Elisa Maccagni tel Consei de Trentino Marketing

Data

07 de mei 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La é stata litèda en raprejentanza di impianc portamont e de l’ambit teritorièl turistich de Fascia. La lurarà per meter jù la neva linees vida.

L’é ence na femena fascèna tel nef Consei de Aministrazion de Trentino Marketing nominà ai 27 de oril passé te la radunanza di sozi. L’é Elisa Maccagni, presidenta del Consorzie de impianc portamont Fascia e Ciareja e vize presidenta de l’Apt de Fascia.

A vidèr l Consei l’é l nef president Giovanni Battaiola, hotelier de la Val de Sol, stat president de l’Asat de Trent. La nomina, proponeta dal president de la Provinzia de Trent Maurizio Fugatti, é stata formalisèda apontin endèna l’ultima radunanza di sozi. Apede a Maccagni l’é etres trei conseieres: Ilaria Dalle Nogare, Luciano Rizzi e l’aministrador unich Maurizio Rossini. Con chesta nomines ge é stat dat atuazion a chel che perveit la reforma del turism aproèda da la Jonta del 2020 con l’obietif de garantir na maor raprejentatività te la sozietà chiamèda a elaborèr la strategìes de la promozion turistica e teritorièla trentina.

Maccagni: »Fascia zacan à sia raprejentanza«

La nomina de Elisa Maccagni tel nef Consei de Aministrazion de Trentino Marketing l’é n segn de atenzion envers Fascia.

Con la reforma del turism l’assessor Failoni à volù ge dèr maor raprejentatività a dut l setor – à dit Elisa Maccagni - e donca apede a l’aministrador enciarià Maurizio Rossini, che l’era ence inant, l’à volù slarièr l Consei olache l’é ite na componenta di hoteliers, de l’Apt e gé che raprejente i impianc portamont e Fascia. Sion al zenter de n moment particolèr per l turism soraldut con chesta reforma; l’ultima lege la era del 2002, l’é passà 20 egn e se sà che tel chèder del turism dut muda n muie en prescia, l’era donca de besegn de ge dèr nef sbunf al sistem de endrez teritorièl. Apede al ruol de Trentino Marketing e chel de le Apt, che les à abù en pèrt ence vèlch mudament per chel che vèrda la competenzes, aon na neva componenta che l’é chela de le Agenzie teritorièles, le ATA. Chesta agenzies les jirà en funzion anter aost e setember e donca se troon te n moment de gran ferment e de definizion de la neves strategies turistiches per l davegnir del Trentin e no demò de noscia val.

De più su La Usc stampèda de en vender ai 7 de mé del 2021.


 (Monica Cigolla)