La Usc di Ladins

Dotours
Dutor Gherdëina
L dutor de servisc da n sada ai 06.09. dala 08:00 daduman nchin la 08:00 daduman de n lunesc ai 08.09. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Le dotur en sorvisc ti cin’ comuns dla Val Badia, tla fin dl’edema di 6 y 7 de setëmber, é la doturia Jasmine Gabrieli, La Ila, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 05.09. nchin n vënderdi ai 12.09. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 5 de setëmber dales 19:00 al vëndres ai 12 de setëmber ales 19:00, é chëra d’Al Plan, tel. 0474 501240.

Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Stra­da di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’in­cunta vigni mertesc dales 20:00, tla Ciasa di Stüdafüch a La Ila altaite. Les porsones de refe­rimënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 11 de setëm­ber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
06.09.
L poter sozièl contra l Parkinson
La Sociazion Parkinson Trent, con la colaborazion de Rencu­reme de Fascia e Fiem, en­dreza na lingia de scontrèdes sul ‘Parkinson in ascolto’: a Moena, te sala Simon Maza de la scoles, en sabeda ai 6 de setember da les 10:00 a les 12:00 con la dr.a Sonia Pru­ner, sul benesser sozièl.
12.09.
Deberieda – jita sal Kaserhof sëura Bulsan
N se anconta n vënderdi ai 12 de setëmber dala 13:30 dan la Cësa de Paussa a Urtijëi per fé na bela jita n cumpanìa cun i cumpanies de de Bulsan »Lo spaziosissimo«. »Debe­rieda« ie na grupa che mët a jì ancuntedes danter ulenteres y persones che à problems psichics o de sozialisazion.

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.

Mostres y Ert
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmënter
Mostra n cunlaurazion cun l’ Accademia di Belle Arti de Unieja
La mostra tl Museum zivich de Tluses jirà inant nchin ai 30.10., dal merdi nchin sada, 09:30 - 10:00 y 15:30 - 18:00. Dumënia y lunesc stlut.
Atualmënter
Mostra Idea UNIKA 2025
Nchin a mez setëmber iel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva.
Atualmënter
»NATURAL-MENTE« – mostra coletiva
La mostra tl Tublà da Nives re­sterà da udëi nchin ai 7 de se­tëmber, uni di ora che l lunesc, dala 16.00 nchin la 19.00 y de merdi, mierculdi y vënderdi nce dala 20:00–22:00.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes contra­des y la manira da tigní tiers.
Atualmënter
Elisa Rungger tl Ciastel de Tor
Cina ai 27 de setëmber él da odëi tl MusLa Ciastel de Tor a San Martin la mostra »Dan­ter­ite« de Elisa Rungger da Rina. La cerna di laurs metüs fora tol ite operes fora de n spectrum de deplü agn. Insciö pîta la mostra sides elemënc retrospetifs, che na vijiun söles operes da sëgn, sciöche ince na odlada tl svilup arti­stich dl dagní.
Atualmenter
Mostra de Claus Soraperra
Fin a domenia ai 7 de setem­ber se pel veder la mostra Ute­res/0.2 de Claus Soraperra al Spazie Civich Albano Toma­selli de Castel Ivano de Strigno da les 17:00 a les 21:00.

Cursc
12.09.
Domisdé de Kneipp a San Martin
Le Consëi de formaziun da San Martin inviëia a n do­misdé de Kneipp, en vëndres ai 12 de setëmber dales 14:00 ales 17:00, pro le percurs Kneipp dlungia Ciasa de palsa a San Martin. Le pice curs vëgn tigní dal’esperta de Kneipp Waltraud Auer y é por todësch. Informaziuns y iscriziuns anter i 5 de setëmber pro Monica Trebo al 334 822 8799.

Avisc
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Pater­nsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
Atualmenter
Giramuseo al Museo Ladin
Per dut istà vigni lunesc con scomenz da les 10:00 l staff del Museo Ladin de Fascia endreza Giramuseo, na raida a descorir la esposizions per duta la familia.
07.09.
Recorc de la Vera con Gabriele Valentini
En domenia ai 7 de setember da les 21:00 te piaz Marconi a Cianacei Gabriele Valentini Mambo moscia retrac e porta dant informazions su la Gran Vera te Fascia. Se l é catitemp te sala de Consei.
11.09.
Scontrèda su Franz Dantone Pascalin
En jebia ai 11 de setember da les 21:00 te sala Rovisi a Moena scontrèda con Davide Baldrati e Lorenzo Dezulian che conta del patrimonie fotografich del prum fotograf e pionier del turism de la Dolo­mites.
12-14.09.
Gran Festa da d’Istà a Cianacei
Da vender ai 12 fin a domenia ai 14 de setember a Cianacei l é la Gran Festa da d’Istà. En vender e sabeda l tendon aur da les 19:00 con DJ Dany. Ai 12 da les 20:00 musega col grop ‘PartyMafia’, ai 13 da les 20:00 musega col grop ‘Der Grenzgängersound’. Do­menia ai 14 da les 15:00 def­ilèda di gropes folk.
24.09.
Festa dla classa dl 1950 dla Val Badia
La classa 50 dla Val Badia organisëia na picia festa, por rengrazié y festejé la bela eté de 75 agn. An s’incunta en mercui ai 24 de setëmber dales 15:00 a La Pli. Por in­formaziuns y prenotaziuns (anter i 10.09.), cherdé sö Gio­­vanni (Jonson) al 0474 501295 o 335 5232892, o Anna­­­maria al 334 8102551«

Segres y Festes
05. – 07.09.
Festa dl pan
A Badia vëgnel tigní dai 5 ai 7 de setëmber la festa dl pan. La sabeda ai 6 él söl program na sëra de stories y musiga sön le pan, cun n pice aperitif tla ütia »L’Tamá«. La domënia vëgnel pité spezialités de pan tles üties dl raiun da La Crusc y pro le lüch d’Alfarëi a Badia. Al ne manciará nia laborators por pici y gragn, sciöche ince musiga dal ví.
06. y 07.09.
Festa di Scizeri da La Pli cun »Österreichischer Zapfenstreich«
Ai 6 y 7 de setëmber él i Sci­zeri da La Pli che fej festa por i 45 agn. La festa mët man la sabeda dales 18:00. N punt important sará dales 20:30, cun la rapresentaziun dl »Gro­ßer Österreichischer Zapfen­streich« – na zerimonia mili­tara dla verda de nöt, che vá zoruch al 1769. Dedô sona la Musiga da La Pli. La do­mënia dales 8:15 él la gran mëssa, dedô matiné cun »Die fidelen Pfarrlinga« y i »Platleri Sal­vans«.
07.09.
Segra de Runcadic y 40 ani dlieja de Sant Ujep
L aniverser unirà festejà cun na S. Mëssa ai 7 de setëmber dala 10:00, abelida dal Cor de Runcadic, da solisć y dal’Ur­­chestra cun la Pitla Mëssa Credo F-Dur de W. A. Mozart sot ala bachëta de Friedemann Ploner. La Muji­ga da Bula y la Trohtes fajerà na defileda. Sun plaza de scola se cruzierà l Cor de Runcadic de dé ora da maië y bever; la Mujiga da Bula sunerà n pitl cunzert.
08.09.
Pan dala nuef per scola, ufize y tëmp liede
Tla biblioteca de S. Durich a Urtijëi vëniel metù a jì chësc referat cun Petra Rehbichler, n lunesc ai 8 de setëmber dala 20:00. La ntreda ie liedia y l ne ie nia debujën de se nuté su.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
09.09.
Sport Ladin
Dales 20:50 ca. N program de Diego Clara, produziun Zak, a cura de Leo Senoner.
10.09.
Personalites dla ladinia
Heidi Runggaldier Siller. Da­les 20:50 ca. Test y regia Rut Bernardi, produziun Peter Obe­xer, a cura de Leo Seno­ner.
11.09.
Mendret
Dales 20:50 ca. Test y regia Matilde Gazzini, produziun Media-art, a cura de Ales­sandro Dapunt.
Informazions plu menudes sun i programs de RAI Ladi­nia pón giaté sun www.raibz.rai.it – Sun l medem sit sarà i pro­grams TV da vedei sot a »Mediateca« y les trasmi­scions radio sot a »Podcast«.

Radio
05.09.
Judith Kostner: »Zidlé nstësc prudoc dla natura, ie na gran sodesfazion«
Judith Kostner ie bele dai ani che va sun i marceies y vënd si prudoc, che la zidla su sun si luech da paur a Laion. Cun ëila vëniel rujenà de versura y verdura, de coche la sënta y ti stà do a duta la sortes, dl mu­­­da­mënt tlimatich y di parasic’ che nfluenzea for plu y plu la produzion y che ie nce na gran ndesfideda. Ma l lëur tla natura fejela cun cuer y l ti dà na gran sodesfa­zion y ti permët nce de man­tenì na familia cun trëi mu­tons. Trasmiscion de Simon Moroder.
07.09.
Van Morrison – 80 ani de groove
L ciantarin irlandesc Van Morrisen à scrit per sies de­jeneies alalongia la storia dla musiga. Dai clubs de Belfast ai gran stadi, dai prim ritms cun si band »Them« ala operes poetiches sciche »Astral Weeks«, ie Van Morrisen na lijënda che ie for jit inant sun si streda, zënza se lascé storjer da zachei. Ala fin de agost àl cumplì 80 ani. N portrait de n artist che à ispirà generazions ntieres. Trasmiscion de Georg Mussner.

Sport
06.09.
Mini Marcialonga e Running Coop
En sabeda ai 6 de setember apuntament con la Marcia­longa Running Coop, garejèda de corsa de 26 chilometres da Moena a Ciavaleis o de 21 chilometres fin a Masi per l percors curt. Partenza da les 16:30 te Sotegrava. Da les 14:30 corsa per i più picoi dintorn paisc.
11.09.
Juech de amezizia HC Gherdëina y Asiago Hockey
Ai 11 de setëmber dala 20:30 jugherà l HC Gherdëina contra l Asiago Hockey, te n juech de amezizia tl stadio dala dlacia Pranives te Sëlva.
13.09.
Sellaronda Bikeday
Nce chëst ann vëniel metù a jì l Sellaronda Bikeday – ai 13 de setëmber sarà i cater jëufs dla Dolomites (Frea, Ciau­lonch, Pordoi y Sela) śarei al trafich a motor dala 08:30 nchin la 16:00, per ti dé la puscibltà a chëi y chëles dala roda de pudëi se goder i jëufs y la cuntredes zënza messëi abadé ai auti. Duc possa fé pea y la manifestazion ie debant.

Mujiga
05.09.
Conzert de la Banda de Moena
Insnet, vender ai 5 de setem­ber, la Banda de Moena sona te la doi piazes de paisc, Ra­mon e Sotegrava, per viventèr la vea de la Marcialonga Running.
05.09.
Conzert dla Musiga d’La Pli
Incö vëndres ai 5 de setëmber dales 21:00, sön paiun d’Al Plan.
05.09.
Conzert de la Musega da Poza
En vender ai 5 de setember da les 21:15 defilèda da la gejia de Sèn Nicolò con la Musega da Poza che tegn sie conzert te tendon de la mani­fe­­stazions.
06-07.09.
Conzert de jazz per Panorama Music
En sabeda ai 6 de setember da les 21:30 conzert de jazz a La Grenz de Moena con l quar­tet de Pietro Tonolo, Paolo Birro, Caterina Crucitti e Giovanni Giorgi che prejenta l CD ‘Ballad for Very Tired and Very Sad Lotus Eaters’. En domenia ai 7 l grop sona da les 11:30 al Agritur El Mas a Moena.
06.09.
I Sons de la Dolomites sun Cianvere
En sabeda ai 6 de setember da les 12:00 sun Cianvere sun Lujia, tel chèder de la manife­stazion ‘I Sons de la Dolo­mites’ conzert con Les Méca­nos, n cor de omegn che con­jo­bia la tradizion franzousa e ozitana con i sons daldi­danché.
06. y 07.09.
»Soundwave Project« a La Ila
Le conzert »Soundwave Pro­ject« cun musizisć y ciantadus dl post vëgn ciamó tigní en doman sabeda ai 6 y en do­mënia ai 7 de setëmber, dales 20:30 te Ciasa dla Cultura a La Ila.
07.09.
Matinée – Upcycling Band
Sun Plaza Stetteneck a Urtijëi saràl ai 7 de setëmber dala 11:00 inant n matinée cun la Upcycling Band.
08.09.
Conzert Musega de Vich
En lunesc ai 8 de setember da les 21:00 defilèda fora per paisc e conzert de la Musega de Vich tel picol piaz tedant Ciasa de Comun.
09.09.
Conzert del Cor Valfassa
En mèrtesc ai 9 de setember da les 21:15 a La Gran Ciasa a Soraga conzert del Cor Val­fassa vidà dal Maester Stefano Lazzer.
11.09.
Conzert de la Böhmische de Vich
En jebia ai 11 de setember da les 21:15 te piaz de Vich, te­dant a Ciasa de Comun, con­zert de la Böhmische de Vich.

Chino
Atualmenter
Al chino de Pardac
Insnet, vender ai 5 de setember da les 21:15 l é »I Roses«, sa­beda ai 6 da les 17:30 l é »Troppo cattivi 2« e da les 21:15 l é »Material Love« che vegn moscià ence domenia ai 7 da les 21:15; vender ai 12 da les 21:00 l é »Conjuring-Il rito finale«. Info su www.cinemapredazzo.it
Atualmenter
Al chino de Tieser
Anché, vender ai 5 de setember da les 17:30 l é »I puffi il film«, mercol ai 10 da les 20:45 l é i film »Eternal solo« e »Mario Manica-Arrampicare per viaggiare« de la rassegna Trento Film Festival 365, jebia ai 11 da les 21:15 l é »Downton Abbey 3«. Info su www.cinematesero.com

Religion
06.09.
Preparaziun dl Bato
La Uniun dles Ëres Catoliches de nosc decanat inviëia düc i geniturs che á n pice möt o na picia möta da batié, pers che aspeta, toc y totes de nosc decanat ala preparaziun dl Bato, la sabeda ai 6 de setëm­ber dales 15:00 ales 17:00, te salf de calonia a San Ciascian. Al vëgn aprofondí l’importanza dl sacramënt, presenté le ritus y splighé i simboi. Se prenoté pro Lucia al 334 3200396.
07.09.
Mëssa sön Pralongiá
En domënia ai 7 de setëmber dales 11:00 vëgnel tigní na mëssa pro la capela sön Pra­longiá.
01. – 06.10.
Pelegrinaje a Medjugorje
Dal 1. ai 6 de otober vëgnel or­­­ganisé n pelegrinaje a Me­djugorje. Informaziuns y pre­notaziuns pro Daniele y Patri­zia Agostini al 335 526 8546 o al 347 7537887.
06. – 09.11.
Pelegrinaje jö da Padre Pio
Dai 6 ai 9 de novëmber vë­gnel metü a jí n pelegrinaje a Ma­no­­­pello, a San Giovanni Ro­tondo jö da San Padre Pio y a San Michele al Gargano. In­formaziuns y prenotaziuns pro Daniele y Patrizia Agostini al 335 5268546 o al 347 753 7887.

Temp Lede
05.09.
Stories de 15 menuc
Tla biblioteca de S. Durich a Urtijëi vëniel liet dant na storia per per mutons, n vën­derdi ai 5 de setëmber dala 15:00.
08.09
Liber nuef da cujiné
N lunesc, ai 8 de setëmber dala 8 da sëira prejënta Petra Rehbichler si liber nuef da cujiné »Easy Pausen Snacks für Schule, Büro und Freizeit«, tla biblioteca San Durich a Urtijëi.
05.09.
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, n vënderdi ai 5 de setëmber. Sambën ne manceràl nia de bela mujiga.
14.09.
Ancunteda FIAT 500 SELLA TOUR
Ai 14 de setëmber se anconta i pasciunei de Fiat 500 sun la plaza dan la Cësa de Cultura de Sëlva, dala 08:30. Per plu nfurmazions: 500sellatour@gmail.com, Peter 329 4221363 o Georg 335 8274025.
11.09.
Nos Ladins cun Davide
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En jöbia ai 11 de setëmber él le cogo Davide che tëgn n curs da cujiné sön munt, a San Ciascian. Iscriziuns online o ti ofizi turistics dl’Alta Badia.
13.09.
Sellaronda Bike Day
En sabeda ai 13 de setëmber vëgnel tigní la ediziun d’altonn dl Sellaronda Bike Day, sön i jus incër le Sela. Les strades gnará stlütes al trafich moto­risé dales 8:30 ales 16:00. I ziclisć é inviá da tó pert ala manifestaziun. Al vëgn acon­sié da fá la roda tl vers cuntra la ora.