La Usc di Ladins

Ai 30 de setëmber àn cherdà aiut ta Iënder via n Sureghes, ulache un dala roda fova tumà y se ova fat n gran tai. Do la prima cures l àn menà a Puntives, ulache l ie unì sëu­randat a n’ambulanza che l à menà a Persenon te spedel.
Ai 1. de utober à la zentrela dl 112 damandà do n dutor a Urtijëi per n’ëila che fova tumeda sun streda cun la roda. La fova mo furneda da sëula a cësa, ma ova n gran mel al piet y al vënter y n se temova perchël che la ëssa vel’organ tichenà. Cun l auto àn menà l dutor pra la pazienta per ti fé la prima cures. Daldò àla pudù furné cun l’ambulanza nchin a Puntives y da iló demez cun l joler nchin a Bulsan te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper