La Usc di Ladins

»N baul pien de polver che conta la storia e la fadies de la musega. Ogne outa che i me verc vegn fora musega, ogne roba che i tolarà fora arà n segnificat spezial«, l é peà via coscì l conzert da Nadèl de la Musega da Vich, en sabeda passèda ite te Paladolomites de Ciampestrin. Logà sun mesa paladina, na ciantia do l’autra, da chel baul l é vegnù fora recorc, emozions e stories, ogec desche n retrat veie, na piuma, na sciarpa checena, n sas lizech, na ciandeila, n bronsin, na concola. Vigniun contèa de la musega, del valor de stèr adum e de esser museganc. La ousc del baul, chela doucia de Valentina Trottner, la se à mescèda, dut biot per ladin, con chela di etres moderadores Daniela Cigolla, Serena Pederiva, Martina Rasom, Anna Rizzi, Nicolò Riz e Lara Trottner, persona curiouses che se arvejinèa al baul e che da ló tolea fora n oget.


Se pel lejer dut su La Usc nr 49 dai 19 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.  (Nicoletta Riz)