La Usc di Ladins

La scena rap tl Sudtirol é valgamia jona y s’á svilupé plücoater ti utlims dui dezens. Sce an baia de rap te chësc raiun, pënson a na scena spidiciada sö y sternüda fora por le raiun plurilinguistich, olache le dialet é le lingaz plü tut ca dai artisć. Da n valgügn agn incá á le rap tl Sudtirol davagné usc nöies y danterite ince chëres de artisć ladins. 
Plücoater él na desfida, chëra de lauré cun n lingaz de mendranza te n contest artistich, mo dl ater vers él n’ocajiun, por daurí strades nöies. »Ara ne vá ma nia de daurí strades nöies, mo de lascé do fostüs«, á dit Daniel Zardini, che tla vita da vigni de é chelner, mo de nöt spo scritur de cianties rap.
Daniel Zardini á presenté de novëmber dl 2025 n album musical nü cun le titul »Fostüs/Orme«. La CD rapresentëia na sbürla nöia por le proiet »Ethnic Techniques« y por le musizist da Al Plan, che variëia devers de colaboraziuns nöies y proiec nüs.

Liede deplü tla ediziun nöia da incö, vëndres ai 27 de forá!