La Usc di Ladins

E se endèna che t’es do a fèr da mat o a smanetèr col fonin, l tablet o la play station, tant conzentrà da no te n ascorjer nience de dut chel che sozet entorn a ti, de colp… paf!... l aparat desvanissa e te restasses a man vetes?

L é chel che ge sozet a desvalives joegn fascegn tel video »Jump out of the web – Vael Dance movie«.

Chest video, realisà te tempes curc chest uton col didament tecnich de Samuele Brigadoi e de Tiziano Depaul col drone, à tout ispirazion da Joséphine, chela picola femena de na cognosciuda serie tv che desche n agnol vardian la é bona de entervegnir canche l é n problem e l ressolver con ferstont e... n schioch de deic, desche per miracol. 

L é stat prejentà da Mattia Valentini en vender ai 12 de november, te la sala del Cotura Café piena de joegn, olache l é stat metù dant ence l percors e l valor de dut l projet portà inant da inout per proèr a scombater ensema con la families l problem de la dependenza dai strumenc digitai, cresciuda amò de più te anter i joenec endèna l lockdown.

De più su La Usc stampèda de vender ai 19 de november.  (Lucia Gross)