La Usc di Ladins

N resultat che à lascià duc cun la bocia davierta: l atlet cech Jan Zabystran ie ruvà prim pra la garejeda de Super-G de ncuei, do che l ie pià via cun l numer 29. Zabystran ne n'à perdrët mei fat n miëur resultat che otaf y nce sun la Saslonch se àl for plazà do l 20ejim post. Cun si vënta àl scrit storia: da canche l ie la garejedes de Copa dl Mond ne n'à mo degun atlet cech venciù una.

Segondo ie ruvà Marco Odermatt. Mo velch che n se ëssa nia aspità: Giovanni Franzoni ie ruvà terzo, per l "Azzurro" ie chësc si prim podest de Copa dl Mond.

La 58ejima tlassica libra sun la Saslonch sarà duman, sada ai 20 de dezëmber, dala 11:45.