La Usc di Ladins

L fascian Adriano Winterle, sonador de la Musega de Poza, é stat confermà per l secondo mandat raprejentant per Fascia e Fiem te la Federazion de la Bandes de la Provinzia de Trent. En sabeda ai 12 de oril al Auditorium de la Cèvena La-Vis e Val de Cembra se à tegnù la radunanza ordenèra de la Federazion, moment emportant per l’aproazion del bilanz ma ence per la nomina del Consei diretif. A chest apuntament Winterle à domanà che duc tole pèrt con sia mondura de la Banda desche segn de identità e de partegnuda a sie grop, museghes che fèsc pèrt dutes ensema de la Federazion, e coscita la sala se à empienì de colores e de viveza.
La presidenta Cristina Moser à prejentà l bilanz del 2024; ela no se à più metù a la leta per rejons personèles e a sie post duc a una i à nominà Adriano Fedrizzi de la Banda da Caldonaz che dant l era vizepresident.

Se pel lejer dut su La Usc nr 16 dai 2 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)