La Usc di Ladins

»Vegn fat a saer che a Sèn Jan vegn metù su na Coprativa«. Dut l é tacà ite con n avis scempie a la comunanza, ai 13 de firé del 1896. N avis che rejonèa de na idea neva, ardida, creèr zeche ensema, per l ben de duc. Ai 20 de firé del 1896 belapontin nascea la Famiglia Cooperativa de Sèn Jan, n strument che se metea dant de didèr la jent a miorèr sia condizions de vita che era fata de fadies e stenc.

De chest vegnarà rejonà ence te la radunanza di sozi che la Coprativa chiama ite en sabeda ai 28 de firé da mesa les trei te palestra de la scoles mesènes de Poza.

Podarede lejer dut su La Usc dai 6 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (MCI)