La Usc di Ladins

Contrades de pera y motifs de natöra é al zënter dla fotografia de Matteo Agreiter, jonn fotograf profescionist, che á ciafé tla fotografia n meso por cunté de so daciasa, de süa pasciun por l’alpinism y dles emoziuns desfarëntes che le liëia ala munt.

Tla mostra »All’inizio tutto era mare« (lad.: »tl pröm êl döt mer«), mët fora le jonn fotografies che vá do a so percurs individual. Nasciü y chersciü sö tl’alta Val Badia, dëida Matteo para tla gestiun familiara de na ütia de munt y cun n pere mënacrëp, é la munt tan co da atira devëntada na componënta sterscia te süa vita. Sciöche na compagna de familia, ára lascé sintí süa presënza bele tla pröma jonëza.

Chësta n’é nia la pröma mostra dl jonn, che á bele metü fora a Camogli, tla Liguria, y dedô a Balsan, tla galaria zivica.
Dan otedé, él porchël rové adalerch a Corvara apascioná de munt, de fotografia, familiars y amisc, por la daurida dla mostra sëgn rovada ince tl raiun, da olache döt é pordërt pié ia.


Liede deplü tla ediziun nöia da incö, vëndres ai 16 de jená!