Nuia, o cuaji, de noo sote el soroio

Data

03 de november 2021

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ra cronaca de r’agajon del 1882, scrita da un anpezan de inalora, voltada da un anpezan de ancuoi. Ra storia che torna, co ra desgrazies de ste ultime anes
Ma sone coscita  segure che duta sta brentanes e tenpo maturlo i viene gouja del caligo dei camis de ra fabriches e da ra poiata de i automobiles e no see inveze nafré un śì e tornà  de ra robes inze ‘l tenpo? Fajion un souto a zesacù, supośò de 140 anes, e lieśon una cronaca de inalora, scrita da Giovanni Antonio Gilarduzzi, nasciù del 1860 e fiol de el fu Giobbe da Lazedel.

L’inondazione del 1882, per memoria, ai posteri

Dapò alcuante dis de pioa, l é ruà i 10 de setenbre. L ea un di algo de bel e del domegna, coscita che ben poche i ea a sturtà su fen o algo in chel di. Del lunes bonora ‘l aea tacà a smaià e, di par di, senpre pi fis, fin che ón abù un tenporal de tre
dis con saetes e tones, ai 14, 15, e 16 che ‘l ea d’un sabeda. Ra paura r’ea granda. Trope anziane e soralduto femenes i aea festide de no vede ‘l indoman. Dute i rus i ea deentade ‘na brentana rabiosa da vienì par sora ognochemai. In chel di ra Boite r’aea menà via dute i so pontes, fora chel sote Cortina, che ‘l menaa ves Crignes e Mortija, dato che ‘l ea stà leà con ciadenes e puntelà con pale e l aea tienù testa a r’aga granda. Ra Costeana ‘r aea sparagnà el ponte outo, ra Bigontina el ponte de Reniera, ma chel de ra Madona: desfato! Tropa robes in paricol ‘s é stades betudes al seguro. Ra Boite betea in paricol Salieto e Pian da Cianpo ‘l ea śa sote agaion de ra Costeana oramai da beleche sete dis par sora aduna co ra Boite, sote i brite.

Deplù te la edizion stampeda dl 29 de otober.

ABONAMENT 2021 70,00 € por la Talia – INFO aministrazion@lausc.it

ABO E-PAPER https://lausc.it/abonament-e-paper-la-usc-di-ladins