La Usc di Ladins

Dotours
Dutor Gherdëina
L dutor de servisc da n sada ai 03.05.. dala 08:00 daduman nchin la 08:00 daduman de n lunesc ai 05.05. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Trebin­ger 10, tel. 366 3646 254.
Doturs Val Badia
La doturia en sorvisc ti cin’ comuns dla Val Badia, tla fin dl’edema di 3 y 4 de ma, é la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 02.05. nchin n vënderdi ai 09.05. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 2 de ma dales 19:00 al vëndres ai 9 de ma ales 19:00, é chëra da La Ila, tel. 0471 847152.

Iadi y Jites
Atualmënter
Iscrizions: viac de doi dis tl Lechtal
La grupa KVW de S.Cristina mët a jì ai 23 y 24 de mei 2025 n blòt viac de doi dis tl Lechtal tl Tirol. L vën durmì a Elbi­genalp. De reviers pàssen a Lech y Zürs. Nteressei possa se nuté su pra Emmerich Se­noner al numer 335 57 13 575.
21.04.
Jita da Laion ora
La Lia Uciei Gherdëina mët a jì n lunesc ai 21 de auril na jita da Laion ora cun esperc dla lia. N se anconta dala 07:15 tla streda Stazion a Urtijëi, da ulache n furnerà cun auti privac nchin dan l «Hubertus», da ulache n jirà inant a pe. Da tò pea iel na rola y ciauzei adatei.
Atualmënter
Iscrizions per jita Culturela
L Museum Gherdëina mët a jì na jita culturela a La Pli de Fodom, per vijité l »Mujeo Ladin« y l museum zivich a Sëlva de Ciadura. L vën pià via da Plaza S. Anone a Urtijëi dala 8:00 y n furnerà de reviers dala 17:00. Priesc: 60 € per cumëmbri, 70 € per nia cumëmbri. Iscrizions nchin ai 9 de mei: 0471 797554, info@museumgherdeina.it.

Avisc
Atualmënter
Iscrizions:

• 
•  

View the embedded image gallery online at:
https://www.lausc.it/manifestazions-y-evenc/29427-manifestazions-atuales#sigProId436bd39720

purvé l sport dl Volley
L Volley Gherdëina mët a jì n pitl curs de trëi dis per purvé l sport dl volley, plu avisa ai 23.05., 30.05 y 05.06 dala 16:00–17:30 tla palestra dl’ITE a Urtijëi. La iscrizions vën tëutes su da Sarah: 333 1666922.
Atualmenter
Neves oraries biblio Majon di Fascegn
Col prum de oril l é jit en doura i neves oraries de la biblioteca de la Majon di Fascegn che sarà averta de mèrtesc da les 9:00 a les 12:00 e da les 14:00 a les 16:30, de mercol demò da les 14:00 a les 16:30, i etres dis, fora che l vender, su apuntament. I archivies se pel i consultèr demò su apuntament de lunesc e de jebia da les 8:00 a les 18:00.
1-3.05.
Sègra de Cianacei
Dal prum ai 3 de mé te zenter storich de Cianacei l é la sègra de Sèn Florian. Te tendon musega con magnèr e jeghes per bec. En sabeda ai 3 da les 10:30 messa grana apede gejia, da les 11:30 conzert de la Musega Auta Fascia, da les 12:30 marena, domesdì ejibi­zion di gropes e dapò musega fin scur con I Pazedins.
05.05.
»Nomina nuda tenemus«
Tel chèder de l’Aisciuda Ladina en lunesc ai 5 de mé da les 20:30 l Istitut Cultural Ladin de Fascia endreza te sia senta a Sèn Jan na scon­trèda en colaborazion con Kreides Studiolo e Aurona Ores per portèr dant travers la creida inomes de lesc ladins, stories, sensazions e pascions veiores.
05.05.
Lia di Filatelisć – ancuntedes
La Lia di Filatelisć, Numisma­tics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cristina, per s’la ciaculé y fé vel’ barat. La proscima ancunteda sarà ai 5 de mei.
05. y 13.05.
La Ila: Infopoint informatica
Le Consëi de formaziun Badia mët a jí le »Infopoint informa­tica«, che s’oj a düc chi che adora n sostëgn cun computer y fonin. Referënta é Madda­lena Valentini, pedagoga di media. An s’incunta te biblio­teca da La Ila, ai 5 y ai 13 de ma dales 15:00 ales 17:00. Al é da se prenoté al 347 6880248.
06. y 08.05.
»Diggy-Treff« ancuntedes digiteles
Ëis’a dumandes n con’ de vosc computer, de programs o per la nstalazion de na software? Tulëde pea vosc fonin, tablet o laptop y unide te biblioteca San Durich a Urtijëi. N merdi ai 6 de mei dala 9:00–12:00 y n juebia ai 8 de mei dala 15:00 ala 18:00 sarà l espert Werner Messner iló a ve judé. L servisc ie debant y n ne n’à nia drë’ de se lascé nuté su.
07.05.
»Inomes de mia tera«
En mercol ai 7 de mé da les 20:30 tel chèder de l’Aisciuda Ladina, te sala del Consei de Comun de Poza vegn endrezà na scontrèda culturèla su la toponomastica de Fascia e vegn prejentà la raides che l Comun General de Fascia endrezarà dai 17 ai 31 de mé.
08.05.
Comedia de La Mizacoles
En jebia ai 8 de mé da les 20:30 al PalaDolomites de Ciampestrin l grop de teater La Mizacoles verc la sègra con la comedia dal titol ‘Piata falèda, noza endrezèda’.
8-11-05.
Sègra de Ciampedel
Dai 8 ai 11 de mé i Schuh­plattler da Ciampedel endreza la sègra per festejèr si 45 egn de atività. En domenia ai 11 da les 9:30 messa grana, do defilèda fin te piaz, aperitif con la Musega Auta Fascia. Da les 14:30 ejibizion di gro­pes Schuhplattler e di Schuh­plattler de Ciampedel, dapò musega con I Pazedins fin tèrt.
10.05.
De dl ambiënt tl’Alta Badia
La sabeda ai 10 de ma vëgnel tigní ti comuns dl’Alta Badia le »De dl ambiënt«. An s’in­cunta dales 9:00 dan la sënta di stödafüch de vigni paisc. Pici y gragn é inviá a tó pert y dé n contribut a nosta tera. Te vigni comun él preodü na marëna por düc i partezipanc.
10.05.
»De dal ambiont« te Mareo
En sabeda ai 10 de ma él ti paisc dl comun de Mareo le »De dal ambiont«. An s’incunta dales 9:00 da doman pro le paiun dla musiga de vigni paisc. Dales 12:30 griliada por düc chi che á daidé, pro paiun a Al Plan. Al é da se tó do manëces y/o pinzes. I sac dal ciomënt vëgn metüs a desposiziun. Sce al ess da ester bur’ tëmp, vëgn le de sposté. An ciafará infos sön la plata dl Comun.
10.05.
Sëlva: Rumé su l luech
L Chemun de Sëlva nvieia nce chëst ann a fé pea pra l di ecologich n sada, ai 10 de mei 2025. N se anconta te Sëlva, dan la Cësa de Cultura »Oswald von Wolkenstein«, dala 8:00 daduman. Tlo uniràl partì ora a duc chëi che vën a fé pea sac, manëces y massa­ria, dan che n pierà ora per l luech a tlupé su l refudam lascià ncantëur. Daldò jiràn pona deberieda a marënda.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
Uni vënderdi
Café dla rujenedes: spanuel
Ntan l Café dla rujenedes tla biblioteca de San Durich a Urtijëi uniràl rujenà spanuel uni vënderdi dl mëns, ai 2, 9, 23 y 30 de mei, for dala 09:30. Na cunescënza de basa dla rujenevda ie bënududa.

Cursc
09.05.
Fit tl cë cun juesc y devertimënt
L KVW S. Cristina nvieia ëi y ëiles sëura i 60 ani a chësta ancuntedes per mantenì na bona riazion, memoria y cun­zentrazion, cun la refe­rënta Isolde Senoner. La ancuntedes sarà for de vënderdi, ai 9, 16, 23 y 30 de mei tl Self Raiffei­sen a S. Cristina, dala 09:30 nchin la 10:30
08.05.
Calfosch: Curs de pröm aiüt pro pici mituns
Le Consëi de formaziun da Corvara mët a jí n curs de pröm aiüt pro pici mituns, cun la Crusc Blancia. Al vëgn tigní en jöbia ai 8 de ma dales 17:00 ales 21:00, tla biblioteca a Calfosch. Prenotaziuns al 347 8811764 o al 346 7915927. Max. 12 partezipanc. Cost: picera spënora.
13.05.
San Martin: Emergënzes tl caje de pici mituns
Le Consëi de formaziun da San Martin mët a jí n curs de pröm aiüt por emergënzes tl caje de pici mituns. Le curs é en mertesc ai 13 de ma dales 18:00 ales 22:00, tl salf dl Istitut Ladin a San Martin. Re­ferënc é Sabine Falk y An­dré Miribung. Infos y iscri­ziuns tres mail a cf.sanmartin detor@gmail.com

Teater
08.05.
»Unerhört! Sex im Alter - ein Tabù«
L pez de teater dla Grupa Teater Seniores »Überholspur«, unirà purtà dant tla rujeneda tudëscia n juebia ai 8 de mei dala 20:30 tl Self de Chemun a S. Cristina.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
06.05.
Deboriada – cumpani de ciota
Dales 20:50 ca. L cian possa vester de cumpanìa o avëi na funzion spezifica tla cunlaura­zion cun la persona, p.e. can­che l se trata de jì a crì zachei o canche i iagri va a ciacia. Storicamënter definì l miëur cumpani dla persona, iel n ejëmpl viv de empatia y ie bon de capì si patrona, zënza debujën de gran paroles. Test y cunzet de Ivan Senoner, regia de Georg Penn, a cura de Leo Senoner.
07.05.
»Cincanta«  La corona dl mëis de mà – oraziun te na capela a La Val
Dales 20:50 ca. N film de Paolo Vinati, a cura de Ales­sandro Dapunt.
08.05.
Nosta scola
Dales 20:50 ca. Program de Lena Mulser, camera y tai de Hans Peter Karbon, a cura de Alessandro Dapunt.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
02.05.
Canche n se zera l tendin d’Achille
Dales 19:05-19:30. L tendin d’Achille ie l nierf plu sterch dl corp dla persona, ma purempò suzedel datrai, che l se nflama o l se zera. Ciunes ie pa rejons y ciuni che ie pona i vares da fé per l varì defin? A chësta dumandes y mo truep d’autres respuend l dutor Alois Ernst Demetz de Sulé, che ie dutor de ortopedia y trau­matologia cun spezialisazion te protetica. Trasmiscion de Alex Runggaldier.
03.05.
Le Giro d’Italia
Dales 19:05-19:30. Tratan les prömes trëi edemes de ma vëgnel organisé vigni ann le »Giro d’Italia«. Le percurs dla gara, che passa fora por na gran pert de nosc stivá, müda da ann a ann (l’ann passé êl rové ince te nostes vala­des ladines). Tratan la tras­misciun podarëise ascuté sö deplü informaziuns sön les origines de chësta compe­tiziun y ince sön sportifs y sportives desvalis che á segné la storia dl Giro. Program de Iris Del Valle.
07.05.
Les aventöres de Milia (6): Milia esploradëssa dla jungla
Dales 19:05-19:30. Les döes compagnes, Milia y la gran vidundera, mëss traversé n ultim post por rové finalmënter tl raiun olache les vidunderes passa l’invern: la jungla dl Con­go. Saráres mo bones? Pro­gram de Iris Del Valle.
08.05.
I jenis dla storia: Clara Schumann
Dales 19:05-19:30. Deboriada cun l’insegnanta, ambascia­dëssa culturala y artista mu­sicala Susy Rottonara, orunse descurí te chësc program la vita de na musizista y compo­situria demorvëia: Clara Schumann. N program de Sara Frenner.
Informaziuns plü menüdes sön i programs radio y televi­jion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Mostres y Ert
Atualmënter
Mostra »Bello Mondo«
L Circolo–Lia Mostra d’Ert nvieia a unì a ti cialé ala mo­stra »Bello Mondo« de Laura Pan, che sarà da udëi nchin ai 10 de mei, merdi – vënderdi: 16:00-19:00, sada y dumënia: 10:00-12:00 y 16:00-19:00. De lunesc iel stlut. La finissage sarà ai 9 de mei dala 18:00.
Atualmënter
Mostra: L mond di mandala
Tl Café Surëdl a Urtijëi iel metù ora na mostra de Erika Senoner, che jirà inant nchin ai 13 de juni, dal lunesc nchin al vënderdi, 09:00–19:00.
Atualmënter
Ziclus–ert cun la natura
Per «Kunst im Gang[e]» à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Südti­rol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 455 62 36.

Referac
08.05.
Resté sagns canche an vëgn plü vedli
La Portina por l’Assistënza y Cura dl Raiun Sozio–Sanitar Val Badia organisëia ai 8 de ma dales 15:00, tla Ciasa dl Raiun Soziosanitar a Picolin, le referat »Resté sagns intun canche i gnun plü vedli – co afronté les dificoltés cun le mangé«. Tl referat vëgnel baié di cambiamënc canche i gnun plü vedli, co che chësc influen­zëia l’alimentaziun y co ch’ara vá impó da curí le bojëgn de sostanzes nudritives.
12.05.
Nüsc mituns – sigüsc tl internet
La Uniun Ëres Lungiarü mët a jí le referat »Unsere Kinder – Sicher im Internet«, cun Anita Pfattner, en lönesc ai 12 de ma dales 20:00, tl salf »Giovanni Costa« a Lungiarü. Danterater gnarál baié de tematiches incër l’adoranza dl smartphone, gaming, social media, cybermobbing, segurté te internet, handy por mituns ez. Sambëgn podarán spo ince fá domandes.

Mujiga
03.05.
Cianton deberieda – cianties populeres cun Willi Runggaldier
L KVW de Sëlva nvieia chi che à legrëza a cianté n cumpa­nìa a fé pea pra chësta manife­stazion, n sada ai 3 de mei dala 15:00 tla stua di seniores y te de plu ustaries dl luech. La manifestazion ie debant y l ne n’ie nia debujën de se lascé nuté su.
09.05.
Sëira de bal Fox
La Grupa Bal Populer Sëlva y S. Cristina mët a jì na sëira de balé Fox tla sala dla Cassa Raiffeisen S. Cristina, n vën­derdi ai 9 de mei dala 20:30–22:00.
10.05.
Conzert d’aisciöda a La Val
La Musiga da La Val inviëia bel a so conzert d’aisciöda, en sabeda ai 10 de ma dales 20:30, te palestra a La Val.

Sozial
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 8 de ma. Al vëgn dé fora da mangé a dötes les porsones dla Val Badia che á debojëgn.
Atualmenter
»Curaensema«, n percors per caregivers
L Servije Sozio-assistenzièl Spazio Argento del Comun General de Fascia endreza n percors per didèr chi che rencura jent de età te familia. L é debant e avert a duc, l vegn prejentà en lunesc ai 5 de mé da les 17:00 te senta del Comun General de Fascia. La scontrèdes sarà dai 12 de mé ai 4 de jugn, ge vel se enscinuèr dant dai 7 de mé.
Atualmenter
Controi sanitères coi Lions Club
L Lions Club Fiem e Fascia endreza vijites ai eies e control del zucher per jent che à besegn. N meso con èrc e n dotor spezialisà sarà ai 13 de mé a Moena te Navalge, ai 14 a Sèn Jan ló dal Comun General e ai 15 a Cianacei te Piaz de Comun con orarie 9:00-13:00 e 14:00-17:30.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.

Temp Lede
02.05.
Storia de 15 menuc
Tla biblioteca de San Durich a Urtijëi liejerà Claudia ora de si liber nuef per mutons, ncuei, vënderdi ai 2 de auril dala 15:00.