18.03.
Scontrèdes de auto mutuo aiut
La sociazion Rencureme de Fascia e Fiem endreza scontrèdes de auto mutuo aiut per chi che à te cèsa parenc con problemes de memoria e decadiment cognitif. Terza scontrèda en mercol ai 18 de mèrz da les 20:00 te Ciasa de Noscia Jent a Poza.
27.02
Giornèda de la malaties rères
Anché, vender 27 de firé a Trent te la sala de la Fondazion Caritro, via Calepina 1, da les 10:00 a les 12:00 e da les 14:00 a les 18:00 l é na lingia intervenc per la 12^ Giornèda trentina de la malaties rères. www.malattieraretrentino.it.
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Strada di Pr de Lejia 12 su apuntament tras l secretariat ALFID (0461 235008, 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (a Urtijëi tla Cësa de Cultura; a S. Cristina tla Cësa de Chemun; te Sëlva tla Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per Santa Cristina l 333 1499949, per Sëlva l 335 6558633.
27.02.
Deberieda: Batadù y Mau-Mau
N se anconta n vënderdi ai 27 de fauré dala 14:00 dan la Cësa de Paussa a Urtijëi, per jì deberieda a carté tla bar dla strutura. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.
05.03.
Deberieda:
View the embedded image gallery online at:
https://www.lausc.it/manifestazions-y-evenc/31335-manifestazions-atuales#sigProIde2f7c10840
https://www.lausc.it/manifestazions-y-evenc/31335-manifestazions-atuales#sigProIde2f7c10840
N se anconta ai 5 de merz dala 13:45 dan la Cësa de Paussa a Urtijëi. L serà n referat per talian, purtà dant dala dut. De Bertoldi, dal titul «L’importanza della cura della quotidianità per la salute mentale».
Atualmënter
Lia de sustëni tl duel y crisa
La lia ti juda ala persona nstëssa y la families te situazions de duel, cuota anuela de 50 euro. Per nfurmazions cuntaté: Trauer- & Krisennetzwerk Südtirol VFG–info@trauernetzwerk-suedtirol.com, tel. 379 1170488.
Temp Lede
02.03.
Yoga y paslunch
Pro le zënter de paslunch Alta Badia a Sciaré da San Ciascian vëgnel tigní vigni lönesc dales 10:30 n curs de yoga y paslunch. Por tó pert mësson se scrí ite sot a www.scuolafondo.it
03.03.
Pudejé de nuet cun luna colma
Sun Pana puderàn nuzé la pista da pudejé debant per pudejé de nuet cun luna colma, ai 3 de merz dala 20:00 inant. L mprëst dai schi ie n chësta sëira daviert.
03.03.
Show a lum de luna
Sun l purtoi de Dantercëpies mët la Scola de Schi de Sëlva a jì na defileda cun chentli. N se anconta dala 18:15 japé dla furnadoia de Dantercëpies.
04.03.
Cun e-bike y rodes da agüs söla nëi
La Scora de schi da Calfosch mët a jí vigni mercui na escurjiun de »Snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
04.03.
Ciareja Snow Night
En mercol ai 4 de mèrz da les 21:30 sul portoi Pra di Tori forin Mont de Vich i maestres de schi porta dant n spetacol con la focoles ispirà a la lejenda de Re Laurin.
04.03.
Cui schi da sëra
Tl’Alta Badia pón jí vigni mercui cui schi ince da sëra, dales 20:00 ales 22:00 sön la pista »Doninz« a La Ila. Por podëi anuzé l’implant adoron na cherta dai schi che vel plü dis.
04.03.
Nos Ladins cun Luigi
Tres l’iniziativa »Nos Ladins« pón descurí la vita y val’mistier dla jënt dla valada. En mercui ai 4 de merz pón s’incunté a Badia cun Luigi, che cunta sciöche ara é da manajé na sozieté de implanc portamunt y suradöt co che al vëgn fat nëi y arjigné ca les pistes.Infos y prenotaziuns pro i ofizi turistics dl’Alta Badia.
05.03.
Nöt dla liösa a San Ciascian
En jöbia ai 5 de merz é düc inviá ala »Nöt dla liösa« a San Ciascian. Le tru dla liösa »Foram« vëgn ilominé dales 19:30 ales 22:30 y l’implant de »Piz Sorega« sará davert por l’ocajiun. Les chertes por l’implant pón cumpré diretamënter pro cassa en chë sëra.
05.03.
Bun de Gran Risa
Cina ai 5 de merz él vigni jöbia l’iniziativa »Bun de Gran Risa«, olache l’implant de Piz La Ila vëgn bele daurí dales 6:55. I partezipanc pó, adöm ai maestri de schi, porvé fora bele adora n percurs sciöche na gara de Copa dl monn. Prenotaziuns ti ofizi turistics dl’Alta Badia.
05.03.
Cun la gücia da sëra
En jöbia ai 5 de merz pón se fá na roda sön les güces trates dai ciavai, do le Tru di Artisć da La Ila a San Ciascian. An s’incunta dales 20:45 a Altin. Iscriziuns ti ofizi turistics dl’Alta Badia.
07.03.
Festa te Sotegrava per la Copa del Mond
En sabeda ai 7 de mèrz da les 18:00 te piaz de Sotegrava de Moena l é la festa con la atletes de Copa del Mond de schi. La defilèda ponta via da piaz de Ramon con la atletes, maestres de schi, sociazions, cores e bec per jir te Sotegrava olache vegn prejentà tirà fora i numeres del superG e fat la premia-zions de la libera.
08.03.
Dolomites Dirndl Ski Day
Gherdëina festejea l di mundiel dl’ëila ai 08.03. cun na manifestazion sportiva sun Mont de Sëuc: l Dolomites Dirndl Ski Day. L’iscrizions vën tëutes su tla Lia dl Turism de Urtijëi: 0471 777600 o ortisei@valgardena.it. Priesc: 70,00 € per doi persones, n pachetl per la garejeda y n aperitif ie laite tl priesc.
Uni juebia
Ciaculon deberieda–per ladin
La Union di Ladins de Gherdëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla biblioteca »Anda Malia da Cudan« tla Cësa di Ladins a Urtijëi. Unide nce Vo!
Uni lunesc
Cërtl de letura
Tla biblioteca de San Durich a Urtijëi se ancónten uni lunesc dala 18:00 per n cërtl de letura cun Nicoletta. N liej deberieda l liber »Quello che possiamo sapere« de lan MacEvan. Duc possa unì a fé pea.
Radio y Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
27.02.
ITE Ski College a Urtijëi
Dan 20 ani iel unì metù su la sezion sportiva tl ITE Raetia de Urtijëi. Ntervistes al diretëur Bernhard Flantscher, ala nsenianta Lidia Bernardi y ala trainadëura Michaela Messner che nes conta dl svilup de chësta scola. Trasmiscion de Stefano Zanotti
01.03.
L Ciamp pedagogich
Te chësta ntervista conta la diretëura dl Ciamp pedagogich Maria Kostner dl’atività de chësta istituzion: svilup de material didatich, prugramazion
View the embedded image gallery online at:
https://www.lausc.it/manifestazions-y-evenc/31335-manifestazions-atuales#sigProIde2f7c10840
https://www.lausc.it/manifestazions-y-evenc/31335-manifestazions-atuales#sigProIde2f7c10840
03.03
S-Link: la rezeta dl algoritm
Dales 20:50 - program de Cinzia Pistoia, a cura de Alessandro Dapunt. Trasmiscion de Sofia Stuflesser
04.03.
Eie e Spieie–schi: competenza o tecnologia
Dales 20:50 ca. - test e regia Cinzia Pistoia, produziun Pennpro, a cura de Alessandro Dapunt.
05.03.
Scenar – ert y cultura tla Ladinia
Dales 20:50 ca. - test y regia Silvia Murer, produziun Karbonvideo, a cura de Leo Senoner.
Informaziuns plü menüdes sön i programs de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota “Mediateca” y les trasmiscions radio sot a “Podcast
Referac
04.03.
Karl Felix Wolff y la liënda dl pice Re Laurin
En mercui ai 4 de merz dales 19:00 él tl Forschungsinstitut Brenner-Archiv tla strada Josef-Hirn a Desproch na serada de referat y discusciun sön »Karl Felix Wolff y la liënda dl pice Re Laurin« cun la prof. univ. dra. Ulrike Kindl. Organisaziun: Litera-turhaus am Inn, Brenner-Archiv, Istitut Ladin Micurá de Rü y Euregio Tirol-Tirol dl Süd-Trentin.
Religion
07.03.
Preparaziun dl Bato
La Uniun dles Ëres Catoliches de nosc decanat inviëia düc i geniturs che á n pice möt o na picia möta da batié, pers che aspeta, toc y totes de nosc decanat ala preparaziun dl Bato, la sabeda ai 7 de merz dales 15:00 ales 17:00, te local di ministranc a Badia. Al vëgn aprofondí l’importanza dl sacramënt, presenté le ritus y splighé i simboi. Se prenoté pro Lucia al 334 3200396.
Musiga
06/08.03.
Dolomiti Ski Jazz
Per l 30° Dolomiti Ski Jazz en vender ai 6 de mèrz da les 12:00 ló dal refuge Baita Checco l é »Evi Mair Olympus Band«; domenia ai 8 de mèrz da les 12:00 l é »Andrea Lombardini Quartet« ló dal Dolomites Geyser a Poza, da les 15:00 l é »The Killbilly’s« al bar International a Cianacei e da les 21:00 l é l conzert de »Patrizia Laquidara« te chino de Cianacei.
Atualmënter
Lounge Bar Urtijëi
Uni juebia nchin ai 5 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. N juebia ai 26 de jené saràl mujiga dal Café Soviso, coche nce ai 5 de merz.
Teater
27.02.
A teater a Tieser
Insnet, vender 27 de firé da les 20:45 te teater de Pardac, per la rassegna de teater de Fiem, l é la compagnia Multiversoteatro, en colaborazion con CSC e PACTA, che porta dant l toch »Dalser, La Mussolina«.
Dotors y Apoteches
Dutor Gherdëina
L dutor de servisc da n sada ai 28.02. dala 08:00 daduman nchin la 08:00 daduman de n lunesc ai 02.03. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl’edema di 28 de forá y 1. de merz él en sorvisc ti comuns de Mareo y San Martin la doturia Margarete Mahlknecht, La Val, tel. 349 0667034 o 0474 523018. Ti comuns de Corvara, Badia y La Val él en sorvisc la doturia Jasmine Gabrieli, La Ila, tel. 371 7515275.
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 27.02. nchin n vënderdi ai 03.03. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 27 de forá dales 19:00 al vëndres ai 6 de merz ales 19:00, é chëra da Corvara, tel. 0471 830237.
Mostres y Ert
Atualmenter
Mostra sul schi de Manuel Riz
Te Museo Ladin de Fascia se pel veder na esposizion de ojec e de taoles del arist Manuel Riz e se pel ence comprèr la neva graphic novel dal titol »Il pendio bianco. Storia sociale dello sci«.
Atualmënter
“ROCK’ET”–mostra nterativa
L Circolo–Lia Mostra d’Ert nvieia ala mostra ROCK’ET tl self dla mostres dla Lia Mostra d’Ert, che resterà davierta nchin ai ai 1. de merz. N chël di uniràla stluta cun na »jam session/open mic« dala 20:30. Orar de giaurida: merdi – vënderdi: 16:00 – 19:00; sada y dumënia 10:00 – 12:00 y 16:00 – 19:00.
05.03.
Mostra «The red boat»
Tl self dla mostres tla Cësa di Cungresc a Urtijëi vëniel giaurì ai 5 de merz dala 17:30 chësta mostra coletiva de 18 artisć:tes de Südtirol. L proiet artistich soziel uël sotrissé la respunsabltà dla populazion per sustëni dl’ëiles. La mostra jirà inant nchin ai 6 de auril, 10:30–12:00 y 16:00–18:00.
Atualmënter
Deventé crëscer amé
Nchin ai 15 de mei iel da udëi tla Cësa de Chemun de Laion na mostra de Guido Senoner Tinderla. Orar: dal lunesc al vënderdi dala 8:00–12:00; juebies nce dala 16:00 nchin la 18:30.
Uni vënderdi de fauré
Vijita meneda tres la mostra nueva tl Museum Gherdëina
La curadëssa Jamila Moroder menerà tres la mostra nueva »Pec de n mond«–figures de Gherdëina danter na imaja de sé y na ududa sun l mond: uni vënderdi ntan l mëns de fauré, dala 16:00 nchin la 17:00. L ne n’ie nia debujën de se nuté su.
Atualmënter
Mumënc... tla Dolomites
La mostra
View the embedded image gallery online at:
https://www.lausc.it/manifestazions-y-evenc/31335-manifestazions-atuales#sigProIde2f7c10840
https://www.lausc.it/manifestazions-y-evenc/31335-manifestazions-atuales#sigProIde2f7c10840
Atualmënter
Garejedes de schi te Gherdëina
La mostra ie dedicheda ala garejedes de schi che ie states te Gherdëina. La sarà davierta nchin ai 7 de auril, dal lunesc nchin al vënderdi dala 08:00 nchin la 13:00, tl prim partimënt dla Cassa Raiffeisen de S. Cristina. Sce cunescëis zachei sun la fotografies, fajëdeti al savëi ala lia Filatelisć, numismatich y de vedla chertes de Gherdëina.
Atualmënter
„Dal lën al juech–Sevi ora per l mond“
La manifestazions per l inviern tl Museum Gherdëina va mo inant nchin a n sada che vën, ai 7 de merz danmesdì, cun i prutagunisć che à laurà per ani alalongia pra la firma Sevi. I nes cunterà de si esperienzes pra la produzion y truep d’auter. Duc ie de cuer nviei.
Chino
Atualmenter
Al chino de Cianacei
Insnet, vender 27 de firé da les 21:00 l é l film per la families »Goat, sogna in grande«, sabeda 28 da les 21:00 l é »Marty Supreme«, Kenia ai 5 de mèrz da les 21:00 per la festa de la femenes l é »Climbing Iran«.
06.03.
Chino per la festa dl’ëila
N vënderdi ai 6 de merz dala 20:00 uniràl mustrà n film tla biblioteca de San Durich, n ucajion dla festa dl’ëila.
Avisc
27.02.
Generela cun sëira de film
La Lia per Natura y Usanzes nvieia a si senteda generela cun sëira de film, ncuei, vënderdi ai 27 de fauré dala 20:00 tla »Pitla sala« tla Cësa di Cungresc a Urtijëi.
02.03.
Lia di Filatelisć – ancuntedes
La Lia di Filatelisć, Numismatics y Vedla Chertes de Gherdëina se anconta uni prim lunesc dl mëns dala 20:00 tl Bar 2000 a S. Cristina, per s‘la ciaculé y fé vel’ barat. La proscima ancunteda sarà ai 2 de merz.
05.03.
Udienza cun la defensëura zivica
La defensëura zivica sarà da ancunté ai 5 de merz tla Cësa de Chemun de Urtijëi dala 14:00 nchin la 17:00. N muessa se prenoté cherdan su l 0471 946020.
05.03.
Udienza Apple
Tla biblioteca de San Durich a Urtijëi vëniel metù a jì na ancunteda cun l referënt Dr. Theodor Rifesser, per chi che à dumandes o problems cun si iPhone, iPad, Apple Watch y n.i., n juebia ai 5 de merz dala 10:00 nchin la 12:00.
06.03.
Café per l di dl’ëila
N vënderdi, ai 6 de merz, n ucajion dl di dl’ëila de n dumënia, mët la Butëiga dl mond de Urtijëi a jì l »Di dla porta davierta«. A chëi che vën a nes crì ti vëniel pità l bon café dl marcià rëidl »Adelante–café ora dla mans dl’ëiles« cun velch de dëuc leprò. Duc ie de cuer nviei a passé.
06.03.
Festa tla biblioteca de S. Durich
Ai 6 de merz dala 15:00 saràl na bela festa tla biblioteca de San Durich: la pitla suricia dla stories, giaperà n inuem. L unirà nce fat la premiazion dl cuncors de desënies y daldò dajeràl tëurta per duc.
Atualmënter
L Cor y l Urchestra de dlieja chier ciantarins y sunadëures
Chi che à nteres a unì a purvé possa unì de merdi tl local dla proes te calonia de Urtijëi aut ite o se lascé audì da n cumëmber.
13.04.
Instà Vif – iscrizions
L pruiet Instà Vif, per mutons y mutans dl 2013–2019, vën metù a ji dai Chemuns de Gherdëina deberieda cun lies, dai 22.06. nchin ai 21.08. dala 08:30-12:30 o dala 13:30-17:30. La iscrizions possa unì fates ai 13 de auril dala 20:00 inant tres l link o QR–code che n abina sun l julantin dat ora.
23.02.–02.03.
Pavël: iscrizions
L pruiet per l instà Pavël, per mutons y mutans dl 2015– 2022, vën metù a ji dal VKE deberieda ai Chemuns; a Urtijëi dai 29.06. nchin ai 21.08., a Runcadic dai 27.07. nchin ai 21.08., a S. Cristina y te Sëlva dai 06.07. nchin ai 21.08., for dala 07:30–14:30 y n vënderdi nchin la 15:30. La iscrizions possa unì fates tres l portal VKE, for dala dala 07:00 inant: Runcadic 23.02.; Urtijëi, S. Cristina y Sëlva ai 02.03.
09.-12.03.
Sakl: iscrizions
L pruiet per l instà Sakl, per mutons y mutans dl 2011-2014 (*n valguna enes nce per chëi dl 2009–2010), vën metù a jì dala Nëus Jëuni Gherdëina, dai 22.06. nchin ai 28.08. L orar muda da ena a ena. La iscrizions possa unì fates tres mail a info@njg.it, per Urtijëi ai 11.03., per la frazions ladines de Ciastel ai 12.03., per S. Cristina ai 10.03. y per Sëlva ai 09.03., for dala 07:00 inant. Nfurmazions plu avisa sun www.njg.it.
09.–13.03.
Iscrizions “Gaia”
La Lia Gaia mët a jì n pruiet da d’instà, per mutons y mutans dl 2015-2020. L pruiet va dai 6 de lugio nchin ai 21 de agost. Orar: 07:45–14:30. La iscrizions vën tëutes su dai 09.03. dala 08:00 inant nchin ai 13.03. tres l formular sun www.pro-gaia.net.
27.02.
Instà tl Bosch per mutons:ans dla scolina: iscrizions
L pruiet »Instà tl Bosch«, per mutons y mutans dai 3 nchin a 6 ani, vën metù a jì dala Scolina tl Bosch, dai 06.07. nchin ai 07.08. dala 07:45-12:30. La iscrizions possa unì fates ncuei, 27.02. dala 12:30 inant tres mail : megger@canalescuola.it
27.02.
Enes dla ventura per mutons:ans dla elementera: iscrizions
L pruiet per l instà «Enes dla ventura», per mutons y mutans dai 7 nchin ai 9 ani, vën metù a jì dala Scolina tl Bosch, ntan l’enes dai 10.08.–21.08., dala 07:45–12:30. La iscrizions possa unì fates tres mail ncuei, 27.02. dala 12:30 inant: megger@canalescuola.it
06.03.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stödafüch, en vëndres ai 6 de merz dales 14:00 ales 17:00. Por prenotaziuns cherdé sö le 0471 946020. Les proscimes udiënzes dl ann é ai 3 de messé, 4 de setëmber y 6 de novëmber.
Merz 2026
Iscriziuns ala Scora de musiga Val Badia
Les scores de musiga dla provinzia deura les iscriziuns por le proscim ann de scora, dal 1. al 31.03.2026. Les iscriziuns vëgn fates online tres le sorvisc dl’aministraziun provinziala »myCivis« https://civis.bz.it/einschreibung-musikschule . L’azes al sorvisc vá tres SPID o CIE (cherta d’identité eletronica). Informaziuns te secretariat dla Scora de musiga a La Ila, al 0471 847748 o sot a www.musikschule.it
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it
Atualmënter
Iniziativa di ëi de Puster
L’ofize dla MIP–Männerinitiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla strada Dante 2m a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Cursc
27.02.
Curs de Prim Aiut per genitores y nëinesc
L VKE mët a jì n curs de prim aiut cun l referënt Hermann Delucca, ncuei vënderdi ai 27 de fauré dala 20:00 tl Self Raiffeisen tla Cësa de Chemun a S. Cristina.
06.03.
Cunsulënza de culëur
Tla biblioteca Tresl Gruber a S. Cristina vëniel metù a jì na cunsulënza de culëur cun la referënta Renate Senoner, n vënderdi ai 6 de merz. L unirà fat doi grupes cun orar da definì. Per se nuté su: 0471 790016.En jöbia ai 12 de merz dales 19:00 ales 20:30 él tl Ciastel de Tor a San Martin n curs da inrissé üs cun Rosmarie Verginer. Le cost é de 10,00€ a ce, i posć é limitá. Prenotaziuns al 339 3115679.
