La Usc di Ladins

Chera sera de domegna ai 22 de febraro, canche i à sarà i Śoghe olimpiche d'inverno 2026, inze ra Arena de Verona, 'l ea doi anpezane, pede a i nostre atletes. Un 'l ea Gianluca Lorenzi Chenopo, capocomun de Anpezo: aduna con Giuseppe Sala, capocomun de Milan, i à pasà ra bandiera a i aministatore de ra Francia, che i fajarà ra Olimpiades 2030. Chel outro 'l ea Luca Gandini, par ra sezion de Anpezo de ra Crosc bianca, che 'l é stà ciamà a portà ra bandiera taliana, dinprin, da i ra sporśe a i Carabiniere, che i r'à tirada su. «L é stà un onor par me, che ei podù raprejentà ra comunità de Anpezo, da vorentio del socorso – el m'à dito Gandini – dinprin no see mia masa parsuaśo, canche i me 'l à domandà, e no n'ei dito alolo de scì. Dapò ei pensà sora, in ei parlà in ciaśa, sul laoro, e dute i m'à dito de el fei. Dinultima ei azetà».

De plu tla edizion stampeda de La Usc di Ladins o sun l e-paper a paiament www.lausc.it/e-paper