La Usc di Ladins

Oramai ól ester la hala dl tennis da Corvara, por ti pité lerch ai tröc sozi che tol pert ala sentada generala dla Cassa Raiffeisen Val Badia. Bëgn 635 (plü döes deleghes) án podü nen saludé ince en jöbia ai 24 de aurí da sëra. Nia ma chësc n’ê n record, mo ince le resultat economich che an á podü presenté. Indere: un di azënc prinzipai dla serada â plü da fá cun porsones co cun zifres, deache la Cassa s’arjigna a na müda sostanziala: le diretur Hubert Obwegs vá en ponsiun y al vëgn le diretur nü Mirco Daurù.
Al é sté le presidënt Georg Mutsch­ lechner che á rengrazié Hubert Obwegs a inom dl Consëi d’amini­straziun y dl Consëi de control, alzan fora süa profescionalité y dediziun desmostrada te sü 16 agn de direziun. La »laudatio« é spo gnüda tignida dal diretur dla Fede­raziun Raiffeisen de Südtirol Robert Zampieri. Sëgn che süa inciaria vá a piz, á le Consëi d’aministraziun cernü sciöche diretur nü Mirco Daurù de Sureghes/Urtijëi, ann 1973, che pó bele ciaré zoruch a 30 agn de esperiënza bancara.

Deplü sön la sentada generala podëise lí t’La Usc di 2 de ma











 (pablo)