La Usc di Ladins

L é da la creida che Katiuscia Rasom é peada via per troar soa strada. Na materia pruma veiora, che se troa ence te nesc bosć, che se lascia lurèr per ge dèr foja a idees e creatività. Percheche posse vegnir fora vèlch de dassen bel ge vel ben segur mingol de tacnica, ma desche semper te l’èrt la tecnica no bèsta, ge vel ispirazion, pensier, e saser creèr n raport anter la materia e chi che la laora.
»Per me la creida l é n material prezious, – disc Katiuscia – la pel aer ence miliogn de egn e la é semper desferenta, aldò de olache tu la tole su. Chesta per ejempie la vegn da Duron e l'à 5000 egn, chest l sé de segur, percheche ge domane semper a n mie amich geologh: aldò de olache la é binada su l sà me dir presciapech l'eta che la podessa aer, ma sun chesta l à fat proprio aoa tesi de laurea e l à fat ence l test al carbonie.«
Da pech più che n an so percors de vita e lurier l’à troà sia majon a Vich, olache con Andrea Dorigatti i à endrezà l laboratorie Kreides Atelier. »Do aer cerì n muie, chiò aon troà n post bel e gran, e aon volù che sie ence n spazie de condivijion e colaborazion. Chiò ensema con Andrea luron, endrezon laboratories e ge dajon ence l met a chi che sà jà lurar la creida de vegnir chiò e durar dut chel che aon e che serf. Fajon desvalive colaborazion e una de cheste, ensema con Carlotta Nemela, l é ‘Aurona ores’: con ela aon creà line de preziousc, i ultimes l é ‘La Pepites’.«
Te Kreides Atelier se veit creide che vegn da Duron, Lauscel, Vich e autres lesc de la val, somea desvalive sort de tera.

Se pel lejer dut su La Usc nr 48 dai 12 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.



 (Lucia Gross)