La Usc di Ladins

L’à inom »Projet de sistem per la valorisazion di troes de Fascia« la cordanza de colaborazion aproèda ai prumes de messèl e l’é l frut de n lurier che vegn portà inant da meisc anter la istituzions fascènes, en particolèr per l Comun General de Fascia dal conseier de procura Giorgio Dorich e per l’Azienda de Promozion Turistica dai responsaboi de l’area de prodot.

Se trata de n projet metù a jir per chierir de fèr sinergia e durèr miec che l’é meso la ressorses del Comun general de Fascia, di Comuns e de la Frazions, per arsegurèr na manutenzion percacenta di troes de Fascia e coordenèr l’ativitèdes metudes en esser con etres sogec, desche la Sozietà di Alpinisć Tridentins e l’Azienda per l Turism de Fascia per fèr doventèr i vièi n prodot turistich.

De più sun motivazions, obietives e tempes de chest projet é da poder lejer su La Usc stampèda de vender ai 23 de messèl.  (Lucia Gross)