La Usc di Ladins

La pasciun por la liösa é dër sintida a La Val. Na demostraziun de chësc á dé i atlec dl’ Uniun Sport La Val dla seziun liösa, che á te chësta sajun da d’invern tut pert a na sdreja de competiziuns. Ai trëi atlec dl’Uniun Sport La Val, Elias Alton, Lara Peccei y Manuela Rubatscher, ti éra garatada da arjunje i dër’ resultac che ti á pormetü la cualificaziun ala gara de campionat. 
Tla Steiermark s’á i atlec danter le 6 y l’8 de forá mosoré cun zacotan de jones y jogn dla categoria Juniores. N resultat extra bun é sté chël de Elias Alton che á arjunt le secundo scalin dla categoria Juniores di ëi y s’á metü te gofa le titul de vize campiun mondial juniores. Ince bun éra jüda por Lara Peccei, che cun süa prestaziun é rovada sön le terzo scalin dla categoria feminila Juniores y la domënia ára por püch schivé le podest, rovan al 4. post en classifica dla categoria generala. Sot ai pröms diesc s’á cualifiché Manuela Rubatscher, rovada al 10. post en classifica dla categoria generala. 

Deplü impresciuns dla gara ciafëise da lí tla ediziun nöia de chësta edema, chëra publicada ai 27 de forá!