La Usc di Ladins

Tröc conësc la bela capela da Picolin, che é gnüda costruida incër l’ann 1680 y é gnüda renovada deplü iadi – l’ultimo vá zoruch al ann 2003. Al é na capela te chëra che an storj pro ion, bele da vedlamënter incá, éra pö dedicada a Sant Antone y a San Berto. Sambëgn á la devoziun por chisc sanc lascé do tl passé di agn, mo impó él cotan de porsones de döta la valada che vá ite ion por perié decá val’ grazia o ince ma por sté n momënt tl chit te n bel ambiënt sacher. La capela é daverta da doman fina da sëra, de por de, ann por ann. Bele pornanche an é daite da porta se intënon che al é n post da sté saurí, bel nët y rencuré te vigni detai: dal alté bel inforní sö cun ciüfs de sajun, dales ciandëres che ne é mai desvardüdes jö daldöt, dales tovaies beles nëtes y sferiades fora, dal ordin che regnëia döt intoronn, dala plata dla cöra tacada fora. An sint che ia do döt chësc mëssel ester na porsona che se crüzia y che fistidiëia, cun amur, lezitënza y dediziun. Chësta porsona é Frida Craffonara Videsott, che fej so sorvisc da monia dla bela capela da 48 agn incá. En San Berto da iniann án orü la rengrazié.

Deplü nes cunta Romi Crazzolara, t’La Usc di Ladins di 5 de setëmber