La Usc di Ladins

Da la Conzeta, ai 8 de dezember, l é sagra sa Barbida e, desche vigni an, l Grop de Folclor da Soraga à tout part a la messa, regolà con sia mondura: camejot le camarite, brae de pel e corpet ros i camaric. 
Per l’ocajion le beze che porta l guant a l’antica à podù se scuerjer dal freit con n corpet nef, fat far dal diretif del grop. L nef colet ge é stat portà dant a dut l grop en lunesc domarena, tras na picola prejentazion con foto e testimonianze storiche. Dapodò se à serà su la festa con na beliscima ola de la fortuna!
I egn passé le touse che met l camejot a l’antica le se tiraa ite l corpetin co le manie ‘a gigot’ spezifich del camejot a la fasciana, chel de velù e col garmial de seida. Donca, perché pa no tirar ca l colet giust?
Tras na picola enrescida fata lejan fora i doi volumes del liber »Guant, L’abbigliamento tradizionale in val di Fassa« l diretif à troà fora veie testimonianze.

Se pel lejer dut su La Usc nr 49 dai 19 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.  (Agatha Brunel e Arianna Rosso)