La Usc di Ladins

"Dolomia": chësc é l’inom dla uniun di grups alpinistics dles Dolomites, tan co chi grups de apascioná dla munt, che la vir y che proa da la trasmëte te süa manira plü autentica da ti jí pormez: cun morvëia, cun sensibilité, cun respet. Pro chisc grups toca i "Catores" de Gherdëna, i "Scoiattoli" da Cortina, i "Ciamorces" de Fascia, i "Rondi" dal Comelich, i "Caprioli" da San Vito, i "Gir" da Egort, i "Ragni" da La Pli de Ciadura, i "Tupaie" da Laste, les "Aquile" da San Martino di Castrozza, i "Sfulmen" da Molveno, sciöche ince i "Croderes" dala Val Badia. Chël di "Croderes" é n grup dolarata jonn che cumpëda na desëna de apascioná. Al é nasciü l’ann 2003 y fej pert dl grup "Dolomia" da cin’ agn incá. En chësc ann á i Croderes surantut da organisé la incuntada anuala di grups alpinistics, che é gnüda a s’al dé la sabeda ai 26 de setëmber. Al ê la 19ejima ediziun, mo la pröma che é gnüda tignida tla Val Badia. Ara s’á desfiré a Corvara, tl raiun dl Valun y incëria.

Deplü podëise lí t’La Usc di Ladins di 9 de otober  (pablo)