La Usc di Ladins

I é de 25 e i se troa ogne chinesc dis per fèr ejercitazions te l’èga. L é i Studafech del Distret de Fascia che fèsc pèrt del grop de socors fluvial che da chest’aisciuda passèda i à ciapà ite a fèr n arcedament mirà a se miorèr semper de più te la prateghes del socors te l’èga. »Sion ponté via con n grop de volontadives demò da Soraga – ne à dit l Ispetor Alessandro Pellegrin – olache en dotazion del corp aon ence la barca e l gomon per far chesta sort de intervenc. Col temp aon vedù che se sion de più se pel arsegurar semper la prejenza e coscita l grop se à avert e aon tirà ite studafech da duta la val. L vegn vidà da cater responsaboi: Luca Testor, Marco Pescol, Stefano Pederiva e Alberto Zanoni, son ite ence gio che desche Ispetor posse autorisar le proe sorafora a chele che fasc ogne corp.

Se pel lejer dut, su La Usc nr 34 dai 5 de setember, olache l é ence n muie de retrac. L sfoi l é ence te la boteighes de sfoes, sul sit www.lausc.it se per fèr l abonament al e-paper per ciapèr vigni vender l pdf a cèsa.


 (Monica Cigolla)