS), n juebia ai 22 de jené da la 18.00 tl local di mëina­crëp, plaza Stetteneck 5 a Urtijëi. Per plu nfurmazions: 348 3380455 (Vinzenz Se­noner).
23.01.
Curs de balé
La lia grupa Bal Populer Sëlva y Santa Cristina uel tò l’uca­jion de nfurmé che l vën metù a jì n pitl curs di vares de basa walzer, polka y bayrisch Polka per chi che scumëncia y nteressei ai 23 de jené, 30 de jené y 6 de fauré, for dala 20:30 tl local dla proes tla Cësa de Cultura de Sëlva. Sëuraprò nvions de cuer ala proa da Carnescià ai 13 de fauré, ulache se fajon na blòta sëira balan mascherei.