La Usc di Ladins

Chanticleer
L cunzert sot ala bachëta de Tim Keeler vën metù a jì dai Jëuni de Mujiga Gherdëina tla dlieja de Sëlva n mierculdi, ai 21 de jené dala 20:00
Ntan la sëira pieterà l ensemble vocal di ëi »Chanticleer« na zele­brazion de cianties corales: dai gran lëures dl Renascimënt nchin a pec romantics, opres cuntem­poranes, vocal jazz y dut chël che ie danterite. L ensemble se sënt da cësa te uni genre de mujiga. 
Tl repertoire iel mujiga de William Byrd y Orlando di Lasso, ela­borazions rafinedes de »Shenan­doah« y »Calling My Children Home«, nterpretazions de standard jazz coche »Without a Song« o »Willow Weep for Me« nchin al aranjamënt de Chanticleer de »Both Sides Now« de Joni Mitchell.

Sostëgn bunorí por families
Ester geniturs – löm y ambria; insciö sciöche i sun, vara bun y canche i me stënti, me chiri aiüt. Chësc é le slogan dl Sorvisc de Sostëgn bunorí por families
Al é n sorvisc por düc i geniturs che vëgn docá, geniturs susc y families cun mituns danter 0 y 3 agn, che é te situaziuns de desfida. En particolar vëgnel pité: sostëgn ales families te de ries situaziuns; soluziuns por smendrí le stres familiar; al vëgn ponsé a strategies de­svalies svilupades adöm por ciafé soluziuns; renforz de döta la familia; düc i mituns dess avëi les medemes poscibilités; al dess gní realisé cosses tignon cunt dl cheder complet por sostigní la familia.
Nüsc esperc dl ciamp sanitar y sozial dá consëis aladô dles ghiranzes y ciafa deboriada soluziuns adeguades. Le sorvisc é debann, confidenzial y volontar. Por plü informaziuns podëise se lascé adintëne al numer 333 6203945 o ala e–mail fruehe.hilfen@bzgpust.it
Le sorvisc se incuntará tl’alzada a tera dl raiun sozio-sanitar Val Badia te chëstes dates: 19.01.26; 23.02.26; 23.03.26; 20.04.26.

Alpaca y ert: na mostra de solidarità per l Perù
La grupa Gherdëina per l Perù mët a jì na mostra de opres fates a man tla miscions dl Perù per n fin de bën. L’esposizion sarà dai 23 de jené nchin ai 9 de fauré tla Lia Mostra d’Ert a Urtijëi
Tla berstots dl’Operazione Mato Grosso possa l’ëiles mparé a fé cosses de lana d’alpaca da na gran cualità, coche sbetri, guanc, manëces, cazines y nsci inant. Do avëi fat la scola pòsseles viver inant de chësc ert, sustenian si families y ne messan nia migré nzaul d’auter per sëuraviver.
N valgunes de chësta cosses fates a man unirà metudes ora dai 23 de jené ai 9 de fauré tl Circolo Lia Mostra d’Ert. Orar de giaurida: 09:30–12:00 y 15:00–19:00, de vënderdì y sada nce dala 20:00 ala 22:00.
Cumpran un di prudoc tla mostra, fac cun gran amor, prufescionalità y mpëni, saràl mesun ti dé n sustëni cuncret a chësta families, acioche les posse se costruì n miëur daunì.