La Usc di Ladins

L Cor di Jëuni Gherdëina à fat pea pra la cuarta edizion dl cuncors nternaziunel di cores »Vox Lucensis« dai 12 ai 16 de auril a Lucca. Chësc festival de cin’ dis, urganisà dala lia zënza fin de davani Interkultur, ova coche fin, chël de ti dé la puscibltà ai cores de duc i paejes de se ancunté, de cianté deberieda y de se giamië ora ideies. L Cor di Jëuni Gherdëina à arjont n resultat ezelënt: la 47 ciantarines y ciantarins de Gherdëina à giapà 25,38 ponc, che curespuend a n diplom d’or a livel 5. 

»N resultat scialdi bon, on udù che pudon tenì pea cun i miëu­res, che à ala fin dla finedes arjont mé un n pont plu che nëus«, à dit l presidënt dl Cor Ivan Kostner.

Nathalie Stuffer

L articul tla edizion atuela de La Usc di Ladins.