La Usc di Ladins

Dotours
Dutor Gherdëina
L dutor de servisc da n sada ai 10.01. dala 08:00 daduman nchin la 08:00 daduman de n lunesc ai 12.01. ie l dutor Simon Kostner de Sëlva, tel. 347 2297492
Doturs Val Badia
Tla fin dl’edema di 10 y 11 de jená él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Corvara, Badia y La Val él en sorvisc la doturia Jasmine Gabrieli, La Ila, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 09.01. nchin n vënderdi ai 16.01. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 9 de jená dales 19:00 al vën­dres ai 16 de jená ales 19:00, é chëra da La Ila, tel. 0471 847152.

Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Stra­da di Pré de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisen­netzwerk Südtirol VFG–info@trauernetzwerk-suedtirol.com, 379 1170488.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Ma­nuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
»Dal lën al juech – Sevi ora per l mond«
L Museum Gherdëina nvieia a unì a ti cialé ala mostra nueva tl Museum, per scu­vierjer la storia faszinënta dla Sevi, firma che à fat juesc de lën dal 1831 nchin al 1998 y che ie stata de gran mpurtanza per la vita de truepa families de Gherdëina. Orar: dal lunesc al vënderdi dala 10:00 nchin la la 16:00.
Atualmënter
Garejedes de schi te Gherdëina
La Lia di Filatelisć, numis­matich y vedla chertes se prejënta tla sales dl Tublà da Nives cun na mostra dedi­cheda ala garejedes de schi che ie states te Gherdëina. La sarà davierta nchin ai 25 de jené 2026, uni di dala 15:00 nchin ala 19:00.
Atualmënter
Mumënc... tla Dolomites
La mostra cun lëures de Ga­briel Demetz tl Café Surëdl resterà da udëi nchin ai 30 de merz ntan i orars de giau­rida dl Café Surëdl.
19.12.
»Dietro – Davanti – Vor – Zurück«
L Circolo nvieia ala giaurida dla mostra de Thomas Lange y Mutsuo Hirano tl self dla mostres dla Lia Mostra d’Ert a Urtijëi. La mostra resterà da udëi nchin ai 16 de jené 2026, dal merdi nchin al vën­derdi, 16:00–19:00; de sada y dumënia nce danmesdì, 10:00–12:00.
09.01.
Mostra »All’inizio tutto era mare«
Incö vëndres ai 9 de jená dales 16:30 vëgnel daurí tl salf dles manifestaziuns da Corvara la mostra »All’inizio tutto era mare« de Matteo Agreiter. La mostra é spo da odëi cina ai 22 de forá, ia por l’edema dales 8:00 ales 12:00 y dales 16:00 ales 18:00, la domënia y i dis de festa dales 10:00 ales 12:00 y dales 16:00 ales 18:00.

Mujiga
09.01.
Dan Martinazzi Band a La Grenz
En vender ai 9 de jené da les 21:30 a La Grenz, te strada Saslonch 56 a Moena se pel scutèr la musega dal vif de Dan Martinazzoli con Diego Spagnoli, Roberto Zecchinelli e Cesare Valbusa tel conzert »The torture never stops«, tribut a Frank Zappa.

Sport
10.01.
Partides de IHL dl HC Gherdëina
L HC Gherdëina nvieia ala partida de IHL – prima divi­jion tl stadio Pranives te Sëlva: ai 10.01.2026 dala 17:00 con­tra l HC Chiavenna.
14.01.
HC Gherdëina vs. Red Bull Hockey Juniors
Tl stadio Pranives de Sëlva saràl ai 14 de jené 2026 dala 20:30, la partida dl campiunat AHL (Alps Hockey League) danter l HC Gherdëina y i Red Bull Hockey Juniors.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
13.01.
Sport Ladin
Dales 20:50. Test y regia Diego Clara, produziun Zak, a cura de Leo Senoner.
14.01.
Natura e ambient – bieves e cern
Dales 20:50 ca. Test y regia Matilde Gazzini, produziun Pinterfilm, a cura de Alessan­dro Dapunt.
15.01.
Deboriada
Dales 20:50 ca. Test y regia Sofia Stuflesser, produziun Pennpro, a cura de Leo Seno­ner.

Radio
09.01.
La familia Mahlknecht – Amor zënza cundizion per Christian
L fova ai 21 de merz dl 2001 canche n mut de 9 ani Urtijëi se ova fat scialdi mel a jì cun i schi. Da ntlëuta ncà à Chri­stian Mahlknecht debujën de assistënza y cura 24 ëura sun 24. L pere Werner conta te na ntervista plëina de emozion y sentimënt coche se à mudà la vita da uni di danter ndesfi­dedes, despera­zion, speranzes y pensieres, ma che ie nce ca­rateriseda da n gran tenì adum, union y amor te familia. Trasmiscion de Stefano Za­notti.
11.01.
»Crëier, pesimé, forma« – Cie à pa mo da se dì ert y religion al didancuei?
L dialogh danter ert y religion ie senià da na storia longia y cumplessa. Te n mond for plu y plu secolarisà, semiel che la religion se ëssa spustà sun i cunfins dla perzezion soziela. Te chësta ntervista fej Valentine Kostner n viac de reviers tl tëmp, pitan nce na udleda ala mostra tla galaria Vijion. Trasmiscion de Sofia Stuflesser.

Chino
Atualmenter
Al chino de Cianacei
Insnet, vender ai 9 de jené da les 21:00 l é »Norimberga«, sabeda ai 10 da les 20:45 Spe­tacol de Circo Inzir; domenia 11 da les 10:00 event First Lego League. Mèrtesc 13 da les 21:00 »Buen Ca­mino«, vender 16 da les 21:00 »Tra natura e quota«.
Atualmenter
Al

• 
•  

View the embedded image gallery online at:
https://www.lausc.it/manifestazions-y-evenc/31045-manifestazions-atuales#sigProIdb569b0b6ad

chino de Pardac
En domenia ai 11 de jené da les 21:00 vegn moscià »Buen camino« con Checco Zalone.
Atualmenter
Al chino de Tieser
Insnet, vender ai 9 de jené da les 20:30 l é »Avatar«, sabeda ai 10 da les 21:15 l é »Buen ca­­mino«, domenia ai 11 da les 20:30 l é »White out«, mercol ai 14 da les 17:30 l é »Human forever«, entrèda debant con intervenc de esperc de demenzes, jebia ai 15 da les 21:00 l é »Il maestro« e ven­der ai 16 da les 20:45 l é »Un colpo (quasi) perfetto«.
Iscrizion Scolines
Atualmënter
Iscrizion Scolines Ladines tl Südtirol per l ann 2026/27
La iscrizions ala scolines ladines, per mutons:ans na­sciui:des danter l 01.09.2020 y l 31.12.2023, puderà unì fates mé online, dai 8 nchin ai 16 de jené 2026 tres l portal dla Provinzia »Iole« tl myCivis. La scolina »Salieta« de Urtijëi y la scolines de Sëlva, Al Plan y Badia pieta nce l orar slungià nchin la 17:00. Per plu nfur­mazions: scora-ladina.pro vinzia.bz.it o diretamënter tla scolines o pra la direzion »Ladinia« al 0471 797117.
Assistenza y Cura
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Sorvisc Forestal
15.01.
Sessiun forestala por Mareo, San Martin y La Val
L’ispetorat dla forestala da Bornech inviëia ala sessiun forestala por la bassa Val Badia en jöbia ai 15 de jená 2026 dales 20:00 tl Istitut Ladin a San Martind e Tor.

Temp Lede
10.01.
Spetacol de circo al chino Marmolada
En sabeda ai 10 de jené gior­nèda de circo al chino Marmo­lèda de Cianacei. Da les 17:30 Circensema e la Scola de Circo Bolla di Sapone fèsc n labo­ratorie de jogoleria avert a duc, da les 20:45 gran spe­tacol con l ‘Circo InZir Gran Varieté’ con artisć de livel internazionèl. La bonamans jirà al projet de circo sozièl 2027.
11. – 18.01.
Alta Badia Cocktail Week
Dai 11 ai 18 de jená vëgnel tigní tl’Alta Badia na edema dedicada a drink y cocktails, arjigná ca da deplü strotöres dl post, en colaboraziun cun barisć de cocktail – bar cone­sciüs a livel internazional. Al sará 8 apuntamënc te 8 stro­töres desfarëntes. Infos sot a www.altabadia.org .
12.01.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y pas­lunch. Por tó pert mësson se scrí ite sot a www.scuolafondo.it
14.01.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
14.01.
Cui schi da sëra
Dai 7 de jená inant pón jí vigni mercui cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
14.01.
Nos Ladins cun Luigi
Tres l’iniziativa »Nos Ladins« pón descurí la vita y val’mistier dla jënt dla valada. En mercui ai 14 de jená domisdé pón s’incunté a Badia cun Luigi, che cunta sciöche ara é da manajé na sozieté de implanc portamunt y co che al vëgn fat nëi y arjigné ca les pistes. Infos y prenotaziuns pro i ofizi turistics dl’Alta Badia.
16.01.
Skishow dla Scoles de schi de Gherdëina
Passa 200 maestres y maestri dla Scoles de schi de Sëlva, S. Cristina y Urtijëi fajerà pea pra na desmustrazion sun i schi ai 16 de jené dala 21:00 inant sun l purtoi da Frëina/ Ciampinëi te Sëlva.

Religion
10.01.
Preparaziun dl Bato
La Uniun dles Ëres Catoliches de nosc decanat inviëia düc i geniturs che á n pice möt o na picia möta da batié, pers che aspeta, toc y totes de nosc decanat ala preparaziun dl Bato, en sabeda ai 10 de jená dales 15:00 ales 17:00, te salf di stödafüch a San Martin. Al vëgn aprofondí l’importanza dl sacramënt, presenté le ritus y splighé i simboi. Se prenoté pro Lucia al 334 3200396.