La Usc di Ladins

No l é sorì, tel moment de maor lurier turistich, troèr l temp per ge enjignèr mondures ai bec, i regolèr e i portèr stroz a fèr i Trei Rees. Chest an tel temp de Nadèl te Fascia se à vedù vèlch grop de picoi o gregn rees o reines, vèlch outa compagné da pèstres e ciantores, ma no te duc i paijes. Coscita chest rituèl risia de se desfantèr e l é n pecià, ajache apede a portèr inant na tradizion veiora l à beleche semper n obietif de solidarietà e l é ence aprijià tant da la jent da chiò che dai ghesć.

Ence chest an sion jic a veder olà e coche l é stat portà inant chesta bela tradizion.
Su La Usc stampèda dai 16 de jené podede lejer dut e veder i retrac de duc i gropes che à portà la ciantia de la steila fora per i paijes de Fascia e vèlch ence sul rituèl del sciumentèr.


 (LG/NICO)