Mpue de cumedia te Sëlva

Data

21 de november 2026

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La lia Teater de Sëlva à festejà n sada dl'ena passeda i 60 ani dla lia cun si cumëmbri y cumpanies
“É pensà giut a cie che dësse dì. Dessi pa rujené dla storia dla lia? Iló ne finons plu”, nscila à l presidënt dla lia Igor Demetz giaurì la sëira tla sala de teater de calonia te Sëlva. Per se njenië ca y abiné la drëta paroles ti àl damandà aiut ala nteligënza artifiziela, a ChatGPT. Povester sà chël da ti dì ite vel’ pensier o frasa acorta de n persunaje de teater y cultura. “L fova bën nteressant a liejer chisc dic, ma ne me recunesciove te degun. Per mé sëis vo l teater! Vo sëis la persones cun chëles che me anconti y rejoni a proa. Fé teater sun paladina ie bel, ma l raport de amezizia che é cun uniun de vo ie zeche de straurdiner”.

Cun chësta bela paroles à l presidënt dla lia Teater de Sëlva saludà duc i cumëmbri y cumpanies unic ala festa.

Elisabeth Kostner

L articul tla edizion atuela de La Usc di Ladins.