La Usc di Ladins

Melodies, musiga y amizizia fora por l’isté
La Musiga di Jogn Val Badia sonará ince chësc ann. Les iscriziuns vëgn tutes sö da atira, cina ai 15 de ma
Ince en chësc ann se abina indô la Musiga di Jogn Val Badia a livel de valada. Inviá a tó pert al proiet é düc i mituns y dötes les mitans di paisc dla Val Badia, che stlüj jö cun l’ann de scora 2024/2025 le 2. ann d’insegnamënt de n stromënt a fle o dles percusciuns.
I musiconc jogn y les musicontes jones á la poscibilité da soné adöm a n grup de compagns y compagnes che partësc la pasciun por la musiga, da imparé cosses de basa che reverda le soné y da contribuí individualmënter cun ligrëza, motivaziun y impëgn al bel garaté de n toch musical.
Le proiet mët man cun n Workshop da soné de dui dis, che vëgn tigní ai 30 de jügn y al 1. de messé 2025 tla scora elementara d’Al Plan. Fora por l’isté vá spo inant les proes tl local dla Musiga da San Martin, dagnora dales 18:30 ales 19:30.
L’organisaziun de chësc proiet se damana sambëgn ince tröpes spëises; insciö vëgnel damané do n contribut de 80,00 € a ce.
Les iscriziuns vëgn fates online sot al link https://form.jotform.com/250613163287354 y é davertes cina ai 15 de ma. Sot al link cia­fëise ince informaziuns ciamó plü avisa sura le proiet.
I y les verdajogn dles musighes dla Val Badia se la conforta da podëi saludé tröc musiconc jogn y tröpes musicontes jones cun gran ligrëza y tröpa motivaziun da soné!

»No – na resposta da orëi bun«
Le Consëi de formaziun Badia inviëia al referat »Nein – eine liebevolle Antwort«, ai 7 de ma a Badia
Tan saurí o rî él pa por os da mëte sö limic por üsc mituns? Ciodí é pa le »no« na resposta da orëi bun? Ci fossel pa da fá sce le möt reagësc cun sënn y frustraziun? Ince i mituns á limic.
Sön chësta tematica él le Consëi de formaziun Badia che mët a jí le referat »Nein – eine liebevolle Antwort«, cun la referënta Doris Lomi Kaserer Tho­maser. L’apuntamënt é por en mercui ai 7 de ma dales 19:30, tla Ciasa J. B. Runcher a Badia.

Curs de grundé
La lia La Vëta nvieia a n curs sun co dé ju la prima man cun l moster Gustaf Moroder, n sada ai 10 y 17 de mei, for dala 8:00 - 12:00
L ti unirà dat na udleda y purvà ora chëst’ert antica, che mé plu puec te Gherdëina sà mo da adurvé.
L curs sarà tla berstot de La Vëta sa Doss a Urtijëi. Per iscrizion y nfurmazions pòssen scrì a lialaveta@gmail.com o cherdé su 339 1658705.

Mostra de Willy Verginer a Bulsan
La

• 
•  

View the embedded image gallery online at:
https://www.lausc.it/manifestazions-y-evenc/29428-manifestazions-atuales-speziales#sigProId17f557b64f

mostra persunela dl artist de Urtijëi unirà giaurida n juebia ai 8 de mei dala 19:00 tla galaria SKB Artes dl Südtiroler Künstlerbund a Bulsan
Sot al titul »Growtesk« prejënta Willy Verginer lëures fac ti ultims diesc ani. Poejies y ududes critiches se anconta te chësta mostra partida su te cin’selfs. Cun »Growtesk«, coche scrij la cura­dëura Lisa Trockner, iel da udëi n mond dut sotsëura, ulache cëses ie drusedes, afes bala sun mëisa y mutons dorm sun rames.
Na poejia dl muda­mënt, che cun­turbea, descëida su, tira pea.
La giaurida dla mostra sarà n juebia ai 8 de mei dala 19:00 tla galaria SKB Artes dl Südtiroler Künstlerbund a Bulsan (streda Weggenstein 12A). Daldò resteràla da udëi nchin ai 5 de lugio, dal merdi al vënderdi dala 11:00 – 17:00 y de sada dala 11:00 -14:00.

I »Korrnliadr« a La Val
En sabeda ai 3 de ma dales 16:30 él tla majun de Costa a La Val n domisdé de storia y musiga sön i Corneri
Dal 18ejim secul incá cina i pröms agn do la Secunda Vera, rodâ fora por la Val Venosta y ti raiuns dlungia n grup de porsones a chëres che an ti dijô i Korrnr – por ladin Corneri. Ai â na gran meseria y döt ci che ai â, â lerch te n gratun. Dî alalungia ési gnüs descreditá y stlüc fora dala sozieté, prësc desmentiá. Süa storia vir inant te poesies tl dialet dla Val Venosta, spo metüdes en musiga. Ernst Thoma, Martha Rauner y Hannes Ortler röia ai 3 de ma tla majun de Costa a La Val por les lascé ringhiní. Chi che é coriusc da i ascuté sö, é dër bel inviá en sabeda ai 3 de ma dales 16:30 tla majun de Costa a La Val. La jënt é periada da se mëte adöm deplü y gní adalerch cun püc auti. Al é la poscibilité da rové adalerch ince a pe gnon da Ciampëi/La Val, da Pastrogn/La Val o da Preroman/San Martin.

»Daurida y novités« tl Museum Ladin
Le Museum Ladin deura la sajun cun döes seziuns nöies, n jüch y n audio–acompagnadú nüs. Ai 10 de ma la festa de presentaziun
Cun le 01.05. á le Museum Ladin indô daurí les portes. Por festejé la daurida y por presenté les novités de chësc ann inviunse ala manife­staziun »Daurida y novités«, en sabeda ai 10 de ma dales 11:00, tl Museum Ladin Ciastel de Tor.
Al gnará presenté döes seziun nöies sön ert y musiga tla mostra permanënta dl MusLa Ciastel de Tor, n jüch detectif »Le iuvel de Fanes« por scores y fa­milies fora por le ciastel y le audio – acompagnadú por pici y gragn »Dola­sila nes cunta la storia dla jënt ladina«. Do la pre­sentaziun dles novités inviunse a vijité le museum y a sté adöm en compagnia pro n buffet cun DJ set.

Le mudamënt dl clima e chiló! Ci fa?
Chësc é le titul de n referat cun le climatologh Georg Kaser, ai 13 de ma tl Museum Ladin
Le Museum Ladin inviëia al referat »Le mudamënt dl clima e chiló! Ci fa?« de Georg Kaser, en mertesc ai 13 de ma dales 18:00, tl Museum Ladin Ciastel de Tor. Le referat analisëia sciöche le mu­damënt climatich se lascia bele incö sintí – dal aumënt dla temperatöra y dales condiziuns meteorologiches estre­mes cina ales conseguënzes pesoces por la natöra y la sozieté.
Söla basa de dac atuai y söi resultac de sües inrescides, mostrel sö ci svilups che nes aspetará y co che i messarun afronté les desfides tl dagní. Le referat vëgn tigní por todësch.

»La Spona« deura les portes
De dla porta daverta dl zënter sozial »La Spona«, en vëndres ai 9 de ma
Döta la jënt é dër bel inviada al de dla porta daverta tl zënter sozial »La Spona« a Pidrô, en vëndres ai 9 de ma dales 8:00 ales 11:30.
Al sará la poscibilité da odëi da daimpró la stro­töra y cuché iadô les col­trines sön i laurs y les ati­­vités che vëgn desfi­rades de por de.

A cëna cun i leri
Na cëna cun n teater criminal, en sabeda ai 17 de ma a Corvara
Le Consëi de formaziun dl Comun de Corvara mët a jí en sabeda ai 17 de ma dales 19:00, tl salf dles manifesta­ziuns a Corvara, na cëna cun n teater cri­minal.
Chiló é le publich invié da stomé che che é le tra­ditur tla storia, che sará da odëi tratan cëna sön paladina. Al jobelnëia Lucia Cirella, Marco Mo­scon, Sabine Ru­diferia, Tobias Stampfer y Susann Tavella. La rejia é de Erika Castlunger.
Por informa­ziuns y pre­notaziuns él da cherdé sö Sonia al nr. 349 1588485.