La Usc di Ladins

Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Stra­­­da di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
Bancarela dl mangé a Badia
La bancarela dl mangé a Badia é da­verta vigni secunda jöbia, dales 9:30 ales 10:30. Le pro­scim termin é ai 11 de setëm­ber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
29.08.
Deberieda – jita sun la mont de Marinsen
N se anconta n vënderdi ai 29 de agost dala 14:00 dan la Cësa de Paussa a Urtijëi per fé na bela jita n cumpa­nìa. »Deberieda« ie na grupa che mët a jì ancuntedes danter ulenteres y persones che à problems psichics o de sozia­lisazion.

Religion
30.08.
Mëssa por i tomá te vera
Pro la cortina di soldas söl Ju de Arparora vëgnel zelebré en sabeda ai 30 d’agost dales 11:00, na santa mëssa por recordé i soldas tomá te vera.
06.09.
Preparaziun dl Bato
La Uniun dles Ëres dl decanat Val Badia inviëia düc i geniturs che á n pice möt o na picia möta da batié, pers che aspeta, toc y totes dl decanat ala preparaziun dl Bato, la sabeda ai 6 de setëm­ber dales 15:00 ales 17:00, te salf de calonia a San Ciascian. Al vëgn apro­fondí l’importanza dl sacra­mënt, presenté le ritus y spli­ghé i simboi. Se prenoté pro Lucia al 334 3200396.
01. – 06.10.
Pelegrinaje a Medjugorje
Dal 1. ai 6 de otober vëgnel or­ganisé n pelegrinaje a Me­djugorje. Informaziuns y pre­notaziuns pro Daniele y Patri­zia Agostini al 335 5268546 o al 347 7537887.
06. – 09.11.
Pelegrinaje jö da Padre Pio
Dai 6 ai 9 de novëmber vëgnel metü a jí n pelegrinaje a Ma­no­pello, a San Giovanni Ro­tondo. Jö da San Padre Pio y a San Michele al Gargano. Prenotaziuns pro Daniele y Patrizia Agostini al 335 526 8546 o al 347 753 7887.

Iadi y Jites
Atualmënter
Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
06.09
Jita cun via fereda
La Lia da Mont de Gherdëina mët a jì na jita cun via fereda a Fai della Paganella ai 6 de setëmber. L ie na via nueva mesanmënter ria, de ndut iel da jì feter cater ëura cun 550 metri de deslivel. L vën muet da Sëlva y pona fermà dam­provia. Pudëis ve lascé nuté su dai 1. ai 4 de setëmber per whatsapp scrijan l inuem y ulache n sënta su: tel. 339/ 4629400. L custimënt ie de 18,00 € (scric ite a la Lia da Mont). Per de plu nfurmazions 335/7885710 (Georg) o 339/4629400 (Brigitte).

Cursc
12.09.
Domisdé de Kneipp a San Martin
Le Consëi de formaziun da San Martin inviëia a n do­mis­dé de Kneipp, en vëndres ai 12 de setëmber dales 14:00 ales 17:00, pro le percurs Kneipp dlungia Ciasa de palsa a San Martin. Le pice curs vëgn tigní dal’esperta de Kneipp Waltraud Auer y é por todësch. Informaziuns y iscri­ziuns anter i 5 de setëmber pro Monica Trebo al 334 8228799.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
02.09.
Mendret
Dales 20:50 ca. Test y regia Matilde Gazzini, produziun Media-art, a cura de Alessan­dro Dapunt.
03.09.
Erbes de medejina
Dales 20:50 ca. Produziun Kar­bonvideo, a cura de Leo Senoner.
04.09.
Scenar
Dales 20:50 ca. Test y regia Silvia Murer, produziun Kar­bonvideo. A cura de Leo Se­noner.

Radio
29.08.
Anastasia Kostner: »Canche bale, ne sons nia plu ie«
La balarina, coreografa y rolfer cualificheda Anastasia Kostner à studià bal a Linz, a London y a Frankfurt am Main y la à balà te de plu pro­duzions de bal cun d’autra persones de livel aut. Te chësta ntervista contela danter l auter de coche ie nasciuda si pascion. Trasmi­scion de Sofia Stuflesser.
31.08.
Walter Maierhofer, da 36 ani inca cronometrist
L ie n hobby che n muessa tò sun l scerio, davia che n ne possa nia se mpermëter de fé vel’ fal pra vel’ evënt sportif. Walter Maierhofer ie dal 1989 incà che tol ju l tëmp pra ga­rejedes de schi, partides de hockey y mo d’auter y nes conta de si sperienzes. Trasmi­scion de Stefano Zanotti.
09.09.
Ladinia Live: Le ladin te gofa
L’auturia y linguista Daria Valentin nes cunta de sü pici dizionars da gofa ponsá por i turisć. Ara fej ince n valgönes reflesciuns por ci che reverda l’identité ladina, alzan fora la desfarënzia danter contrada naturala y contrada culturala. N program de Sara Frenner.
11.09.
Dai Crëps dl Sela: La verda dl bosch
Nüsc bosć é na ressursa essen­ziala por la porsona y nia ma. Ara nen vá insciö de stra­vardé y ciaré dl bosch y avisa chësc fej i verdabosch de laur. Debo­riada cun le co­mandant di verdabosch de Gherdëna, Marco Plancker, gnunse sura te chësc program ci che le vardian dl bosch fej tl concret por mantigní sagns y bí nüsc bosć. N program de Sara Frenner.
18.09.
Dai Crëps dl Sela: FamiLiam
Le sistem familia se müda y á insciö tres indô debojëgns nüs. FamiLiam é na rëi por les families te Gherdëna, che se tol dant da sostigní y daidé les families avisa te chëres che é les problematiches plü sintides. N program de Sara Frenner.
23.09.
Ladinia Live: I fonguns
Le surastant di verdabosch de Gherdëna, Marco Plancker, nes cunta te chësc program dles regoles da jí a fonguns, alzan fora ince cares che pó ester les straufunghes, sce an ne se tëgn nia a ci che é scrit dant. N program de Sara Frenner.

Avisc
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
Atualmenter
Giramuseo al Museo Ladin
Per dut istà vigni lunesc con scomenz da les 10:00 l staff del Museo Ladin de Fascia endreza Giramuseo, na raida a descorir la esposizions per duta la familia.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò da­viert uni mierculdi dala 15:00 nchin la 19:00.
29.08.
Spetacol de Istà Algegra
Insnet, vender ai 29 de aost da les 20:45 al teater de Na­valge i bec e la bezes de Istà Algegra porta dant sie spetacol finèl de l’animazion da d’istà.
30.08.
Emiliano Oddone a Cianacei
En sabeda ai 30 de aost da les 21:00 te piaz Marconi de Cianacei, tel chèder de la rassegna ‘Orizzonti Alti’ l é na scontrèda col geologh Emiliano Oddone, ideator e cofondador de Dolomiti Pro­ject che se cruzia de la valo­risa­zion de la geodesva­livanza.
01.09.
Andrea Bianchi a Poza
En lunesc al prum de setember da les 21:00 te piaz de Comun a Poza, per la rassegna ‘Ad alta voce’ de Virna Pierobon, l é na scontrèda col giornalist e scritor Andrea Bianchi che ensegna l ‘Breath Trekking’, na neva forma de jir a pe più consapevola con la giusta tecniches de respirazion.
01.09.
Lia di Filatelisć – ancuntedes
La Lia di Filatelisć, Numis­matics y Vedla Chertes de Gher­dëina se anconta uni prim lunesc dl mëns dala 20:00 tl Bar 2000 a S. Cri­stina, per s‘la ciaculé y fé vel‘ barat. La proscima ancunteda sarà ai 1. de setëmber.
02.09
Curs de ladin cun Karin Comploj
L Istitut Ladin Micurá de Rü mët a jì te si sënta te Sëlva n curs de ladin cun Karin Com­ploj per se anjenië ca al Ejam de ladin dl Trilinguism (C1). L curs scumëncia ai 2 de setëm­ber. N se anconta de ndut set iedesc for de merdi y de juebia dala 17:00 ala 19:00. N possa se scrì ite nchin ai 2 de setëmber cherdan su l numer 0471/794268 o scrijan a furmazion.gh@micura.it
03.09.
Monologh de Paolo Cova
En mercol ai 3 de setember da les 17:30 te piaz Perle Al­pine, per la rassegna Moena Incontri, l é l monologh de Paolo Cova sul Canto V del Infern de Dante Alighieri dal titol ‘Volentieri parlerei a quei due’.
05.09.
San Martin: udiënza dla defensuria popolara
La defensuria popolara o süa sostituta tëgn udiënza a San Martin, tl salf di stödafüch, en vëndres ai 5 de setëmber dales 14:00 ales 17:00. Por pre­no­taziuns cherdé sö le 0471 946020. L’ultima udiën­za dl ann é spo ai 7 de novëm­ber.
24.09.
Festa dla classa dl 1950 dla Val Badia
La classa dl 1950 dla Val Badia organisëia na picia festa, por rengrazié y festejé la bela eté de 75 agn. An s’incunta en mercui ai 24 de setëmber dales 15:00 a La Pli. Por infor­maziuns y prenotaziuns (anter i 10.09.), cherdé sö Giovanni (Jonson) al 0474 501295 o 335 5232892, o Anna­maria al 334 8102551.

Dotours
Dutor Gherdëina
L dutor de servisc da n sada ai 30.08. dala 08:00 daduman nchin la 08:00 daduman de n lunesc ai 1.09. ie l dutor Va­len­tin Tröbinger de Sëlva, tel. 0471/773073 o l 335 684 4944.
Doturs Val Badia
Ti comuns de Badia, Corvara y La Val él en sorvisc tla fin dl’edema di 30 y 31 d’agost le dotur Antonio Caretta, Badia, tel. 0471 839706 o 380 3161999. Ti comuns de Mareo y San Martin de Tor él en sorvisc la doturia Margarete Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 29.08. nchin n vënderdi ai 05.09. ie chëla de S. Cristina, tel. 0471/ 792 106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 29 d’agost dales 19:00 al vën­dres ai 5 de setëmber ales 19:00, é chëra da San Martin/Picolin, tel. 0474 523020.

Segres y Festes
31.08.
Festa di paures
Te Pra da Rì te Val mët i pau­res jëuni de Sëlva a jì la festa di paures, ai 31 de agost dala 10:00 inant.
31.08.
Segra da La Ila y festa por Luca Pescollderungg
En domënia al 31 d’agost. An mët man dales 8:30 cun la mëssa te dlijia. Dedô vára inant tl parch dlungia la scora dai schi, olache al vëgn dé fora da mangé y da bëre. Ia por le de sona les musighes da La Ila, Al Plan y di Jogn dla Val Badia, spo i grups »Gipfel­Blech« y da sëra i »Odle­sound«. Te chësta ocajiun ti vëgnel ince fat festa al campiun mondial de spartan race Luca Pescollderungg.
06.-07.09.
Festa per i 100 ani dla Mujiga de Sëlva
Sun plaza de Chemun de Sëlva vëniel metù a jì na festa de doi dis n ucajion di 100 ani dla Mujiga de Sëlva. La festa scumëncia ai 6 de setëm­ber dala 11:00. N puderà scuté su deplù cunzerc y l ne man­cerà sambën nia da maië y da bever.
06. y 07.09.
Festa di Scizeri da La Pli cun »Österreichischer Zapfenstreich«
Ai 6 y 7 de setëmber él i Scizeri da La Pli che fej festa por i 45 agn. La festa mët man la sabeda dales 18:00. N punt important sará dales 20:30, cun la rapresentaziun dl »Gro­ßer Österreichischer Zapfen­streich« – na zerimonia mili­tara dla verda de nöt, che vá zoruch al 1769. Dedô sona la Musiga da La Pli. La domënia dales 8:15 él la gran mëssa, dedô matiné cun »Die fidelen Pfarrlinga« y i »Platleri Sal­vans«.
07.09
40 ani dlieja de Sant Ujep
L aniverser di 40 ani dla dlieja de S. Ujep unirà festejà cun na S. Mëssa ai 7 de setëm­ber dala 10 danmesdì. La Santa Mëssa unirà abelida dal Cor de Runcadic, da solisć y dal’Ur­­­chestra cun la Pitla Mëssa Credo F-Dur de W. A. Mozart sot ala bachëta de Friedemann Ploner. La Mu­jiga da Bula y la Trohtes fajerà na defileda. Sun plaza de scola se cruzierà l Cor de Runcadic de dé ora da maië y bever; la Mujiga da Bula sunerà n pitl cunzert.

Sport
31.08.
Trofeo Contrin
En domenia ai 31 de aost vegn endrezà l Trofeo Contrin, la garejèda de corsa a pe de 6 chilometres che ponta via da les 10:00 ta Dèlba e rua sun Contrin. Iscrizions al Hotel La Perla de Cianacei o a la partenza fin da les 9:00.

Mujiga
29.08.
L sona i corni da mont
Te Val puderàn scuté su n cunzert de corni da mont, ncuei vënderdi ai 29 de agost dala 16:30 inant.
29.08.
Conzert dla Musiga da Rina
Incö vëndres ai 29 d’agost dales 21:00, sön paiun d’Al Plan.
30.08.
Sweet Alps Orchestra a Navalge
Ai 30 de aost da les 21:00 te teater de Navalge, tel chèder de Fascia Panorama Music, l é l conzert de la Sweet Alps Orchestra che porta dant mu­sega afro, balkan, alpen e jazz.
31.08.
»Cianté y soné sön munt«
Tla cornisc dla iniziativa »Cian­­té y soné sön munt« tl’Alta Badia, sona en domënia al 31 d’agost dales 13:30 inant le »Conturines Echo«, tla ütia Nagler a Badia.
31.08.
Conzert del Coro Nosc
En domenia ai 31 de aost da les 21:00 te gejia de Penìa se pel scutèr la cianties, ence chela neves per fascian, del Coro Nosc da Soraga.
01.09.
Conzert del Cor Valfassa
En lunesc al prum de setember da les 21:00 te tendon de la manifestazions de Ciampedel l é l conzert del Cor Valfassa col Maester Stefano Lazzer.
03.09.
Cianta Ciancoai
En mercol ai 3 de setember con scomenz da les 21:15 fora per i Ciancoai a Poza se pel jir a la descorida de musega e magnères tradizionèi.
03.09
Cunzert dla Mujiga de S. Cristina
La Mujiga de S. Cristina sunerà ai 3 de setëmber dala 20:30 inant tl zënter Iman te S. Cristina.
04.09.
Cunzert dla Mujiga de Urtijëi
La Mujiga de Urtijëi sunerà ai 4 de setëmber dala 21:00 inant sun Plaza de San Du­rich.
04.09.
L’Èlba su la Dolomites
En jebia ai 4 de setember da les 6:30 da doman sun Col Margherita l é n apuntament del projet spezièl l’Èlba de la Dolomites con i sonadores Wu Wei, Alexis Baskind e Pascal Cotet.
04.09.
Dilian Kushev – la usc d’or
Ai 4 de setëmber dala 20:00 cianterà l bariton Dilian Ku­shev tla dlieja de S. Cristina. L sarà da audì pec de mujiga tlassica, sacrala y de opra.
05.09.
Conzert dla Musiga d’La Pli
En vëndres ai 5 de setëmber dales 21:00, sön paiun d’Al Plan.
07.09.
Matinée – Upcycling Band
Sun Plaza Stetteneck a Urtijëi saràl ai 7 de setëmber dala 11:00 inant n matinée cun la Upcycling Band.

Mostres y Ert
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmënter
»NATURAL-MENTE« – mostra coletiva
L Tublà da Nives à l plajëi de nvië a chësta mostra de 9 artisć cuntemporans, che re­ste­rà da udëi nchin ai 7 de se­tëmber, uni di ora che l lunesc, dala 16.00 nchin la 19.00 y de merdi, mierculdi y vënderdi nce dala 20:00–22:00.
Atualmënter
Mostra dl cuncors fotografich »Flora y fauna de Gherdëina«
Sun streda Mëisules y sun Plaza Nives te Sëlva pòssen mo ncuei, vënderdi ai 29 de agost, amiré per l ultim di la 20 miëura pultredes dates ju per l cuncors.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, ola­che al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes contra­des y la ma­nira da tigní tiers.
Atualmënter
Elisa Rungger tl Ciastel de Tor
Cina ai 27 de setëmber él da odëi tl MusLa Ciastel de Tor a San Martin la mostra »Dan­terite« de Elisa Rungger da Rina. La cerna di laurs metüs fora tol ite operes fora de n spectrum de deplü agn. Insciö pîta la mostra sides elemënc retrospetifs, che na vijiun söles operes da sëgn, sciöche ince na odlada tl svilup arti­stich dl dagní.
Atualmenter
Mostra de Andrea Soraperra
Fin ai 31 de aost, duc i dis da les 16:00 a les 19:00, te sala de Consei de Comun de Cia­nacei se pel veder na mostra de operes del artist Andrea Soraperra.
31.08.
Mostra de fonc
Sun Plaza S. Antone a Urti­jëi uniràl metù ora d’uni sort de fonc, ai 31.08. dala 09:00 inant. L sarà prejënt nce l espert Claudio Rossi. La se­zion Gherdëina di carabiniers dajerà ora vel’ cërcia de fonc d’uni sort.

Temp Lede
Atualmenter
Mostra-marcià di Mile Bechec a Poza
Ai 30 e 31 de aost da les 10:00 a les 11:30 e da les 16:30 a les 19:00 tel ex ofize de la Fore­stale a Poza, apedeju l Bar Al Ponte, l é fora na mostra-mar­cià de benefizenza del Grop Mile Bechec de Sèn Jan.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie da. se scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.
29.08.
Fragmenta
L Circolo - Lia Mostra d’Ert n­vieia ala mostra dla trëi arti­stes Rebecca Korb, Melanie Schindler, Katharina Schrei­ter. La giaurida sarà ncuei, vënderdi, ai 29 de agost dala 19:00 tl self dla mostres dl Circolo.
29.08.
Al Plan: Marcé da paur
Sön le marcé da paur »Agri­colart« a Al Plan ciafon de vigni sort de produc da nüsc lüsc. Le marcé vëgn tigní incö vëndres ai 29 d’agost dales 16:00 ales 19:00 sön le lüch »Tló Plazores«. Sce al é bur’ tëmp, pro paiun de paisc.
29.08.
Sparkling Summer Nights a Urtijëi
N vënderdi ai 29 de agost dala 21:00 inant puderàn se la lascé ji bona ntan la »Craft Beer Night« tl raion da jì a pe de Urtijëi: la butëighes sarà daviertes nchin la 22:30, i locai dajerà ora da bever y l sarà de bela mujiga.
31.08.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí en domënia al 31 d’agost anima­ziun y devertimënt por mituns da 5 a 10 agn, dales 13:30 ales 17:00. Al é l’ultim apunta­mënt de chësc isté. Prenota­ziuns online o ti ofizi turistics.
31.08.
Marcià artejanel artistich
Sun Plaza Nives te Sëlva uni­ràl metù ora y vendù lëures fac a man da artejans y artisć. L marcià sarà ai 31.08. dala 09:00 inant.
02.09.
Èrt e mestieres a Vich
En mèrtesc ai 2 de aost con scomenz da les 21:00 fora per l paisc de Vich, l Comitat Ma­nifestazion endreza n viac anter tradizions, èrt e entrate­gniment con de bela musega.
02.09.
La Gran Vera con Gabriele Valentini
En mèrtesc ai 2 de setember da les 21:15 a La Gran Ciasa a Soraga l é na scontrèda con Gabriele Valentini Mambo che conta di lesc e di momenc de la Gran Vera su noscia crepes.
03.09.
Vins alaleria
La linia de degustaziuns de vins de Südtirol tl’Alta Badia vá a piz cun l’ultim apunta­mënt, en mercui ai 3 de setëm­ber dales 14:30. Sön Col de Lastëi a Badia pón ciarcé na seleziun de vins cöci de Süd­tirol, adöm cun n sommelier. Prenotaziuns online o ti ofizi turistics.
05.09.
Stories de 15 menuc
Tla biblioteca de S. Durich a Urtijëi vëniel liet dant na storia per per mutons, n vën­derdi ai 5 de setëmber dala 15:00.
05.09.
»Eco hiker« tl’Alta Badia
Sot al’iniziativa »Atira« vëgnel tigní en vëndres ai 5 de setëm­ber na escurjiun olache an dá n contribut a nosta contrada. An jará fora por i trus a cöie sö le ciomënt lascé incërch. An pëia ia dales 9:30, pro l’implant »Boé« a Corvara. Iscri­ziuns online o ti ofizi turistics.
08.09.
Liber nuef da cujiné
Ai 8 de setëmber dala 8 da sëira prejënta Petra Rehbichler si liber nuef da cujiné »Easy Pausen Snacks für Schule, Büro und Freizeit«, tla biblio­teca San Durich a Urtijëi.

Chino
Atualmenter
Al chino de Pardac
Vender 29 da les 21:15 »Ju­rassic world-la rinascita« a 5 €, sabeda 30 da les 17:30 »I puffi il film« e da les 21:15 »Wea­pons«, domenia 31 da les 21:15 »I Roses«. Ai 4 de setember da les 17:30 »I puffi il film« e da les 21:15 »Material lo­ve«; ai 5 da les 21:15 »I Roses«. Info: cinemapredazzo.it
Atualmenter
Al chino de Tieser
Vender 29 da les 17:30 »I puffi il film« e da les 21:15 »Quel pazzo venerdì sempre più pazzo«, sabeda 30 e domenia 31 da les 21:15 »Tutta colpa del rock« a € 3,50, domenia e vender ai 5 de setember da les 17: 30 »I puffi il film«. Ai 2 da les 17:15 »Troppo cattivi 2« e da les 21:15 »School of life« a € 3,50: Jebia e vender 4 e 5 da les 21:15 »Locked«. Info: www.cinematesero.com